Menu principal

Menu principal

Taqbuct Taɛṛabt n FIFA n 2021: Izegzawen ssewjaden iman-nsen deg Ddewḥa

Yeffeɣ-d ass n : Asamas, 28 Wamber 2021 11:28   Ɣran-t : 0 n tikkal
Taqbuct Taɛṛabt n FIFA n 2021: Izegzawen ssewjaden iman-nsen deg Ddewḥa

DDEWḤA – Tedda teɣlamt taɣelnawt n tcirḍart (‘A), ass n usiḍyas, ɣer tmaneɣt taqaṭarit n Ddewḥa, akken ad tedrew deg Teqbuct Taɛṛabt n FIFA n 2021 ara d-yilin gar 30 Wamber d 18 Dujembeṛ, ɣef wakken ay d-tenna Tfidiṛalit Tazzayrit n Tcirḍart.

« Teqleɛ tmagla tazzayrit deg yiḍ (ɣef tis 4:00) seg unafag agraɣlan n Zzayer Tamaneɣt, yernu ddan deg-s yimahalen itwilanen ddaw tmehla n Madjid Bougherra, asleɣmay aɣelnaw n yimuraren n tegrawt n A n Djamel Belmadi, d semmus n yimuraren yetturaren deg telɣuɣa taɣelnawt. Aɣawas n waffug d win aydeg ara ḥebsen deg Tunes akken ad rnun ad d-refden imuraren yetturaren deg telɣuɣa tatunsit », ɣef wakken ay d-yenna ulɣu n tfidiṛalit.

Seg yidis niḍen, imuraren izzayriyen yetturaren deg telɣuɣa tasaɛudit ddan ɣer Ddewḥa ass n usimwas. S waya, ad d-mlilen qrib akk yimuraren n tmagla slid kraḍ seg-sen yernu wi d M'Bolhi d Abdellaoui (taɣlamt n Al Ettifaq) akked Sayoud (Al Taee) ay yuraren, iḍelli, timliliyin deg teɣlamin-nsen.

Seg yidis niḍen, imuraren yetturaren deg telɣuɣa taqaṭarit, Belaili, Benlamri, Bounedjah d Brahimi, ddan srid ɣer udeg n tnezduɣt-nsen deg Ddewḥa anda ay llan ineɣlamen-nsen iqelɛen seg Zzayer.

I usmekti, Izegzawen atni deg Tegrawt D ɣer yidis n Sudan, Lubnan d Maṣer. Imuraren n Madjid Bougherra ad bdun tayaka-a mgal Sudan ass n 1 Dujembeṛ deg Unarir n Ahmed-Ben-Ali n Ddewḥa (ɣef tis 11:00 s wakud Zzayer), sakkin ad uraren mgal Lubnan ass n usiḍyas 4 Dujembeṛ deg Unarir n Al Janoub (tis 2:00 n tmeddit). Deg tgara, ad turar teɣlamt taɣelnawt, deg uderbi agafafriqi mgal Maṣer ass n usinas 7 Dujembeṛ dima deg Unarir n Al Janoub (ɣef tis 8:00 n tmeddit).

 

 

Taqbuct Taɛṛabt n FIFA n 2021: Izegzawen ssewjaden iman-nsen deg Ddewḥa
  Yeffeɣ-d ass n : Asamas, 28 Wamber 2021 11:28     Taggayt : ADDAL     Ɣran-t : 0 n tikkal   Bḍu