Menu principal

Menu principal

Taqbuct n Davis: Hameurlaine d amurar azzayri amuyaf deg tyaka-a

Yeffeɣ-d ass n : Asinas, 09 Ɣuct 2022 14:17   Ɣran-t : 2 n tikkal
Taqbuct n Davis: Hameurlaine d amurar azzayri amuyaf deg tyaka-a

ZZAYER TAMANEƔT – D amurar agraɣlan aqbur n utinis Abdelhak Hameurlaine ay d amurar amuyaf akk deg Yizzayriyen deg Teqbuct n Davis deffir ma yurar deg 81 n temliliyin tiḥerfiyin niɣ tislagin. Tayaka-a ad tebdu ass n 10 Ɣuct deg Uqusis n Utinis n Baceǧeṛṛaḥ deg Zzayer Tamaneɣt, deffir ma tɣab 19 n yiseggasen seg tmurt-nneɣ.

Gar 81 n temliliyin ay yurar seg wasmi ay yettwafren ad yedrew i tikkelt tamezwarut deg 1990, Hameurlaine yerbeḥ 43 n tikkal, yernu yexṣer 38 n temliliyin. Deg uḥerfi, yerbeḥ 35 n tikkal yernu yexṣer 20. Deg temliliyin tislagin, yerbeḥ 8 n tikkal. Yexṣer 18.

D agraɣlan aqbur Noureddine Mahmoudi ay d wis sin deffir Hameurlaine s 44 n temliliyin (32 n trennawin d 12 n terẓa).

Deg temliliyin tiḥerfiyin, yerbeḥ 16 n temliliyin, yexṣer 6. Anect-nni daɣ ay yerbeḥ deg temliliyin tislagin, yernu ula deg tidak, yexṣer 6.
Seg yidis-nnes, Mohamed Hassan d amurar azzayri amuyaf wis kraḍ n teqbuct-a s 42 n temliliyin s 15 n trennawin d 27 n terẓa. Deg uḥerfi, yerbeḥ 13 n tikkal, yexṣer 15. Deg uslag, yerbeḥ snat n tikkal, yexṣer 12.

Kumraw sa (47) n yimuraren ay iderwen deg tyaka-a seg wasmi ay tedrew tmurt-nneɣ i tikkelt tamezwarut deg 1976, gar-asen Youcef Rihane d Samir Hamza-Reguig ara iderwen, tikkelt-a, deg teɣlamt taɣelnawt deg teẓrigt-a n Bacǧeṛṛaḥ.

 

Last modified on Akras, 10 Ɣuct 2022 15:03
Taqbuct n Davis: Hameurlaine d amurar azzayri amuyaf deg tyaka-a
  Yeffeɣ-d ass n : Asinas, 09 Ɣuct 2022 14:17     Taggayt : ADDAL     Ɣran-t : 2 n tikkal   Bḍu