Menu principal

Menu principal

LEZZAYER TAMANEƔT – Aselway n usumer ‘’lebni n uzekka’’, aneɣlaf anmazul yettwakelfen s Usiḍen akked Tesnazert, Bachir Messaitfa yeɣdebba, ass n usiḍyas (ssebt), ɣef wakken yessefk ad nesseǧhed ad nernu ad nesmel tigawt n tiddukliwin i uttekki deg lebni n Lezzayer n uzekka s yiwet n tmuɣli n tesnazert ara yessiwḍen s aseḍru n usnefli adamsan amatu deg teɣula yemgerraden.
MESTƔANEM – Afrag n umzel d yiɣersiwen n « Mosta Land » n Mestɣanem yewwi-d, seg melmi kan, isekniyen n usmaɣ aydeg ad ssersen deg-sen irran n Tefriqt d yiksilen n Bengal, ɣef wakken ay d-tenna tmehla n ufrag-a ass n ukwas (lexmis).
WAREGLA – Anda ma ulac mmuten 76 n yimdanen deg yisehwa n ubrid i yettilin deg temdinin, ḍran-d deg useggas yezrin szg Unẓul-asammer n tmurt, ɣef wakken i d-nnan yimeẓla tesweḍt tamnaḍant n Temsulta.
LEZZAYER TAMANEƔT – Yenna-d uselway n Tfidiṛalit Taɣelnawt n Umesni n Yimsiklen d Yilzazen, Abdelkader Boucherit, ass n usamas (lḥedd) deg Lezzayer Tamaneɣt, dakken yessefk umzenziɣ aɣelnaw n umesni i lmend n usenqes n umḍan n yisehwa n ubrid ay yeqqlen d tawaɣit, tagara-a.
TAMSILT – Tacrawt n usehwu ay d-yellan deg yiḍ n usiḍyas d usamas deg ubrid aɣelnaw wis 8 sdat temdint n Ɛin Leḥǧel (Tamsilt), deg udeg yettwassnen s yisem n Nnahya, tewweḍ ɣer 5 n yimettinen d 31 n yimejraḥ, ɣef wakken ay d-tenna, ass n usamas (lḥedd), temsetla teɣelnawt.
LEZZAYER TAMANEƔT – Txebber-d tselwayt n Ugman Aɣelnaw n Umesten d Usmal n Tgerda, Massa Meriem Cherfi, ass n ukras (laṛebɛa), dakken aṛabul ɣef tegnit n tgerda deg Lezzayer ad d-yettwaheyyi deg yimalasen ay d-yetteddun.
LEZZAYER TAMANEƔT – Tamiḍi d samraw sa (177) n yimdanen ay yemmuten, gar-asen 32 seg 1 Yennayer 2020, seg uneqmaḍ s umunuksid n ukaṛbun, ɣef wakken ay d-yenna, ass n uynas (letniyen) deg Lezzayer Tamaneɣt, uknaner Farouk Achour, anemhal n uselɣu d taddadanin deg Tmehla Tamatut n Umesten Aɣarim.
WAD SUF – Yenna-d uneɣlaf n ugensu, Kamel Beldjoud, ass n usamas (lḥedd) deg twilayt n Wad Suf, dakken 96% seg yisehwa n ubrid ssebba-nsen d amgi alsan, am wakken ay d-iger tiɣri i lmend n uḥezzeb deg yibriden.
LEZZAYER TAMANEƔT - Mmuten kuẓ (4) n yimdanen, deg uswir aɣelnaw deg 48 n yisragen, s uqbar n wurrig n ukarbun (Co), s usmahel n tmacinin n useḥmu, aseḥmay n waman akken usedday n tkeṛṛust, i d-tenna ass n usamas (lḥedd) yiwet n tecrawt n Tmehla tamatut n Umesten aɣarim.
TUBIRET – Yeqqel uberru d tarat tanmettit ay icaɛen deg tmetti tazzayrit deg yiseggasen-a ineggura, ɣef wakken ay d-icaɣli, ass n usiḍyas (ssebt), uselway n tesmilt tazzayrit n Tdukli Tagraɣlant n Yibugaṭuten, Faissal Drioueche, ay d-yegren tɣri i ucegger n tarrayin n usemsuɣal i uḥraz n twacult.