Menu principal

Menu principal

TLEMSAN – Deg wussan-a n unebdu, aṭas n medden, ama seg twilayin niḍen, ama d iminigen, ay ittedun ad ččen tismal n yiselman deg usagen n Ɣazawat (ataram n twilayt n Tlemsan).
ZZAYER TAMANEƔT – Tcar-d tneɣlaft n temsetlelt taɣelnawt, tawacult d tegnit n tmeṭṭut, Kaouter Krikou, ass n ukras deg Zzayer Tamaneɣt, yiwet n tɣemlilt n usileɣ i ubaɣur n yimawlan n yibalmuden imeɛdaṛ akken ad sɛun taɣwalt iwatan d teɣlamin tisensegmanin d-yelhan s ulmud yemmuzzgen n warraw-nsen.
ZZAYER TAMANEƔT – Twekked-d tneɣlaf n temsetlelt taɣelnawt, tawacult d tegnit n tmeṭṭut, Kaouter Krikou, ɣef tixxutert n ukemmel n udhal n tmeṭṭut tanfarast akken ad taweḍ ɣer tisseɣnewt d tissudert ay tesri akken ad tedrew deg unegmu aɣelnaw.
ZZAYER TAMANEƔT – Yules iwekked-d uselway n tegduda, Mass Abdelmadjid Tebboune, amirew-nnes akken ad yernu tilawiyin d tekfi n trebbawt ɣef lǧal n « tnudaf » n tmurt ay yernan s unerni n tdamsa taɣelnawt.
ZZAYER TAMANEƔT – Mraw kuẓ n yimdanen ay yemmuten s ulɣay deg teftisin d yiḥebbasen n waman deg 48 n yisragen, ɣef wakken ay d-tenna, ass n usiḍyas, yiwet n tecrawt n umesten aɣarim, am wakken ay mmuten 10 n yimdanen deg yisehwa n ubrid deg mennaw n twilayin n tmurt.
ZZAYER TAMANEƔT – Yenna-d yiwen n ulɣu n Tmehla Tamatut n Twuri Tanagdudt d Usmeskel Adeblan ass n ukras, dakken ass amezwaru n Muḥeṛṛem aydeg ar ad-yebdu useggas ahijri n 1444 d ass n tɣimit yettwaxellṣen i wakk imahalen n tsuda d tdeblin tinagdudin, iɣsuren d yisiraten inagduden akked wid teṛmisin tinagdudin d tusligin.
ZZAYER TAMANEƔT – Ixebber-d unemhal amatu n tnezduɣt ɣer uɣlif n tnezduɣt, aseqɛed amdinan d temdint, Mohamed Mordjani, ass n uynas deg Zzayer Tamaneɣt, dakken iduba inagduden sdegren 680.000 n tnezduɣin s wakk tisemsal yellan gar 2020 d usḍisyur amezwaru n 2022.
ZZAYER TAMANEƔT – Yeckeṛ-d uneɣlaf n ugensu, tinbaziyin tidiganin d useqɛed n ugelluy, Kamal Beldjoud, « tamlilt taxatart » d « uswir unnig n tissudert » n yimeẓla n umesten aɣarim deg Turarin Tigrakalanin ay d-yellan deg 2022 deg Wehṛan, ɣef wakken ay d-yenna, ass n usamas, yiwen n ulɣu n Tmehla Tamatut n Umesten Aɣarim.
ZZAYER TAMANEƔT – Yessekyed unabaḍ, deg temlilit-nnes n wass n ukwas ay yesselwi uneɣlaf amenzu, Mass Aimene Benabderrahmane, adatsenfar n usaḍuf yerzan akaten imaẓlayen n umsegraw i usdusu n tdukli taɣelnawt s uzrak n tsunḍiwin n uselway n tegduda, Mass Abdelmadjid Tebboune, ɣef wakken ay d-yenna yiwen n ulɣu n yimeẓla n uneɣlaf amenzu.
BUMERDAS – Yenna-d uneɣlaf n tillumẓa d waddal, Mass Abderrezak Sebgag, ass n ukras seg Bumerdas, dakken Tamesrit Taɛṛabt n Tmerrit n Yilemẓiyen iswi-nnes d azraɛ n yidles n tmerrit « yettbecciren s lxir » gar yilemẓiyen yernu aya yesri tirmitin d uktazel n termitin n tiddukliwin n yixxamen n yilemẓiyen aɛṛaben.