Menu principal

Menu principal

Amyager agraɣlan n Nice: 3 n yinerdaben izzayriyen ara yettekkin deg takkayt tamezwarut

Yeffeɣ-d ass n : Ljemɛa, 05 Fuṛaṛ 2021 12:14   Ɣran-t : 460 n tikkal
Amyager agraɣlan n Nice: 3 n yinerdaben izzayriyen ara yettekkin deg takkayt tamezwarut

LEZZAYER TAMANEƔT – Ad ttekkin yinerdaben izzayriyen Jaoued Syoud (O. Nice), Ramzi Chouchar (Saint-Raphaël Natation) d Amel Mellih (Saint-Priest) deg umyager agraɣlan n Nice ara d-yilin gar 5 d 7 Fuṛaṛ s yiswi n usiɣer ɣer Wuraren Ulampiyen n Tokyo (Japun) d Telɣuɣiwin n Umaḍal n 2021 d 2022, ɣef wakken ay d-tenna Tfidiṛalit Tazzayrit n Urdab i Tnegga n Yisalan n Lezzayer.

Syoud ad yarem ad d-yawi addayen n « A » deg temsizzelt n 200 n yimitren s 4 n yirdaben, ma d Chouchar ad iḥakeṛ addayen n « B » deg temsizzelt n 400 n yimitren s 4 n yirdaben, deg wakud aydeg Mellih ad tarem ula d nettat ad d-tawi addayen n « B » deg temsizzelt n 50 n yimitren n urdab ilelli.

Yenna-d Lamine Benaderrahmane, anemhal n teɣlamin tiɣelnawin, dakken tayaka-a d tin aydeg ara armen yinerdaben-a izzayriyen ad ssiɣren ɣer Wuraren Ulampiyen n Tokyo d telɣiɣiwin n umaḍal ara d-yilin deg Dujembeṛ 2021 deg Limaṛat Taɛṛabin Yeddukklen d Mayu 2022 deg Japun.  

« Nessaram igmaḍ d ilawen sɣur yinerdaben-nneɣ, ladɣa imi Syoud yezga yetteddu ɣer sdat yernu yettḥakaṛ addayen n Wuraren Ulampiyen n Tokyo d uneɣlam-nnes Chouchar ay yesɛan aswir akken ad yeḍmen addayen  n 400 n yimitren s 4 n yirdaben », ɣef wakken ay d-yenna.

Deg ukatar n uneggaf adawsan mgal Covid-19, imsuddsen n umyager n Nice, yellan d takkayt tamezwarut n Temɣunt n Wureɣ (Golden League) lessesen-d amḍan n yimttekkiyen ɣer 250 n yinerdaben.

 

Last modified on Letniyen, 08 Fuṛaṛ 2021 09:48
Amyager agraɣlan n Nice: 3 n yinerdaben izzayriyen ara yettekkin deg takkayt tamezwarut
  Yeffeɣ-d ass n : Ljemɛa, 05 Fuṛaṛ 2021 12:14     Taggayt : ADDAL     Ɣran-t : 460 n tikkal   Bḍu