Menu principal

Menu principal

TIZI UZZU – « Ass-a d Tiziwi, ad nelqeḍ azemmur » d yiwen seg yizlan iqburen ay llant cennunt tsednan deg yiɛerqyab deg Tmurt n Leqbayel, yernu d win ayyes d-ggarent tiɣri i twizi d tmilalt akken ad leqḍen izemran. Izlan-a drusit yiɣerman aydeg d-ggran, maca mazal tisednan ay yecfan fell-asen cennunt-ten, am wakken ay d-lhant kra n tiddukliwin s ulqaḍ-nsen akken ad ḥerzent tigemmi-a tadelsant.
ADRAR – Twekked-d tneɣlaft n temsetlelt taɣelnawt, Kaoutar Krikou, ass n ukwas (lexmis) deg Reggan (150 n yikilumitren deg unẓul n Udrar), dakken agzum-nnes yesseḥbibir ɣef tallalt n teɣtas n warramen iɣwawanen ay tga Fṛansa tahersant deg unẓul azzayri.
LEZZAYER TAMANEƔT – Caren-d, ass n uynas (letniyen) deg Lezzayer Tamaneɣt, yiwet n tallunt n usemyuddes gar mennaw n tiddukliwin d tuddsiwin tiɣelnawin, d tin umi semman Aẓeḍḍa n « Uɣtas d Aɣtas-nnek ».
TLEMSAN – Deg wass n uselɣu ɣef yisehwa n ubrid ay d-yellan ass n uynas (letniyen) deg Tlemsan, gren-d tiɣri yimttekkiyen i wakk igzumen ay terza temsalt n uḥezzeb d tɣellist tabridant akken ad ssuggten ussisen n usefrey, asaki d usnas n usaḍuf akken ad neqsen yisehra-a ay igellun s waṭas n tmeddurin yernu sseḥzanent, yal ass, acḥal n twaculin.
LEZZAYER TAMANEƔT – Txebber-d tneɣlaft n temsetlelt taɣelnawt, Kaoutar Krikou, ass n usamas (lḥedd) deg Riyaḍ (Tagelda Tasaɛudit), dakken Lezzayer theyya-d aṛabul aɣelnaw awizi ɣef tesmektayt n unegmu unzig seg-a ɣer 2030, ɣef wakken ay d-yenna yiwen n ulɣu n uɣlif n temsetlelt.
LEZZAYER TAMANEƔT – Icar uneɣlaf n yiweẓla isɣananen, Youcef Belmadi, ass n usiḍyas (ssebt) deg Lezzayer Tamaneɣt, tirkeft n temsetlelt i lfayda n taggayi ixuṣṣen deg twilayin n Temsilt d Lbuṛj Buɛṛiṛij.
TIXENCELT – Gren-d tiɣri, yimedrawen deg yiwen n wass n usefrey, ass n ukwas (lexmis) deg Txencelt, i unadi ɣef tsemsedda yelhan ugar i umennuɣ mgal twuɣa tinmettiyin deg uɣerbaz.
LEZZAYER TAMANEƔT – Mmuten 11 n yimdanen, ugsen 33 deg 8 n yisehwa n ubrid ay d-yellan deg 24 n yisragen ineggura deg tmurt, ɣef wakken ay d-tebder tecrawt n umesten aɣarim ass n ukras (ttlata).
SUQ AHṚAS – Tam n yimdanen ay yemmuten, ugsen 22 n niḍen ass n usinas (ttlata), mi yetti yiwen n usakal n umesni n yimsiklen deg tɣiwant n Mecṛuḥa (Suq Ahṛas), ɣef wakken ay aɣ-d-txebber tmehla tadigant n umesten aɣarim.
ǦELFA – Seg wasmi ay d-tennulfa tiddukla n « El Amel » n tallalt n yimuḍinen n ufurray n Ǧelfa, deg 2006, ay tella d tamudemt n twizi s wussisen ay tezga tetteg-iten i tmunit (amesni d usezdeɣ) n yimuḍinen d usiweḍ-nsen ɣer temṣukin n tdawsa anda ay ttwadiwayen.