Menu principal

Menu principal

Turarin Tigrakalanin n 2022: Tafugla n urẓam ad tili d « taṣekka taẓurant tummidt »

Yeffeɣ-d ass n : Akras, 22 Yunyu 2022 13:58   Ɣran-t : 6 n tikkal
Turarin Tigrakalanin n 2022: Tafugla n urẓam ad tili d « taṣekka taẓurant tummidt »

WEHṚAN – Iwekked-d uselway n Tseqqimt n Tfugliwin n Urẓam d Uxtam n teẓrigt tis 19 n Turarin Tigrakalanin n Wehṛan n 2022, amsenẓawan Salim Dada, ass n usinas, dakken tafugla n wass n usiḍyas ad tili d « taṣekka taẓurant tummidt ara yesqedcen titwilin d titrarin ».

Deg yiwen n usarag n tɣemsa, yenna-d Mass Dada dakken « tafugla n urẓam n Turarin Tigrakalanin ad tili d tameqqrant yernu d tikkelt tamzwarut ara d-tili tfugla am ta deg Zzayer seg wasmi ay tewwi azarug. Ad d-tili d taṣekka taẓurant tummidt aydeg ara d-ilin akk yiferdisen infalanin iwatan, ama d asinaṛyu, ama d takuṛigṛafit, ama d aseḍru, ama d tasinugṛafit s useqdec n tetwilin d tinaẓiyin ».

Tafugla n urẓam ad as-twet aẓawan tuṛkist tasamfunant aydeg llan azal n 100 n yimẓawanen. D tin aydeg ara d-ilin yimussa iẓuranen deg tjumma n 9.000 n yimitren imkuẓen yernu ad sqedcen 500 n yidṛunen i lmend n waya, ɣer yidis n uhanay n turarin n tmest.

Asemned aẓuran n tfugla ad ilint deg-s 20 tfelwiyin s udraw n 800 n yimdanen, gar-asen inaẓuren, imedrazen akked yimsatwilen n tugna d usfaw ɣef wakken ay d-yenna Salim Dada yellan daɣ d anemhal aẓuran n tfugla.

Asinaṛyu ay yura Mass Dada d win ara d-iwekkden ɣef yidisan yemgerraden n yidles azzayri s umata, win n utaram d temdint n Wehṛan, akked yidles n temda tagrakalant d udraw n wudmawen izzayriyen deg tɣerma talsant deg Yilel Agrakal, ɣef wakken ay d-yenna umasay-a ay d-yernan dakken ad derwen wudmawen imeqqranen n tẓuri tazzayrit deg tedyant-a.

Last modified on Akwas, 23 Yunyu 2022 15:36
Turarin Tigrakalanin n 2022: Tafugla n urẓam ad tili d « taṣekka taẓurant tummidt »
  Yeffeɣ-d ass n : Akras, 22 Yunyu 2022 13:58     Taggayt : ADDAL     Ɣran-t : 6 n tikkal   Bḍu