Menu principal

Menu principal

LEZZAYER TAMANEƔT – Ahil n 2015-2019 n usnerni n tmiwa n tmurt ad iḥaz 7 n yimelyunen seg medden ur yestenfɛen ara seg wahil n semmus n yiseggasen n usnerni n tmiwa n tmurt deg 2010-2014, ɣef wakken ay d-yessefra uɣlif n tfellaḥt d usnerni n tmurt ass n lḥedd. « Assefɛel n wahilen yemgerraden ad yettwassejhed akken ad d-iḥaz 7 n yimelyunen n yimezdaɣen, neɣ 1,2 d amelyun n yixxamen deg tmurt ur d-yesfaydin ara seg wahilen n 2010-2014 », ɣef leḥsab n yisefka n uɣlif deg tɣimit tis 22 n uqeyyem n ussejhed n wahilen n tfellaḥt d tmurt. Imezdaɣen-a ad d-sfaydin seg lecɣal ara yerzun ama d amdan s timmad-nnes neɣ d timetti, yerna ad yekcem akk waya deg yisenfaren ara d-yilin deg uqaleb n « Usenfar uqrib imnummed n usnerni n tmurt ». Ahil n usnerni n semmus n yiseggasen (2015-2019) d win ara yefken azal d ameqran i uḥraz n teɣbula tigamanin d uṣeggem n yimukan ay yessexṣer uneẓruf neɣ yeggez-iten, ɣef wakken ay d-yenna uneɣlaf. Anadi n yimukan n uḥuddu n teɣbula tigamanin ad d-yili, deg tazwara, deg 903 n tɣiwanin n tmurt, ladɣa tid ay yettwaḥesben d tigellilin neɣ d tuɛzilin. Ahil-a ad yettwassefɛel s yisenfaren ibennun, d wid umi ara banent tlisa yerna sɛan iswan ibanen, am wakken ara afen imezdaɣen n tmiwa-a axeddim deg-sen, imi d axeddim ay d ḍḍmana n urkad n yixxamen deg tmurt », ay d-rnan. Ɣef leḥsab n uneɣlaf, ahil n 2015-2019 d akemmel n wahil n semmus n yiseggasen n 2010-2014 aydeg ay tettunefk tuzwirt i usselhu n tudert akken ad zemren yimezdaɣen ad d-ttekkayen s tidet deg yisenfaren n usnerni d uḥuddu n teɣbula tigamanin. Tasertit n usnerni n tmiwa n tmurt ay iḥuzan akk timiwa n Ldzayer deg 2010-2014, yerna tḥukeṛ ladɣa imezdaɣen n…
LEZZAYER TAMANEƔT - Ṭam (tmanya) n medden ay yemmuten, 67 niḍen jerḥen deg yisehwa (laksidat) n ubrid ay d-yellan deg 48 n tsaɛtin tineggura deg wacḥal n twilayin n tmurt, ɣef leḥsab n tecrawt ay d-iga Uḥuddu aɣarim yerna yeffeɣ-d ass n ssebt. Tacrawt tameqrant akk d tin ay d-yellan deg twilayt n Lbuṛj Buɛṛiṛij aydeg yemmut yiwen n umdan yerna jerḥen 18 niḍen deg 3 n yisehwa n ubrid, ɣef wakken ay d-yenna Uḥuddu aɣarim. Seg tama niḍen, kraḍ (3) n yimdanen ay yemmuten, ɣerqen deg lxezna n waman ass-nni, ɣef wakken ay d-tebder teɣbalut-a. Yiwen seg-sen d ilemẓi n 19 n yiseggasen, yeɣreq deg yiwet n lxezna n waman deg Ben Seɛdun, deg tɣiwant n El Fayja (Tiheṛt), wis sin d yiwen n ugrud n 13 n yiseggasen, yeɣreq deg yiwet n lxezna n waman deg yiwen n umkan isem-nnes Djekamane, deg tɣiwant n Lhacimeyya (Tubiret), ma d wis kraḍ, d yiwen n yilemẓi n 20 n yiseggasen, yeɣreq deg yiwen n wuggur deg Ɛin Ddalya (Tubiret). Aḥuddu aɣarim n twilayt n Tizi Wezzu iger-d iman-nnes akken ad d-inadi imdanen ara yilin nḍerren mi tennfel yiwet n tkeṛṛust i ubrid yerna teɣli deg wuggur n Teqṣebt, deg umkan umi ttinin Ayt Lḥaj, deg tɣiwant n Ayt Meḥmud. Mazal la ttkemmilen yimenḍaben n Uḥuddu aɣarim anadi-nsen ddaw waman, ɣef wakken ay d-xebbren. Seg tama niḍen, ixeddamen n Uḥuddu aɣarim sseɣsin times deg 7 n yimukan deg temdinin, ama deg yimukan n uxeddim ama anda niḍen deg LEZZAYER Tamaneɣt, Qsenṭina, Msila, Ɛin Timucent, Illizi, Um Lebwaqi d Tɣerdayt. Deg yiwen seg yimukan-a aydeg tendeḥ tmes deg Lezzayer Tamaneɣt, 4 n medden ay yenḍerren seg wawwu, am wakken ay terɣa yiwet n tmeṭṭut timerɣiwt n tfesna tamezwarut deg Ɛin Timucent. Ma deg Um Lebwaqi, 2 n yimdanen ay yerɣan timerɣiwt n…
WAREGLA – Teḍḍef yiwet n tegrawt n Yigen aɣelnaw aɣerfan yeqqnen ɣer uḥric n temhal n Wad Suf (tama taserdasit tis 4 – Waregla) sḍis (6) n yiqenṭaren n lkif yettwaxedmen d semmus (5) n yimdanen deg twilayt n Wad Suf, ɣef wakken ay d-ixebber ass n ssebt yigen. Ɣef leḥsab n tmehla tawaẓit n teɣwalt, n usselɣu d uwehhi n tama taserdasit tis 4 n yigen, tamhelt-a tella-d ass n ljemɛa sdeffir ma nudan yiserdasen yiwen n ugaṛaj deg ugmam n Ezouari, deg tɣiwant n Robbah (Wad Suf), d anadi ay ten-yejjan ad d-afen daɣ snat n tkeṛṛusin, kraḍ (3) n yisawalen n ufus d sḍis (6) n tecfiṛin n usawal. Tenna-d teɣbalut-a dakken la yettkemmil uḥtac deg temsalt-a. Tamhelt-a tekcem deg uqaleb n ussefɛel n lewṣayat n unzaḍ unnig n Yigen aɣelnaw aɣerfan i lmend n ussugget n temhal, taɛessast n tlisa d uḥaṛeb n usserwel n sselɛa d tejrimt yuddsen, ɣef wakken ay d-nnan.
LEZZAYER TAMANEƔT – Ad tebdu seg wass n letniyen d asawen yiwet n tḥemla n usḥulfu i wenqas n tekriḍt deg teɣsar n tmacint i lmend n usselhu n laman deg yimukan-a, ɣef wakken ay d-yella yiwen n ulɣu n Tkebbanit taɣelnawt n umesni s ubrid n wuzzal (SNTF) ara d-yelhun s tedyant-a. Taḥemla-a ara yeqqimen arma ifuk useggas-a d tin ara iwten akken ad tḥaṛeb akk leṣnaf n tekriḍt deg twennaḍt n tmacint, yerna ad teḍmen akken ad sɛun medden laman def tɣara n ssrabes n ubrid n wuzzal, ama d imectura, ama d ixeddamen n tmacinin, ama d ṛṛay amatu. « Ad d-yili waya i lmend n ussenqes n lqella n leqder d tekriḍt d usselhu n tudet n yal ass n yemsiklen (imṣafren) s weḍman n lɛafya d laman deg yimukan n ubrid n wuzzal: ignennayen, tiɣsar d tmacinin… », ɣef wakken ay d-tenna tkebbanit n SNTF. Dɣa yettwaheyya-d i lmend n waya yiwen n wahil aydeg llant aṭas n tɣawsiwin yemgerraden, gar-asent asselɣu d wesḥulfu n medden s yinazalen, afraq n lekwaɣeḍ d wesɛeddi n yiznan deg teɣsar timeqranin n tmacint deg tmurt, am wakken ara d-yili waya deg tmacinin n yibriden yeqqnen gar temdinin timeqranin, timdinin timeẓyanin d yegmamen ay d-yezzin i temdinin. Ad d-yettwassuddes daɣ wass n « tewwura iledyen » ɣef laman deg ubrid n wuzzal d tḥemliwin n usḥulfu deg yiɣerbazen ay d-yezgan sdat yibriden n wuzzal. Takriḍt d lqella n laman deg tmacinin n Lezzayer teqqel tettban-d ladɣa s lqella n uqader n leqwanin n usseqdec n yimukan n ubrid n wuzzal, aḍurru n wayla d yemdanen d tikli n lqella n leqder. Tagnit-a tezmer ad tessiweḍ kra medden ad rewwlen ɣef yimukan-a, d ayen ara yessiwḍen SNTF ad tesṛuḥ imectura yerna ad texṣer idrimen. I ussejhed n laman deg yimukan…
Ɛennaba – Assefɛel n sserbis n uɛawen deg tudert ad d-yebdu « cwiṭ, cwiṭ » seg wass n 27 Yebrir d-yetteddun yerna, deg tazwara, ad d-yelhu s yemɣaren, ɣef wakken ay d-tenna ass n lexmis deg Ɛennaba taneɣlaf n temsetlelt taɣelnawt d twacult d tegnit n tmeṭṭut, Mounia Meslem. Sserbis-a amaynu « yekcem deg lmejhud n uwanak i lmend n tsertit tanmettit n tɣara,i lmend n webdad i yemɣaren ed yimeɛdaṛ akk d ussezgi n unagraw n temsetlelt taɣelnawt ed tlugan titrarin », ɣef wakken ay d-tenna tneɣlaft deg yiwen n usarag n tɣemsa ay tga deg Uɣerbaz n yiderɣalen ilemẓiyen. Tamhelt-a ad d-tebdu s yiwet n tegrawt n yemɛawnen n tudert, d tin deg ara yilin 70 n yimeggiyen yeɣran yerna mmuzzgen deg webdad i yemɣaren deg twaculin-nsen, ɣef wakken d-tenna Massa Meslem. Tenna-d daɣ dakken tasertit tanmettit i lmend n yimeɛdaṛ d tin ay yettḥakaṛen « assekcem-nsen deg tmetti d uxeddim akken ad ilin d imeggiyen urmiden, wejden i ttawilat n uɛawen d ussekcem ay asen-d-yefka uwanak ». Taneɣlaft tessefqed, deg terzi-nnes ɣef Ɛennaba, ammas asnajyan-asnegman n tɣiwant n Lḥejjaṛ, d win ara d-iwejden deg Ctembeṛ ay d-yetteddun, am wakken ay terza ɣef wexxam n yemɣaren ed wammas n webdad i yigerdan imeɛdaṛ deg « Wegni utrim ». Massa Meslem terza daɣ ɣef yiwet n temzikkent n yifarisen ay d-gan yimesfaydiyen n Tnegga taɣelnawt n ussefrek n wesmad ameẓyan ay d-iga uɣerbaz n yiderɣalen ilemẓiyen anda ay teḥdeṛ i yiwen n uneskin ɣef yermuden n Tneggan wesnerni anmetti (ADFS). Deg tegnit-a, Massa Meslem tḥettet-d ladɣa ɣef « ussejhed n tsenbiyin tuqribin » d « wesmal n ussekcem n yemdanen ixuṣṣen deg uxeddim ». Seg tama niḍen, tefka daɣ iɣtasen n tukci n yesmaden imeẓyanen i ussebded n tkebbaniyin timeẓyanin deg yeḥricen n lebni, ssrabes ed tenḍi, am wakken…
TAƔERDAYT – Aneɣlaf n tɣawsiwin n ddind lḥubus, Mohamed Aissa, yenna-d ass n ssebt deg Tɣerdayt d akken tamurt teḥwaj « ugar n wayen akka iɛeddan » imassanen n ddin akken ad d-sfehmen adlis imqeddes n Leqran yerna ad ḥudden ddin n Lislam mgal s kra n wayen ara as-yessimsen tugna-nnes. Mi d-yessawel, deg taggara n tfagla n wextam n ufesser n Leqran imqeddes ay iga Ccix Mohamed Ben Brahim Said Kaabach deg tmesgida n Lɛatiq, deg Lɛaṭef, aneɣlaf iger-d tamawt ɣef wazal yesɛa uxeddim n ccix-a d ufesser n Leqran deg tmesgida-a s weḍfar n ssunna n Nnbi Muḥemmed (taẓallit ed sslam n Ṛebbi fell-as). « Ccix Kaabach yefka tudert-nnes i ddin d usselmed n wacḥal n tsutwin akken ad ddunt deg webrid aqeɛdan », i d-yenna Mass Aissa, am wakken d-yerna d akken tafagla-a « d tajmilt kan i uxeddim ameqran yerna iswi-nnes d asɛeddi n wazalen d temsirin ay d-yekkan seg umecwaṛ-nnes i tsutwin timaynutin ». Aneɣlaf n tɣawsiwin n ddin d lḥubus yenna-d d akken afesser n Leqran n Ccix Kaabach ad t-id-yessuffeɣ weɣlif yerna ad yettwafreq ɣef yinebgiwen n tedyant n « Qsenṭina, tamaneɣt n yedles aɛṛab n 2015 » ara yebdun ass n 16 Yebrir. Yenna-d daɣ d akken Lezzayer « tettzuxxu » s yimassanen-nnes n ddin yettekkan (yerna mazal ttekkayen) deg wezraɛ n Lislam deg umaḍal, yerna yebder-d Ccix Abdelhamid Benbadis, Ccix Teffeych ed Ccix Bayoud ay d-yejjan ixeddimen ayyes ɣrant tsutwin s lekmal-nsen, ɣef wakken ay d-yenna uneɣlaf. Seg yidis-nnes, ameskar n ufesser-nni n Leqran, Ccix Kaabach, yenna-d dakken axeddim-nnes « yewɛeṛ yerna terra-t tmara ad yezrew ul n wedlis imqeddes, telqey n lmeɛna n yal laya ed wakk idisan-nnes utlayanen d yidelsanen ». Azal n walef n medden, gar-asen ladɣa tugniwin yettwassnen deg ddin, imassanen n ddin seg tmiwa yemgerraden n…
BUMERDAS – Yemmut yiwen n unelmad, deg leɛmer-is azal n 20 iseggasen, ass n ttlata, tewwet-it tenɣa-t tmacint n umesni (transport) n yimessukal (voyageurs) deg lagar n tmacinin n Bumerdas, yekker ad izger abrid n tmacint, i aɣ-d-nnan deg Umesten n uɣarim (protection civile) n twilayt. Yeḍra-d usehwu-a (accident) ɣef 12h40, mi yekker ad iruḥunelmad Abderazzak.B, akken ad iruḥɣer tesdawit Mḥemmed Bouguera, yezger abrid n tmacint yebḍan ger lagar n tmacint akked tesdawit, qbel ad t-yesfeɛfeɛuɛeddi n tmacint yettruḥun seg Bumerdas ɣer Lezzayer. Rwaḥakked tisin n tmacinin yeḥbes kra n ukud armi t-wwin yimeggayen (agents) n umesten aɣarim (protection civile), sakin ldin abrid, i d-nnan, ha-tt-an daɣen ldin tasestant (enquête) akken ad ẓren amek i d-yeḍra usehwu (accident). Wa d asemhu n tmettan wis sin i d-yeḍran deg ubrid n tmacint yettruḥun seg Buredas ɣer Lezzayer tamanaɣt, deffir win i d-yeḍran ass n 17 Meɣres yezrin, yegla-d s tmettant n unubi (adolescent) n 15 iseggasen, ula d netta yemmut din, mi yekker ad yezger akken ad iruḥs aɣerbaz-is i d-yezgan seg tama nniḍen n ubrid n tmacint.
WEHṚAN – Azal n 100 n yemsaduren, d imsewwiyen, d imawlan n tneččiyin d yimawlan n yisensa d tkebbaniyin niḍen ara yettekkin deg teẓrigt tamezwarut n tfaska n « Tmeɣriwin n wučči n Wehṛan » ay ssefran ad tt-gen deg Wammas n temliliyn n Wehṛan (CCO) gar 9 ed 13 Yunyu ay d-yettedun, ɣef wakken ay aɣ-d-ixebber yemsuddes ass n lḥedd. Tadyant-a ara d-yilin s uberriḥ n « Ad nzuxxet s yinḍen-nneɣ n ussewwi yerna ad nesfuglet [célébrer] taẓwert tadzayrit », ad teḍḍef xemsa n wussan yerna iswi-nnes d aqeddem n tanḍa (diversité) ed timmeṛkantit n tẓuri n ussewwi deg Ldzayer, ama d assewwi amensay neɣ d assewwi atrar, ɣef wakken ay d-yebder i NDƔ Mohamed Sadek Ali Pacha, anemhal n tnegga (agence) n « MSAP », tin ay d-iḍebbren akken ad d-tili tedyant-a. Imsaduren (professionnels) n ussewwi ad d-mlilen akken ad d-sseknen ccṭara-nsen deg ussewwi, ad d-qeddmen isefranen-nsen (menus) akked yisafaren-nsen (plats) deg yiwet n temzikkent ara d-gen yemsewwiyen n tnecciyin timeqranin, isensa ed yemsilɣen (formateurs). « Nessuley mliḥ leḥsab ɣef tallit aydeg ara d-tili tedyant-a akken ad d-teɣli deg tgara n useggas aɣurbiz ed tezwara n unebdu, cwiṭ uqbel ma yebda-d wayyur imqeddes n Remḍan », ay d-yenna yemsuddes-a, am wakken ay d-iḥettet ɣef wazal n tedyant-a ay d-yellan i lmend n wesnerni ed ussejhed n tugna (image) n Wehṛan ed tmiwa niḍen deg weḥric n tmerrit . Aṭas n yeḥricen ara ikecmen deg wahil n tedyant-a, gar-asen tamerrit, tinḍi (artisanat), assileɣ amsadur (formation professionnelle) ed temguri (industrie) n tuccit, ɣef wakken ay d-yerna, am wakken ay d-yenna dakken ad ilint ula d tiregwa n tliẓri ay d-yelhan s ussewwi. Ad d-ilin daɣ yisaragen ɣef tẓuri n ussewwi, amezruy-nnes, tanḍa ed timmeṛkantit-nnes, deg tfaska-a ara iledyen tiwwura-nnes xemsa n wussan aydeg ur tɣelleq ara arma d ttnaṣfa n…
ṬṬAREF – Sin n yinubiyen ay iɛerqen seg wass n ljemɛa deg ugelmim n Ubeyra (Lqala), deg wakud aydeg wis tlata yeslek seg tmettant mi qrib ay yeɣriq, ɣef wakken ay d-nnan ssrabes n Uḥuddu aɣarim n Ṭṭaref. Inubiyen-a yesɛan gar 14 ed 16 n yiseggasen, ddukklen deg tlata yid-sen akken ad d-ṣeyyden iselman ass n ljemɛa tameddit, dɣa yekker-asen waḍu ijehden, d ayen ay yettin taflukt n ureqqeɛ aydeg rekben, ɣef wakken ay d-rnan ssrabes-a. Sin seg yinubiyen-a ɣlin ɣer waman, ma d wis tlata-nni yeslek imi ay yessen ad iɛum, yerna imir-nni kan ay iɛeyyen ɣef tedyant-a, ɣef leḥsab n teɣbalut-a yerna mazal la yettkemmil unadi akken ad d-afen tifekkiwin n teɣtas-a . Azal n ɛecṛa n yineḍḍaben d ṛebɛa n teflikin yettcuffun n ṣṣenf n Zodiac ay yettekkan deg unadi-a n tfekkiwin, ɣef wakken ay aɣ-d-ixebber Uḥuddu aɣarim.
WEHṚAN – Tiddukla n « Iqra » tettekka deg usselmed n tira ed tɣuri n 1,6 amelyun n Yizzayriyen deg tikli-nnes taɣelnawt n meḥḥu n lqella n tmussni, ɣef wakken ay aɣ-d-tenna tselwayt n tiddukla-a ass n ssebt deg Wehṛan. Amḍan n yinelmaden imawaḍen ay yessaggzen deg temsirin n welmad n tira ed tɣuri ɣer tiddukla n « Iqra » yuweḍ, imir-a, ɣer 130.000 deg wakk timiwa n tmurt, ɣef wakken ay d-tenna Aicha Barki deg yiwet n temlilit n uxebber i lmend n tririt n teṛwiḥt i lbiru n tiddukla-a deg Wehṛan. Tiddukla la txeddem i lmend n ussefɛel ed weḍfar n tsuddest (stratégie) taɣelnawt n meḥḥu n lqella n tmussni s welday n tneɣriyin timaynutin ed ussuddes (organisation) n tḥemliliwin n wesḥulfu i lmend n ussenqes n wefmiḍi (taux) n yiruskilen (wid ur neqqar ara) yuwḍen ass-a ɣer 14% deg tmurt ɣef leḥsab n yiwet n tezrawt ay tga tiddukla deg 2012, ɣef wakken ay d-tenna temḍebbert-a. Tiddukla-a telha-d daɣ s uqeyyem n tsuddest taɣelnawt n meḥḥu n lqella n tmussni 2007-2015 s wemɛiwen ed weɣlif n tteṛbeyya taɣelnawt, ɣef leḥsab n Massa Barki, ay d-yennan dakken Ldzayer tesseqdec akk ttawilat ay yessefken i usselmed n tira ed tɣuri. Tiddukla tadzayrit « Iqra » la tessaram ad tesɛu aẓayer (statut) n tanfa tazayezt, d win ay tessuter sɣur yiduba izuyaz s weḍfar n lqanun ay yesseddayen tiddukliwin, ɣef wakken ay d-txebber. I lmend n waya, tiddukla-a txeddem akken ad d-terr ljehd i lbiruwat-nnes n tɣiwanin ed twilayin, ɣef wakken ay d-tenna Massa Barki ay d-yegren tamawt dakken tiddukla-a tesɛa 38 n lbiruwat n twilayin, yerna la d-tettheyyi ad teldey 10 niḍen. Seg tama-nnes, taselwayt n lbiru n Wehṛan n tiddukla n « Iqra », Driss Khadidja, tenna-d dakken tiririt n tudert i lbiru-a d ayen ara yefken ljehd…