Menu principal

Menu principal

LEZZAYER TAMANEƔT – Aselway n Tegduda, Mass Abdelmadjid Tebboune yumeṛ, ass n usamas (lḥedd), deg temlilit n Usqamu n yineɣlafen akken ad yili uckaḍ n yiheyyiten i wayyur n Remḍan akked uḍfar n udasur akken ad nessinef akk lexṣas, i d-yenna yiwen n ulɣu n Tselwit n Tegduda.
BGAYET - Asehwu i d-yeḍran, ass n Ukraḍas (larebɛa) tanezzayt, deg lḥebs Wad Ɣir, (10 n yikilumitren deg utaram n Bgayet), yegla-d s tmettant n tam (08) n yimeḥbas akked kraḍ-iḍen (03) d imejraḥ, ɣef wakken i d-tenna tecrawt taneggarut i iga usegnaf n temdint, i iremsen akk tiɣtasin.
LEZZAYER TAMANEƔT - Tazzayrit n Waman (ADE), tcar-d ass n uynas (letniyen) dakken ad tcir yiwen n wahil aɣelnaw i wumi tsemma « Eco’Eau 2021 » deg yiwen n yiswi n umennuɣ mgal akk talɣiwin n usexṣer n waman s usegrew n yidisan idiganen terza temsalt, i aɣ-d-nnan deg teṛmist-a.
SṬIF - Taneɣlaft n Temsetlelt Taɣelnawt, n Twacult akked Liḥala n Tmeṭṭut, Kaoutar Krikou, tenna-d ass n Usiḍyas (ssebt) deg Sṭif dakken aɣlif-is yebda acegger n usaḍuf 02/09 n 8 Mayu 2009 yerzan amesten akked usmal n yimdanen imeɛdar.
LEZZAYER TAMANEƔT - Tanecta n tursaḍ n uxxam deg Lezzayer, tewweḍ ar 13 n yimelyan n Yiṭunen deg useggas n 2018, ad taweḍ neɣ ad tekk nnig 20 n yimelyan n Yiṭunen deg useggas n 2035, ɣef wakken i d-tenna yiwet n tezrawt iga uɣlif n twennaḍt.
LEZZAYER TAMANEƔT - Turtit n Warram n Ḥamma, i d-yezgan deg Lezzayer tamaneɣ, termes 10.000 n yinerza ass n ukras (larebɛa), d ass amezwaru seg bedlen yisragen n ukman uzgin deg uxxam akked ulday n tellunin n usgunfu akked wurar, i d-yenna ass n ukwas (lexmis) unemhal amatu n Turtit tisnimɣit, Abdelkrim Boulahia.
ƐIN DDEFLA – S uɣrud, 17.778 n yisehwa n ubrid ay d-yellan deg 11 n wayyuren imezwura n 2020, yernu yella-d, s waya, unqas ɣef leḥsab n tallit-a deg 2020 aydeg d-ttwakelsen 21.109 n yisehwa deg 11 n wayyuren imezwura, ɣef wakken ay aɣ-d-txebber, ass n ukwas deg Tiberkanin (46 n yikilumitren deg utaram n Ɛin Ddefla), temkelleft s teɣwalt ɣer Tmahla Taɣelnawt i Tɣellist Tabridant.
LEZZAYER TAMANEƔT – Ixebber-d unemhal n umḥaq n udɣal ɣer Tmehla Tamatut n Tedwant Tazzayrit, Arezki Hennad, ass n usinas deg Lezzayer Tamaneɣt, ɣef wabbar, deg 2020, n 16 n yiṭunen n lkif yettwasekkren d 1,5 d amelyun n tɛeqqacin n leɛqel d 18 n yikilugṛamen n tkukayint ay d-yekkan seg Meṛṛuk.
LEZZAYER TAMANEƔT - Icar s wudem unṣib uneɣlaf n Yiɣbula n waman, Arezki Berraki, tasestant tanmettit taɣelnawt ɣef tɣara n yimeẓla inagduden n waman, i d-tenna ass n usamas (lḥedd) Tnegga taɣelnawt n usefrek imgensi n yiɣbula n waman (AGIRE) deg yiwen n ulɣu.
LEZZAYER TAMANEƔT - Ad isuḍ waḍu adusan s uzayeḍ, yezmer ad yaweḍ neɣ ad yekk nnig n 80 n yikilumitren i usrag (km/h), ɣef mennaw n temnaḍin n tmurt, akken ara yeqqim alamma d tameddit n wass n usamas (lḥedd), ɣef wakken i d-yenna uleɣseddi (bulletin) uzzig asnagnawan i d-ssufɣen yimeẓla n Usira aɣelnaw asnagnawan.