Menu principal

Menu principal

Taqbuct Tafriqit n Yiɣlanen-2021 / Côte d'Ivoire - Lezzayer : « Ggucclen yerna bɣan ad rebḥen »

Yeffeɣ-d ass n : Akwas, 20 Yennayer 2022 15:01   Ɣran-t : 90 n tikkal
Taqbuct Tafriqit n Yiɣlanen-2021 / Côte d'Ivoire - Lezzayer : « Ggucclen yerna bɣan ad rebḥen »

DWALA (Kamirun) – Asleɣmay n teɣlamt taɣelnawt n Tcirḍart Djamel Belmadi yenna-d, ass n ukras (larebɛa), dakken « Izegzawen » « ggucclen yerna heyyan iman-nsen », akken ad ɛerḍen ad rnun taɣlamt n Côte d’Ivoire.

Ad urareb deg unarir Japoma deg Dwala ɣef usrag wis 17:00,  yerna ad awin atiki-nsen n uzgar ɣer 1/8 n teggarant n teẓrigt tis 33 n Taqbuct Tafriqit n yiɣlanen n useggas n 2021 i wexxren s aseggas n 2022 deg Kamirun i la d-iḍerrun seg wass n 9 yennayer ar 6 furar.

« Nesɛa tafrit dakken la ttraǧun akk ad tili tigawt igerzen seg yidis-nneɣ. D nekni i wumi yessefk ad neɣrem ayen i d-aɣ-iruḥen, yerna ad nefk ttbut n tɣariwin-nneɣ deg unarir. Ur nebɛid ara ɣef yiswi-nneɣ, yessefk kan fell-aneɣ ur nzeggel aɣḍam n yiswan.

Aql-aɣ negguccel yerna nebɣa ad nerbeḥ. Sɛiɣ aflas deg yimariren-is. Akken yebɣu yili win ara nqabel,  ayen yellan d axatar ugar d rrbeḥ », i d-yenna Belmadi, deg yiwen n usarag n tɣamsa i d-yettilin qbel ad yebdu wurar, i d-yeḍran deg unarir n Japoma.

Last modified on Asimwas, 21 Yennayer 2022 13:16
Taqbuct Tafriqit n Yiɣlanen-2021 / Côte d'Ivoire - Lezzayer : « Ggucclen yerna bɣan ad rebḥen »
  Yeffeɣ-d ass n : Akwas, 20 Yennayer 2022 15:01     Taggayt : ADDAL     Ɣran-t : 90 n tikkal   Bḍu