Menu principal

Menu principal

Axtam unṣib n teẓrigt tis 19 n Turarin Tigrakalanin

Yeffeɣ-d ass n : Akwas, 07 Yulyu 2022 13:31   Ɣran-t : 8 n tikkal
Axtam unṣib n teẓrigt tis 19 n Turarin Tigrakalanin

WEHṚAN – Yesguri-d uneɣlaf amenzu, Aimene Benabderrahmane, s yisem n uselway n tegduda, Mass Abdelmadjid Tebboune, ass n ukras tameddit deg Wehṛan, axtam n teẓrigt tis 19 n Turarin TIgrakalanin n Wehṛan n 2022 deg yiwet n tfugla n uxtam ay d-yellan deg usuddis ulampi n Miloud Hadefi n Wehṛan.

« Ad d-sguriɣ s wudem unṣib, s yisem n uselway n tegduda, Mass Abdelmadjid Tebboune, aɣella anafella n yiɣallen umrigen d uneɣlaf n umzaɣ aɣelnaw, axtam n teẓrigt tis 19 n Turarin Tigrakalanin n Wehṛan n 2022 yernu ad d-necdeɣ tillumẓa n temda tagrakalant akken ad d-temsegraw, seg-a ɣef kuẓ n yiseggasen, deg temdint taṭalyanit n Taranto i usfugel n teẓrigt tis 20 n turarin-a », ɣef wakken ay d-yenna Mass Aimene Abderrahmane deg tinawt n uxtam.

I lmend n waya, yesmekti-d dakken « deffir mraw n wussan n tyaka taneẓẓawt gar teɣlamin tiɣelnawin yemgerraden, iban-d uswir addalan n tidet n tmura n Yilel Agrakal yernu aql-aɣ nettedder, ass-a, tiswiɛin tineggura n teẓrigt tis 19 n Turarin  Tigrakalanin deg temdint tagelsant n Wehṛan ay ten-yemmugren s umezruy d tsemgurit n yimezdaɣen-nnes ».

Yerna-d daɣ dakken « aql-aɣ nummar yud-wen s teswiɛin-a timezruyanin ur yettwattuyen, d tid aydeg inaddalen derwen s tihhugṛa deg tyakiwin aydeg d-sseknen iziɣer addalan d unnig. Aql-aɣ daɣ nummar imi ay necrek tadyant-a d ugdud addalan ay asen-yummaren i yinaddalen ay d-irebḥen tizalɣiwin ». Ɣef leḥsab n uneɣlaf amenzu, taẓrigt-a d tin aydeg d-banen « wazalen n waddal yernu d tin ay d-yesseknen tazdellit d tbuɣert n tenḍa tadelsant d tenɣermayt n yimezdaɣen n temda tagrakalant ».

Seg yidis niḍen, yesmekti-d dakken « akk ussan n teẓrigt-a d wid aydeg d-yella uḥṛas, aslummes d ucqirrew, maca tella-d deg-sen daɣ teḍfi, tazdellit d unedlas gar yilemẓiyen, ama d irgazen, ama d tisednan, n tmura iderwen. Aya d asekmem n tidet n yimenzayen n waddal yernu d asnas n tnettamin tulampiyin ayseg d-ttagment tnezgarin n tmussni d tegmat gar warraw n twacult taddalant n temnaḍt ».

 

Last modified on Akwas, 07 Yulyu 2022 16:53
Axtam unṣib n teẓrigt tis 19 n Turarin Tigrakalanin
  Yeffeɣ-d ass n : Akwas, 07 Yulyu 2022 13:31     Taggayt : ADDAL     Ɣran-t : 8 n tikkal   Bḍu