Menu principal

Menu principal

Taɣlamt taɣelnawt terna Tunes s 2 ɣer 0 yernu terẓa aklis afriqi n tirettwarnut

Yeffeɣ-d ass n : Asiḍyas, 12 Yunyu 2021 16:24   Ɣran-t : 1 n tikkal
Taɣlamt taɣelnawt terna Tunes s 2 ɣer 0 yernu terẓa aklis afriqi n tirettwarnut

TUNES - Terna teɣlamt taɣelnawt tamtilt-nnes tatunsit s 2 ɣer 0 deg temlilit tammidwant n usewjed ay d-yellan ass n usimwas deg unarir n Hamadi-Agrebi n Ɣades (Tunes). Timlilit-a tella-d deg ukatar n usewjed i wass wis sin n tuzzya n taffasanin n Teqbuct n Umaḍal n 2022.

D Bounedjah ay yegren iswi amezwaru deg tmikt tis 18, ma d Mahrez yessadef iswi wis sin deg tis 27. S waya, Lezzayer turar 27 n temliliyin war ma texṣer yernu terẓa, s waya, aklis afriqi n tirettwarnut yellan naqal ɣer Côte d’Ivoire seg 2013.

Tazwara n temlilit tella-d d taqessḥant aṭas gar snat-a n teɣlamin yuraren s yiwen n uswir. Ula ma tṣaḥ-d Lezzayer yiwet n tyita tilellit, maca ur tessaweḍ ara ad tessidef iswi.

D acu kan, deffir waya, bdan Yizzayriyen sseqsaḥen urar yernu ssenquqlen amzaɣ atunsi. Aḥṛas-a d win ay yessawḍen Bounedjah ad iger iswi amezwaru s tyita n yiɣef n Belaili.

Seg wakken yejhed uḥṛas n teɣlamt tazzayrit ɣef ttunsit armi ay gan Yitunsiyen kra n tuccḍiwin yernu d aya ay yessawḍen ɣer tyita tilellit aydeg Mahrez yessaweḍ ad yessidef iswi wis sin deg tmikt tis 27. S waya, imifer n Manchester City yessadef iswi-nnes wis 21 deg teɣlamt taɣelnawt.

 

Last modified on Asinas, 15 Yunyu 2021 17:09
Taɣlamt taɣelnawt terna Tunes s 2 ɣer 0 yernu terẓa aklis afriqi n tirettwarnut
  Yeffeɣ-d ass n : Asiḍyas, 12 Yunyu 2021 16:24     Taggayt : ADDAL     Ɣran-t : 1 n tikkal   Bḍu