Menu principal

Menu principal

Talɣuɣa n Umaḍal n Tatlitit n Ddaw 20: Zzayer tga amezruy deg Kulumbya

Yeffeɣ-d ass n : Aynas, 08 Ɣuct 2022 16:49   Ɣran-t : 0 n tikkal
Talɣuɣa n Umaḍal n Tatlitit n Ddaw 20: Zzayer tga amezruy deg Kulumbya

ZZAYER TAMANEƔT – Tessaweḍ teɣlamt tazzayrit n tatlitit ɣer unfus d amezruyan deg Telɣuɣa n Umaḍal n Ddaw 20 n 2022 ay ifuken deg temdint n Cali (Kulumbya), imi ay tessaweḍ ad d-tawi, i tikkelt tamezwarut, snat n tzalɣiwin.

Deg tidet, drus anda ay d-tewwi Zzayer tizalɣiwin deg tatlitit n ddaw 20 yernu 6 kan n tzalɣiwin ay tesɛa uqbel taẓrigt-a n 2022 ay d-yellan gar 1 d 6 Ɣuct deg Kulumbya.

Tamezwarut seg tzalɣiwin-a yerbeḥ-itt-id Nour-Eddine Morceli deg 1988 deg temsizzelt n 1500 n yimitren, deg wakud aydeg semmuset n tzalɣiwin niḍen wwin-tent-id Miloud Abaoub (abṛunz, 1500 n yimitren/1996), Baya Rahouli (ureɣ, aneggez n kraḍ/1998), Imad Touil (ureɣ deg 1500 n yimitren/ 2008), Abderrahmane Annou (aẓref deg 1500/2010) akked Mohamed Ali Gouaned (aẓref deg 800 n yimitren/2021).

Tikkelt-a, Zzayer tedrew s 12 n yimsetliten deg Cali (10 n yirgazen, 2 n tsednan) yernu tessaweḍ ad d-tawi 2 n tzalɣiwin. Tamezwarut n Ismail Benhammouda deg tiddit deg umeccaq n 10 n yikilumitren, ma d tis snat n Haithem Chenitef deg temsizzelt n 800 n yimitren.
Ula ma maci aṭas seg-sen ay d-yewwin tizalɣiwin, amur ameqran seg-sen wwin-d amecwaṛ yelhan deg telɣuɣa-a. Mennaw seg-sen ay yewwḍen ɣer tgarant niɣ wwin-d igmaḍ yelhan, gar-asen Aberrahmane Daoud deg temsizzelt n 3000 n yimitren s wunjug d Wissal Harkas deg uneggez s kraḍ.

 

Last modified on Asinas, 09 Ɣuct 2022 14:19
Talɣuɣa n Umaḍal n Tatlitit n Ddaw 20: Zzayer tga amezruy deg Kulumbya
  Yeffeɣ-d ass n : Aynas, 08 Ɣuct 2022 16:49     Taggayt : ADDAL     Ɣran-t : 0 n tikkal   Bḍu