Menu principal

Menu principal

Dzayer- S Tmassit n uyur n Ṛamaḍan imubarek usin-d isallen sɣer yemḍebbṛen n twilayt n Dzayer, belli bdan aɛawed n usejji d uzeyyen wis 351. Lecɣal-aya axdam-nnsent icarek deg-s srabes n tɣiwant s uzeyyen n wis 301 ma yella d lejwqmeɛ yeqqim a hen tzeyyen tanmehla n tɣawsiwin n ddin way amek i d-nnan imḍebbṛen. Ad neɛlem belli tawilayt n Dzayer llan deg-s wis 488 d lejwameɛ d wis 61 n tzeqqiwin n tẓallit d wis 61 d lejwameɛ deg webrid n weṣkay, id-sent wis 10 tɣerbazin n alquṛan seg-sent wis 6 twaqnent ɣer internet. U stmassit n uyur n Ṛamdan yellan yudf-d ass n 18 yunyu. Tagiti n lejwameɛ deg tmeneɣt n Dzayer had aẓṛent asezdeg d uzeyyen d useḥli s lexṣuṣ deg tzeqqiwin n wetweḍḍi d ubeddel n tẓerbyin d useggem n tmacinin yeṣṣeṣmaḍen d wedhen n wudemawen ibeṛraneyen n lejwameɛ. Ad nesmekti belli Mass Abdelqader Zux « yesserg-d asenddeh yemnaɛ deg-s azenzi n ucal ixalfen leqwanen s lexṣuṣ adeg isaman lejwameɛ.
LEZZAYER TAMANEƔT – Aṭas n lɣaci ay yellan ass n laṛebɛa deg unafag agraɣlan n Lezzayer: wi d iminigen idzayriyen ay yebdan ttawḍen-d « ɣer tmurt akken ad kken ayyur n Remḍan », ɣef wakken ay d-yenna yiwen n uxeddam n Air Algerie ay ixeddmen deg uklas (aseǧǧel) n yimsiklen. Mi d-wwḍen ɣer tzeɣɣa n unafag, mmugrent-ten twaculin-nsen ay ifeṛḥen imi ay d-mlalen akk i lmend n wayyur-a n Remḍan. Amur ameqran seg yiminigen-a usan-d seg tmura n Tuṛuft, maca llan daɣ wid ay d-yusan seg Yiwanaken Yeddukklen d Kanada. « Sin n wussan aya seg wasmi ur ḍḍiseɣ ara imi ay d-usiɣ seg Atlanta, seg Yiwanaken Yeddukklen, yerna beddleɣ asafag deg Paris akken ad d-kemmleɣ abrid taṣebḥit-a ɣer unafag n Lezzayer », ay d-yenna Samir ay d-yusan ad yekk temḍan deg ugman-nnes deg Buzerriɛa, deg uḥric unnig n tmaneɣt. Aṭas seg-sen ay d-iqelɛen aseggas-a seg Paris, Marseille, Dduḥa, London, Barcelona, Lqahira d yimukan niḍen akken ad kken Remḍan d twaculin-nsen deg Lezzayer. Tiwaculin ay la yettṛajun wid-nsen, qqiment ttwalint s ccuq tifelwiyin n wawwaḍ n yisafagen akken ad ẓren melmi ara d-awḍen. Isafagen la d-ttawḍen wa deffir wayeḍ, yerna Idzayriyen ay d-yewwḍen seg Lalman xelḍen d wid ay d-yewwḍen seg Fṛansa deg tzeɣɣa talemmast n wawwaḍen deg unafag d tnedda anda ay ḥebsen yiṭaksiyen. Akken ma llan nnan-d d akken smenyafen « ad kken Remḍan deg Lezzayer, am yal aseggas ». Hafid ay d-yusan seg Paris, yewweḍ-d s yiwen n uceryun yeččuṛen d tibalizin, yerna yenna-d d akken yessahel imuras-nnes n useggas akken ad d-ɣlin deg Remḍan akken ad ten-yekk d twacult-nnes. Wid ay netter nnan-aɣ-d daɣ d akken ur zmiren ara akk ad beddlen Remḍan deg tmurt s Remḍan deg yinig. « Iban d akken deg uzɣar llan aṭas n Yinselmen wukud nezmer ad nekk ayyur-a, maca acemma…
Dzayer – Srabes n iɣallen iserdasen aɣelnaw aɣerfan assennaṭi ttlati, deg umalu d wenzul n tmurt qedden, ad sseḥbsen wis sebɛa n imuhajren xalfen leqwanen, seg tneṣlyin n tefriqt yemxalafen. Arni zizan azal n wis 7000 ltr d aṣeṛɣu ujdent i userwel, ɣef leḥsab n matta i d-henna taneɣlaft n temḥaddit , ass-a llirebɛa deg walɣu-nnes. Alɣu iweḍḍḥ-d belli « deg ubrid n usersi n laman di larsam d tbeddit deg wudem n tinnɣi tmsettefet, ṭṭfen srabes n iserdasen aɣelnaw iḍeffṛen aḥric n tmahilin n Burj Baji Muxtar di tama taserdasit wis setta, ass n 16 yunyu 2015. Nezzeh seg almawad yettwaččayen azal-nnsent 76.9 ṭun arni wis 800 ltr d aṣeṛɣu. D wis 4 tmacinin n wenɛili ɣef wuzzlan d wis 45 d laɣḍawat d wis 8 d tilifunat imerfaden ». U deg yict n yiswi « deg tama taserdasit wis ṛabɛa iḍeffṛen aḥric n tmahilin n Janatt « sseḥbsen wis sebɛa n imuhajren xalfen leqwanen, seg tneṣlyin n tefriqt yemxalafen idsen tawitirt tnegger s ṛebɛa ». Ma yella d tarbaɛt n uɛussi n larsam di Bab Alɛessa deg weḥric n tmahilin n Tlemsan deg tama taserdasit tissent teṭṭef wis 6330 ltr n uṣeṛɣu tella ɛadlent i userwel ».
Tibeskert - Twawcent ass-a letnin azal n wis 330 n tmezduɣin n lekri ḍeffṛent azayez di temedint n Tbeskert. Mani yers lferḥ d ameqqṛan ɣef wudmawen n yudan yestfaden. Tamuddit n isaruten yecṛef fell-as lwali Mass Masɛud Jari. Yellan iwekked belli timezduɣin-a, d amuṛ seg wamuṛ amatu yettwaḍen ɣer wis 1012 n tmezduɣin had twawacent al d ad ujdent. Timezduɣin-aya bu-wis tlata n tzeqqiwin twaqnent ɣer texbalt n waman d trisiti d algaz. Arni ur ɛad had yemmir deg wefrag-nnsent aṣkay n wadeg n ugari n twatirin d wa n yirar n imeččak.
Tizi wezzu : Jerreden srabes n usellek deg wis 15 n wussan azal n wis 49250 d isemmuras deg weswir n wis tmenya n tiftisin yellan yesmeḥ deg-s uɛummi. Way ɣef leḥsab matta i d-yenn-a Mass Cawci Nabil aqebṭan imḍebbeṛ n srabes n usellek tamatut. U ɣef usentel n yiṛumad n terbaɛin iḍeffren srabes n usellek seg wass gi tettwaṛẓem tasemhuyt n umaris deg teftisin n twilayt deg umezwaru n yenyu. Iwekked Mass Cawci i twakla isallen n Lezzayer, belli isɛifen-nnes fukken wis 8 n yudan seg weɣraq, arni ṣiwḍen wis 4 s tizzla ɣer ṣbiṭaṛat. Arni dawan azal n wis 63 n isemmares twajrḥen. Ma yella d ahil yettxuṣṣan isuraf n srabes n usellek yenna-d imḍebber belli wejjden wis 61 n iɛessasen n tiftisin d wis tmenya d ideggen yersen fell-asen leɛsaset yettwafseren deg tamawin n Tigzirt d uzeffun seg-sen wis 17 d iɣeṭṭaṣen s ttawilat-nnsen am twatirin, d wis 5 n teflukin n usaɛef. Arni wejjden wis 16 n tgariḍin deg weswir n teftisin yersen deg-sent uɛussi. Way bla ma had nettu lxedamat n tkebbaniyin timexteṣṣin iḍeffṛent ahric-aya. (APS)
LEZZAYER TAMANEƔT – Kraḍ (3) n yimdanen ay yemmuten yerna jerḥen 304 deg yisehwa (laksidat) n ubrid ay d-yellan gar 2 d 8 Yunyu deg temdint, ɣef leḥsab n tecrawt n Tmehla tamatut n tɣellist taɣelnawt ay d-yeffɣen ass n lexmis. Leḥabat ay d-yellan dduṛt-a kecfen-d d akken neqsen yisehwa n ubrid (-12) ɣef leḥsab n dduṛt yezrin, am wakken ay yenqes umḍan n yimejraḥ (-36) d umḍan n yimerttanen (-50). Deg wayen yerzan ssebbat n yisehwa, d imdanen ay d-yettɣimin d ssebba tamezwarut s 92,36%, ɣef wakken ay d-tekcef tecrawt-a, yerna yella-d waya seg tazzla n waṭas neɣ lqella n uqader n umeccaq n tɣellist (laman). Dɣa deg temsalt-a, Tamehla tamatut n tɣellist taɣelnawt tɛawed tger-d tiɣri i yinehhaṛen akken « ad ttqadaren » lqanun n tenhaṛt, ad ttḥadaren yerna ad ttarran lbal-nsen mi ara nehhṛen.
LEZZAYER TAMANEƔT – Azal n 86% seg yigerdan n gar 2 d 14 n yiseggasen ay « yettwaɛaqben » deg tfekka-nsen neɣ deg lbal-nsen gar 2012 d 2013, ɣef leḥsab n yiwet n tsestant ay d-yellan ɣef tdawsa (ṣṣeḥḥa) n tmeṭṭut d wegrud s yimataren yemgerraden (MICS4) ay d-yeffɣen ass n ttlata deg Lezzayer Tamaneɣt. Tasestant-a teṭṭef 3 n wayyuren (seg Ṭuber n 2012 ɣer Yennayer n 2013), yerna iqeddem-itt-id Amar Ouali, anemhal n yimezdaɣen deg weɣlif n tdawsa, n yimezdaɣen d tsemmeskelt n yesbiṭaren, yerna tḥuza-d tsestant-a 28.000 n twaculin ay d-yettgensisen akk timnaḍin n tmurt, am wakken ay d-tekcef s « udeqqeq » d « ttfaṣil » tagnit n yigerdan d tlawin deg Lezzayer s yimataren yemgerraden. Amur ameqran seg yigerdan ay sseqsan ɛuqben-ten deg wayyuren ay d-yellan uqbel tsestant-a yerna 71% seg-sen ttwaɛaqben deg tfekka-nsen, ma d 23% ttwaɛaqben aɛaqeb d « aweɛṛan », ɣef wakken ay d-tenna tezrawt-a. Tasestant-a tekcef-d, seg yidis niḍen, d akken azal n 6% n yigerdan yesɛan gar 5 d 14 n yiseggasen ay yerza uxeddim, yerna iqcicen d nitni ay yettwaɛaqaben ugar n teqcicin.
LEZZAYER –Iferdisen n tɛessast n tlisa ḍḍfen ass n lḥedd 14.900 n llitrat n yiserɣa ay llan tteddun ad ten-srewlen beṛṛa i tmurt. D iɣallen n yiɛessasen n tlisa n uḥric n temhalt n Tlemsan (tamnaḍt taserdasit tis 2) igan ccɣel-a, ɣef wakken ay d-yenna weɣlif n temḥaddit taɣelnawt. « Deg ukatar n uḥuddu n tlisa d yimenɣi mgal usserwel d tejrimt yuddsen, iferdisen n tɛessast n tlisa n Bab Lɛessa ay yeqqnen ɣer uḥric n temhal n Tlemsan, tamnaḍt taserdasit tis 2, ḍḍfen, ass n 7 Yunyu 2015, 14.900 n llitrat n yiserɣa ay yettwawehhan i usserwel », ɣef wakken ay d-tenna teɣbalut-a. Seg yidis niḍen, yiwet n tsensirt n weḥric n temhalt n Wad Suf (tamnaḍt taserdasit tis 4), teḍḍef yiwet n tkeṛṛust ay d-ibubben 800 n llitrat n userɣu, amuṭu d 729 n tebwaḍin n yisafaren », ɣef wakken ay d-yenna welɣu-a.
TISEMSILT – Sin n yimdanen ay yemmuten, ma d sin niḍen jerḥen deg yiwen n usehwu n ubrid ay d-yellan ass n lexmis tameddit deg ubrid aɣelnaw 14 gar temdint n Tsemsilt d tlisa n twilayt-a, ɣef wakken ay aɣ-d-ixebber ass n ljemɛa yimkellef n usselɣu n tmehla n twilayt n uḥuddu aɣarim. Asehwu-a yella-d mi myewwatent snat n tkeṛṛusin –yal yiwet tetteddu-d ɣer tayeḍ. Deg umyewwat-a, sin-nni n yimeṛḥumen mmuten imir-nni kan (yiwen n urgaz n 40 n yiseggasen d yiwet n teqcict n 8 n yiseggasen), ɣef wakken ay d-tenna teɣbalut-a. Sin-nni n yimejraḥ, yiwen yesɛa 53 n yiseggasen, ma d wayeḍ, 81 n yiseggasen, rekben-d deg tkeṛṛust-nni tis snat, yerna llan tteddun ɣer Tsemsilt, ɣef wakken ay d-tenna teɣbalut-a. Tifekkiwin n yimeṛḥumen wwin-tent ɣer yimsismeḍ n usbiṭar n Tsemsilt. Imeẓla (ssrabes) n temsetla taɣelnawt bdan-d aḥtac akken ad ẓren d acu-tt ssebba n usehwu-a.
LEZZAYER TAMANEƔT – 2031 n twaculin ay d-yesfaydin seg tnezduɣt tanmettit-tattekkant (LSP) yerna ṭṭfen-d tisura n yixxamen-nsen, ɣef wakken ay d-nwala. Tiwaculin-a llant zedɣent deg tɣiwanin n Ɛin Lbenyan, Asaka n Qsenṭina d Dṛaṛya. « Ssutureɣ ssmaḥ seg wid yemmeṛkan yerna ttṛajun tanezduɣt-nsen ugar n 12 n yiseggasen aya. Ahil n LSP n Lezzayer Tamaneɣt yeḥbes kra n wakud yerna iɛeḍḍel aṭas akken ad d-yewjed », ɣef wakken ay d-yenna uwali Abdelkader Zoukh, ay yesselwin tafagla n tukci n tsura deg Tqubbet n usuddis ulimpi n Mohamed Boudiaf. Ma tiwaculin niḍen ay yemmeṛkan yerna mazal ttṛajunt tanezduɣt, Mass Zoukh iṛeggem-asent ad asent-yefreq tinezduɣin-nsent cwiṭ, cwiṭ, seg yimir-a ɣer 2016, am wakken ay d-iger tiɣri i tkebbaniyin ay ibennun tanezduɣt akken ad ɣiwlent deg yixeddimen-nsent n lebni akken ad d-swejdent tinezduɣin-a ɣef zik lḥal. Ahil n LSP n twilayt n Lezzayer d win deg llan 42.248 n tnezduɣin, gar-asen 11.709 ttwaferqen deg tgara n 2014, ɣef leḥsab n tecrawt ay d-tefka tmehla n tnezduɣt n twilayt ay iṛeggmen ad ternu ad tefreq 11.884 n tnezduɣin deg 2015 d 15.304 deg 2016. Nnig waya, tenna-d tmehla-a d akken werɛad ur d-bdin ara yicanṭiyen n lebni n 3351 n tnezduɣin niḍen (8% seg wahil-a). Seg yidis niḍen, seg gar 11.884 n tnezduɣin ay d-ṛeggmen i 2015, ala 2031 ay yettwaferqen ɣef twaculin timsutrin. « Ad neg akk ayen umi nezmer akken ad nefreq 9.000 n tnezduɣin-nni ay d-yeqqimen seg yimir-a ɣer tgara n 2015 », ɣef wakken ay d-iwekked Mass Zoukh. Awjad n wahil n tnezduɣt n LSP yewweḍ ɣer 50%, ɣef wakken ay d-yenna uwali, am wakken ay yesteɛṛef d akken werɛad ur d-ufin ara amkan deg ara bnun kra n tnezduɣin seg ṣṣenf-a. Aṭas seg wid ay d-yesfaydin seg tnezduɣin-a mmeṛkan deg 2000. « Lliɣ werɛad ur zwijeɣ ara deg 2000,…