Menu principal

Menu principal

Ttwassummden-d kra n yinaddalen d inmazalen n Turarin Tigrakalanin n 2022

Yeffeɣ-d ass n : Asinas, 10 Mayu 2022 14:18   Ɣran-t : 0 n tikkal
Ttwassummden-d kra n yinaddalen d inmazalen n Turarin Tigrakalanin n 2022

ZZAYER TAMANEƔT – Ttwassummden-d kra n yinaddalen d inmazalen n Turarin Tigrakalanin n 2022 i usmal n usihaṛ-a ara d-yilin deg Wehṛan gar 25 Yunyu d 6 Yulyu, ɣef wakken ay d-yenna uselway n Tseqqimt Tagraɣlant n Turarin Tigrakalanin, Davide Tizzano.

Mi t-tetter Tnegga n Yisalan n Zzayer ɣef yisurifen ara d-yerren azal i turarin-a, yerra-d uselway-a dakken imir-a, tasudut-nnes tettarem ad d-terr assaɣen-nnes d Tiddukla n Tseqqimin Tulampiyin Tuṛufiyin.

« S waya, ad nesɛu ismawen d imeqqranen ara aɣ-idehlen. Ur bɣiɣ ara ad d-xebbreɣ ɣef waya uqbel wakud, maca ad ilin yinaddalen ara yettwaznen d inmazalen n turarin-a deg teẓrigt n Wehṛan », ɣef wakken ay d-yewɛed.

Ikemmel-d daɣ dakken « Turarin Tigrakalanin d tid aydeg ara derwent aṭas n tmura tuṛufiyin yernu aya yezmer ad d-yeg amyenkaf deg teswasin. S umahil d tfidiṛaliyin tigraɣlanin, neɣs ad nessali aswir yernu aseggas-a, i tikkelt tamezwarut deg 70 n yiseggasen, kra n tyakiwin n Turarin Tulampiyin ad ḍemnent aɛeddi ɣer Turarin Tulampiyin. Aya d ayen igerrzen. Yessefk ad yili umahil d usɣiwes yernu, i lmend n waya, nettkel ɣef kuẓ n yiseggasen ay d-itteddun aydeg ara d-yili usihaṛ n Tarente n 2026 akken ad awḍen waddalen n uɛeddi ɣer Turarin Tulampiyin n Los Angeles ɣer kuẓ ».

Deg wayen yerzan taberza n tcirḍart n Turarin Tigrakalanin n 2022, ta d tin yerzan taggayt n ddaw 18 n yiseggasen yernu yenna-d dakken iḥar melmi ara tettwarẓem tyaka-a i yilemẓiyen.

Last modified on Asiḍyas, 18 Yunyu 2022 13:50
Ttwassummden-d kra n yinaddalen d inmazalen n Turarin Tigrakalanin n 2022
  Yeffeɣ-d ass n : Asinas, 10 Mayu 2022 14:18     Taggayt : ADDAL     Ɣran-t : 0 n tikkal   Bḍu