Menu principal

Menu principal

Taqbuct n Davis ad d-teqqel ɣer Zzayer

Yeffeɣ-d ass n : Asamas, 07 Ɣuct 2022 14:55   Ɣran-t : 1 n tikkal
Taqbuct n Davis ad d-teqqel ɣer Zzayer

ZZAYER TAMANEƔT – Tesmutug Zzayer ad tessuddes tayaka tabrarant n Teqbuct n Davis (Tagrawt Tis 3/Asun n Tefriq) deg Uqusis n Utinis n Bacǧeṛṛaḥ (gar 10 d 13 Ɣuct) akken ad d-tesseḍru igmaḍ yelhan sdat yilɣuɣen ifriqiyen n waddal-a.

Zimbabwe, Benin d Meṛṛuk gar tmura tuẓwirin n usihaṛ-a afriqi, yernu yessefk ad d-tefk Zzayer akk ayen tesɛa akken ad tezmer ad d-tawi adeg-nnes gar-asent.

« Deffir ma kkan 19 n yiseggasen, Zzayer tules temmuger asihaṛ-a afriqi. Tidet kan, tayaka ad tili tewɛeṛ imi aswir atwilan ad yili d unnig gar tmura ara iderwen. Nessaram ad d-neg igmaḍ yelhan yernu ad nɛeddi ɣer temliliyin n usettef i lmend n ugdud-nneɣ, ula ma tamsalt-a tewɛeṛ », ɣef wakken ay d-yenna Noujeim Hakimi, aqebṭan n teɣlamt.

Yerna-d dakken « deg usmunu anmaḍal n tmura timedrawin, aql-aɣ deg udeg wis 7 gar 8 n tmura ara iderwen. Aya yesskanay-d lewɛaṛa n tuɣdaḍt-nneɣ deg teẓrigt-a. Ad d-nesmuteg imuraren-nneɣ akken ad d-nefk akk ayen umi nezmer. Ukin s lewɛaṛa n temsalt. Yessefk ad neddem akk ifatusen deg leḥsab. D aya ara igen amgerrad ».

 Ɣef leḥsab n uɣbalu-a, taɣlamt taɣelnawt ara iderwen deg teẓrigt-a n 2022, llan deg-s Rayan Ghedjemis, Samir Hamza-Reguig, Toufik Sahtali d Youcef Rihane.

Menɣir Zzayer, 7 n tmura niḍen ara iderwen yernu ti d Benin, Côte d’Ivoire, Kenya, Meṛṛuk, Muzambik, Namibya d Zimbabwe.

 

Last modified on Aynas, 08 Ɣuct 2022 16:51
Taqbuct n Davis ad d-teqqel ɣer Zzayer
  Yeffeɣ-d ass n : Asamas, 07 Ɣuct 2022 14:55     Taggayt : ADDAL     Ɣran-t : 1 n tikkal   Bḍu