Menu principal

Menu principal

TAMENƔAST – Taneɣlaft n Temsetlelt taɣelnawt, n Twacult akked Liḥala n tmeṭṭut, d taneɣlat n leɛḍil n Umahil, n Usmahel akked Tɣellist tanmettit, Kaoutar Krikou tenna-d dakken tasertit tamaynut n ugzum ters ɣef usekcem n taggayin turhifin deg tneflit tadamsant, s uḍman-nsen n yiwen n usileɣ akked talelt akken ad zemren ad reḍlen idrimen seg Tnegga Taɣelnawt n n usefrek n tmikruṛmisin (ANGEM).
LEZZAYER TAMANEƔT – Yezmel uɣlif n yiweẓla isɣananen, ass n ukwas, tamyaqqant d Ugman Aɣelnaw n Umesten d Usmal n Tgerda i usejhed n tigawt tucrikt deg wayen yerzan amesten d usmal n yigerdan.
LEZZAYER TAMANEƔT – Ixebber-d uɣlif n tnazent, ass n ukras, deg yiwen n ulɣu, dakken yella-d uciri unṣib n « Umnir Amsekran i Yimawlan, Imesnalen d Yisegmayen i Umesten n Yigerdan deg Internet », yernu yella-d waya i lmend n Wass Aɣelnaw n Ugrud ay tesfugul Lezzayer yal 15 Yulyu.
WEHRAN – Anezraf n tsenbert n Wehran isers, ass n usinas (ttlat) tameddit, yiwet n tmeṭṭut deg tkurmut tuɛḍilt deg yiwen n uweẓlu n usmahel n tekriḍt akked rregmat mgal n yimehhalen isnajyanen n usegnaf "Amsujji Benzerdjeb", i d-yenna ass n ukras (larebɛa) yiwen n ulɣu n tɣamsa n uwkil n Tegduda n tsenbert.
LEZZAYER TAMANEƔT – Iqeddem-d uneɣlaf n ugensu, Kamel Beldjoud, ass n uynas, deg yiwen n umyager s teẓrit d kra n yineɣlafen n ugensu n Tdukli Tuṛufit, tamyadast tazzayrit deg usekker n yinig arusḍif d yidis-nnes amdanan.
LEZZAYER TAMANEƔT – simraw (20) n yimdanen i yemmuten akked 1326 iḍen d imejraḥ deg 1154 n yisehwa n ubrid i d-yeḍran deg temnaḍin yemgarden n tmrut deg twala iqelɛen seg 28 yunyu ar 4 yulyu, ɣef wakken i d-yedda deg tecrawt i d-yettwaẓergen ass n ukras (larebɛa) i gan yimeẓla n Umesten aɣarim.
LEZZAYER TAMANEƔT – Iger-d tiɣri unemhal amatu n tɣellist taɣelnawt, Khelifa Ounissi, ass n uynas deg Lezzayer Tamaneɣt, i yikataren n tɣellist tanagdudt akken ad d-heyyin aɣawas amellil n uḥezzeb ara yettwaferqen ɣef yimetwiyen n tɣellist deg tmurt allen ma tella i lmend n uḥbas n « tremɣa n ubrid ».
LEZZAYER TAMANEƔT – I lmend n umulli wis 58 n tmeɣra n uzarug d tmeḍrit, yerra uɣlif n tkerrazt tajmilt i kra n yijenyuṛen n tkerrazt ay yettekkan deg tḥemliwin yemgerraden n temsetlelt ay yessuddes uwanak i umennuɣ mgal unfafad bu uqacuc, ɣef wakken ay d-yenna uɣlif deg yiwen n ulɣu.
TABATENT – Iwekked-d unemhal amatu n tɣellist taɣelnawt, Khelifa Ounissi, ass n usinas seg Tbatent dakken « yessefk ad tili taɣert deg usnas n tsekkirin d wakaten yerzan amennuɣ mgal unfafad bu uqacuc ».
LEZZAYER TAMANEƔT – Iheyya-d umesten aɣarim akk tiyunin-nnes n tgermant akken ad d-lhunt s wuguren ay izemren ad d-kken seg uɣurar deg mennaw n temnaḍin n tmurt, yernu ad d-yili waya s uḥezzeb d usefrey n yiɣermanen akken ad ḥadren iman-nsen seg uẓɣal, ɣef wakken ay d-tenna, ass n uynas, tmehla tamatut n umesten aɣarim.