Menu principal

Menu principal

Turarin n Temsetlelt Tislamant n 2022: Bouanani yerbeḥ-d tazalɣi n wureɣ tamezwarut i Zzayer

Yeffeɣ-d ass n : Akwas, 11 Ɣuct 2022 14:39   Ɣran-t : 1 n tikkal
Turarin n Temsetlelt Tislamant n 2022: Bouanani yerbeḥ-d tazalɣi n wureɣ tamezwarut i Zzayer

KONYA (Ṭṭerk) – Yewwi-d umazzal azzayri Amine Bouanani tazalɣi n wureɣ tamezwarut i Zzayer deg Turarin n Temsetlelt Tislamant n 2022 ay d-yettilin deg Konya (Ṭṭerk) deg temsizzlt n 110 n yimitren s wunjugen s wakud n 13.21. Daɣ wa d aklis amaynu deg Turarin-a akked Zzayer.

Tazalɣi n uẓref yerbeḥ-itt Usinigali Francois Mendy (13.28), deg wakud aydeg tin n ubṛunz yerbeḥ-itt Ukwiti Yaqoub Al-Youha (13.30).

Bouanani (24 n yiseggasen) yesselha aklis-nnes n Zzayer deg waddal-a yellan, naqal 13.37 yernu d win ay d-yewwi deg Telɣuɣa n Umaḍal n Tatlitit ay d-yellan deg tgara n  Yulyu deg Eugene (Iwanaken Yeddukklen) akked uklis-nnes yezrin deg Turarin n Temsetlelt Tislamant (13.36).

S tzalɣi-a tamaynut, Zzayer  terbeḥ-d kraḍt n tzalɣiwin (1 n wureɣ, 2 n ubṛunz). Tizalɣiwin n ubṛunz d tid n Abdelmalik Lahoulou deg temsizzelt n 400 n yimitren s wunjugen d Zouina Bouzebra deg uzelli n tefḍist s uzelli n 59.51 n yimitren.

Ass wis kraḍ n tyaka n tatlitit d win aydeg ara d-tili tgarant n temsizzelt n 400 n yimitren s udraw n Slimane Moula d tin n 3.000 n yimitren s wunjugen (tisednan) s tihawt n Amina Betiche.

Taẓrigt tis semmuset (5) n Turarin n Temsetlelt Tislamant d tin aydeg derwen 6.000 n yinaddalen seg 54 n tmura deg 21 n tugrinin. Zzayer tedrew deg tedyant-a s 140 n yinaddalen (irgazen d tsednan) deg 12 n tugrinin.
Turarin n Temsetlelt Tislamant d tadyant taddalant tagtaɣlant ay tessuddus Tfidiṛalit Taddalant n Temsetlelt Tislamant ay d-yettwasɣenwen ass n 6 Mayu 1985 deg Riyaḍ ddaw leɛnaya n Tuddsa n Unmireg Islaman.

 

Last modified on Asiḍyas, 13 Ɣuct 2022 17:37
Turarin n Temsetlelt Tislamant n 2022: Bouanani yerbeḥ-d tazalɣi n wureɣ tamezwarut i Zzayer
  Yeffeɣ-d ass n : Akwas, 11 Ɣuct 2022 14:39     Taggayt : ADDAL     Ɣran-t : 1 n tikkal   Bḍu