Menu principal

Menu principal

Taqbuct Taɛṛabt: Zzayer d Maṣer fukent s tgadda (1-1)

Yeffeɣ-d ass n : Akras, 08 Dujembeṛ 2021 08:12   Ɣran-t : 0 n tikkal
Taqbuct Taɛṛabt: Zzayer d Maṣer fukent s tgadda (1-1)

DDEWḤA – Tfuk teɣlamt taɣelnawt n tcirḍart n A’ timlilit-nnes mgal Maṣer s tgadda n 1 ɣer 1 (azgen n wakud amezwaru ifuk s 1 ɣer 0). Yella-d waya ass n usinas tameddit seg unarir n Al-Janoub deg Ddewḥa, deg ukatar n wass wis kraḍ d uneggaru n Tegrawt D deg Teqbuct Taɛṛabt n FIFA ay d-yettilin deg Qaṭar gar 30 Wamber d 18 Dujembeṛ.

D Zzayer ay yessadfen iswi amezwaru s tyita n Mohamed Amine Tougai (timikt tis 19), maca Imaṣriyen rran-d tiyita s yiswi n temqassit ay yessadef uqebṭan Amro El-Soulia deg tmikt tis 60.

Deg temlilit niḍen n tkemmuct-a ay d-yellan deg unarir n Uɣaram n Usegmi, Lubnan terna Ssudan s 1 ɣer 0 s yiswi ay yessadef umḍif n yiswi Ali Abo Eshrein s tuccḍa i teɣlamt-nnes deg tis 76. S lexṣara-a, Ssudan teffeɣ seg teqbuct-a.

S yigmaḍ-a akk, Zzayer tfuk d tis snat deg tegrawt-nnes s 7 n tenqiḍin deffir Maṣer yeṭṭfen adeg amezwaru s 7 n tenqiḍin ula d nettat. Zzayer ad turar mgal Meṛṛuk, tamezwarut n tegrawt C ass n usiḍyas deg unarir n Al-Thumama (ɣef tis 8:00 n tmeddit).

Seg yidis-nnes, Maṣer ad turar mgal Luṛdun yellan d tis snat deg tegrawt C ass n usiḍyas deg unarir n Al-Janoub (ɣef tis 4:00 n tmeddit).

 

Last modified on Akras, 08 Dujembeṛ 2021 15:56
Taqbuct Taɛṛabt: Zzayer d Maṣer fukent s tgadda (1-1)
  Yeffeɣ-d ass n : Akras, 08 Dujembeṛ 2021 08:12     Taggayt : ADDAL     Ɣran-t : 0 n tikkal   Bḍu