Menu principal

Menu principal

Amara, aselway amaynu n Tfidiṛalit Tazzayrit n Tcirḍart, yemmuqqen akken ad yesmeskel tacirḍart

Yeffeɣ-d ass n : Asamas, 18 Yebrir 2021 09:34   Ɣran-t : 431 n tikkal
Amara, aselway amaynu n Tfidiṛalit Tazzayrit n Tcirḍart, yemmuqqen akken ad yesmeskel tacirḍart

LEZZAYER TAMANEƔT – Charaf-Eddine Amara, yettwafernen ass n ukwas d aselway n Tfidiṛalit Tazzyrit n Tcirḍart, yemmuqqen akken ad d-yebdu « tisemmeskal d tilqayanin » i lmend n usetrer n waddal-a d uselhu n umlazmar-nnes, am wakken ay d-iwekked dakken netta d teɣlamt-nnes ad d-lhun s tuɣdaḍt-a s udraw n wakk imeggiyen ay terza temsalt.

« S tumert d tameqqrant ara qebleɣ, nekk d teɣlamt-inu, tuɣdaḍt-a n yiriri n wazal i tcirḍart taɣelnawt. Ad iliɣ d aselway n twacult n tcirḍart akken ma tella. Iyyat ad neǧǧ imgerraden-nneɣ deg yidis yernu ad nmahel ɣef usiney n waddal-a », ɣef wakken ay d-yenna uɣella amaynu n tfidiṛalit deg usarag n tɣemsa ay d-yellan deffir ma yettwafren i lewṣaya tulampit n 2021-2025.

Amara, yesɛan 56 n yiseggasen, yellan naqal d aselway n useqqamu n tedbelt n uqusis n Tillumẓa Taddalant n Belouizdad (talɣuɣt n Lezzayer) yettwafren s unemzel sɣur 88 n yideɣɣaren n ugraw amatu n tfidiṛalit. 77 n yimaslaḍen ay d-yennan ih, ma d 15 nnan-d uhu.

« Agmuḍ n tefrant-a d win d-yesskanayen altaɣ ummid n ugraw amatu ɣer wahil-nneɣ ara yebnun ɣef kraḍ n tẓugiwin: tisemmeskal, asetrer d umlazmar », ɣef wakken ay d-yenna.

Tuzwirt n Amara, ɣef wakken ay d-yenna, d aslugen n uẓayer n Tfidiṛalit Tazzayrit n Tcirḍart d Tfidiṛalit Tagraɣlant n Tcirḍart, am wakken ay d-yerna dakken mi ara yefru aya, ad d-yelhu s yicanṭiyen niḍen am yiḍrisen inebbḍen urar, aselhu n unagraw n tyaka d wassaɣ ameẓḍu yellan gar teṛmisin taddalanin s tfulin d yiqusisen addalanen iḥeffaḍen.

 

Amara, aselway amaynu n Tfidiṛalit Tazzayrit n Tcirḍart, yemmuqqen akken ad yesmeskel tacirḍart
  Yeffeɣ-d ass n : Asamas, 18 Yebrir 2021 09:34     Taggayt : ADDAL     Ɣran-t : 431 n tikkal   Bḍu