Menu principal

Menu principal

Uraren Igrakalanen n 2022 deg Wehṛan: Ttunefkent lewṣayat i tukksa n wunjugen

Yeffeɣ-d ass n : Lexmis, 21 Yennayer 2021 11:29   Ɣran-t : 233 n tikkal
Uraren Igrakalanen n 2022 deg Wehṛan: Ttunefkent lewṣayat i tukksa n wunjugen

LEZZAYER TAMANEƔT – Iweṣṣa uneɣlaf amenzu, Abdelaziz Djerad, ass n ukras, imaslaḍen n unabaḍ ay terza temsalt n uheyyi n Wuraren Igrakalanen n Wehṛan n 2022 akken ad ssuggten ussisen yernu ad d-swejden i terza n umahil d uswaḍ n Wehṛan i uḍman n tɣara n yisenfaren ay d-yellan i lmend n waya, am wakken ay iweṣṣa ɣef tukksa n wunjugen ay izemren ad d-bedden deg ubrid-a, ɣef wakken ay d-yenna yiwen n ulɣu n yimeẓla n uneɣlaf amenzu.

Lewṣayat-a ttunefkent deg yiwet n temlilit n unabaḍ ay yesselwi Mass Djerad ay d-yellan s usarag n teẓrit.

Deg tegnit-a, anabaḍ yesla i yiwen n uneskin ay d-yessemned uneɣlaf n tillumẓa d waddal ɣef tegnit n ufara n usewjed n Wuraren Igrakalanen n Wehṛan.

Aneɣlaf Sid Ali Khaldi « yessemned-d akaten yettwaddmen deg ukatar n usewjed n Wuraren Igrakalanen ara d-yilin seg-a ɣer 18 n wayyuren deg Wehṛan, ladɣa deg wayen yerzan aseḍru n tdumṣukin taddalanin d usezdeɣ, asuddes atwilan yerzan addalen yemgerraden d usemyuddes gar temṣukin d wudusen yemgerraden ay terza temsalt-a taxatart », ɣef wakken ay d-yenna uɣbalu-a.

Seg yidis niḍen, yessuter uneɣlaf amenzu seg uneɣlaf n tillumẓa d waddal akken ad yesseḥbiber ɣef usewjed i yisihaṛen addalanen igraɣlanen d yimnaḍanen s tukci n wammaken yessefken i tfidiṛaliyin taddalanin tiɣelnawin, ɣef wakken ay d-yenna uḍris-a.

 

 

Uraren Igrakalanen n 2022 deg Wehṛan: Ttunefkent lewṣayat i tukksa n wunjugen
  Yeffeɣ-d ass n : Lexmis, 21 Yennayer 2021 11:29     Taggayt : ADDAL     Ɣran-t : 233 n tikkal   Bḍu