Menu principal

Menu principal

Laɣwaṭ - Tewweḍ tufra n nnɛemt di twilayin, Tɣerdayt d Laɣwaṭ yettadafen di tmagra n useggas-a 2014/2015 ɣer wis 138,5 alf qenṭar. Way ɣef leḥsab n imeshal n tkebbanit tajihawit n nnɛamt. Agmuḍ-aya yettwamjren ɣer yimir-a di twimayt n Laɣwaṭ ɣer wis 82,5 alf qenṭar. Ma yella di twilayt tewweḍ, ɣer wis 56 alf qenṭar. Wur ɛad ɣer yimir-a tmagra teggur. Wad yeqqim ɣef leḥsab, n yemḍebbren belli tɣiwant Ben Naṣer Benchahra, d tɣiwant Wadi Merra d nehtin d timezwura, deg wegmuḍ axater xedment tkerrazt s wurad. U lak ma yella agmuḍ-aya d aseggas, n tɣarit. Tusi-d nnisbet n tmagra deg-sent teḥla. Wad nesmekti belli agmuḍ, n tmagra di twilayt n Laɣwaṭ aseggas ifaten yewweḍ ɣer wis 32 alf qenṭar.
Tunes - Ilaɣa uneɣlaf Atunsi n iṣurday, Salim Chaker belli taqedɛit n isuraf d itraren ad ahen-texdem tamunkla i useshel tmurgi-t n yemsebriden ɣef tibbura n larsam ɣer Dzayer. Yellan tfaten fell-as azal n tlata n imelyan d yudan deg useggas ɣer iɣiren i sennin, seg-sen sen n imelyan d 400 Alf d idzireyen. Deg uɣir-nnes twakla n isallen Tatunsit "APT" tenna-d ha tayen uneɣlaf yenna-d ged webrid n terzeft-nnes ass-a ɣer larsam n tmurgi di tama n ugafa amalu belli " Had seggmen amukan n tmurgi-t di Saqeyet Sidi yusef s lexṣuṣ imuikan n tɣimit n yemsebriden d wuffer n alxadamt am weṣkay n almarafeq d imaynuten d ujerred n imsebriden s ttawilat sahlent ɣer iɣallen n laman d tadiwant.. arne i ilaɣa uneɣlaf ɣef tmuksi n almaksi n ufati (laɣramt n uɛaddi). aneɣlaf Atunsi ibedd s uḍar ɣef leḥwal n yemsebriden di almaɛber n Saqeyet Sidi yusef . yellan tfaten fell-as yal ass azal n wis 1000 d ya irezzfen. U trajan amek ad ifat uṭṭun-aya di taggara n uyur-a yettazzalen ɣer wis 2000 d imsebriden kul ass. شيشي
LEZZAYER - Mraw sin (12) n yimdanen i yemmuten d 277 nniḍen d imejraḥ deg 288 n yisehwa n ubrid i d-yeḍran seg wass n 7 ar 13 Yulyu, i d-yenna ass n lḥedd yiwen n ulɣu n tmehla tamatut n tɣellist taɣelnawt (DGSN) Aẓar n yisehwa-a, 90,35% yekka-d seg umdan i lmend n tuffla n urured, aslag amihan d lexṣas n uqader n umeccaq n tɣellist. DGSN tules-as-d i ulaɣi i yimsemras n ubrid akken ad qadren angal n ubrid. 
Tewweḍ nnisbet n uṭebbeq, n wahil n udawem di sen n wussan, n alɛid ameẓẓyan ɣer 99,61 % ɣef leḥsab n tneɣlaft n tzenzut. Asejji n alxadmat d uweffer almawad yettaččayen s tagiti. Way ɣef ufus n yeḥwanteyen imeɛneyen, yettwaḍen ɣer 27.117. Seg-sen 4.506 n ikewacen, d 15.791 d ayt bab n tḥuna, d 6.417 ḍeffren azenzi n tɣawsiwin heyiḍa. Way amek i tenna-d i twakla n isallen Tadzirit. Aren i deg wahil-a n alɛid ameẓẓyan twaṛeẓment ak d 400 n tfabrikin, seg-sent 133 txṣṣant aɣɣi d 135 d tireḥwin d 32 xeddment aman n tsessi. Wamek ad yenjeḥ wahil-aya n tneɣlaft n tzenzut ḍefrent 2.010 d umaraqben. Tamewt belli ya ixallfen leqwanen yettxuṣṣan axeddim n uzenzi, yettrag(d fell-as unakef yettawaḍ ɣer weɣlaq n tḥuna i lmiz n uyur d lmakes jar n 30 d 200 ald DA.
Tɣerdayt : S usendeh sɣer lqaḍi asestan iḍeffren axxam n ccreɛ n Tɣerdayt iḍ n lirebɛa iweɛɛan ɣer lexmis. Yessehwa 28 d yudan ɣer unekraf s wudem n wuccukket deg-sen, awelli ɣer-sen falu di temsalt n wemluti di tama n tɣerdayt ussan imezwura n yulyu yettazzalen. Way amek i tesla (APS) sɣer wexxam n ccreɛ amaḥelli. Ma d yudan-a yettwaḥbsen, ad naf wis 25 dhan-hen s « wemlayem deg webrid n uzayez » d « uḥawel axerreb d uṣerɣi n wagel n yudan d ddult » d « teyita n iɣallen n laman u nehnin deg umahil ». Way-a yettwata aṭebbeq, n leqwanen s lexṣuṣ tanagat 88 d 97 seg uṣaḍuf, n tsurufin n unakef. Ma yella wis 3 n imeččâk imeẓẓyanen, rxin-asen. Wad qablen ass n ucareɛ, s yict n wedhan am yimdukkal-nnsen. Wad qqimen yudan-a yettwaḥbsen deg yilmusen n srabes n iɣallen n laman. Teddren di leḥwal ggurent, id n leqwanen n tugduda d ḥaḍi ɣef iẓerfan n wemdan. Tamawt belli tamawin n « Legrara » d « Berreyan » d « Wad mizab » di twilayt n Tɣerdat teẓra di tazwart n uyur-a yettazzalen amluti d ameqqran jar n terbaɛin n leɣruz, rpqin deg-sent tiḥuna, ixxamen, tiwatirin, leɣwaṭṭ n tezdayin ..ar tag. Aren i ttujerrden 23 d larqab (20 di Legrara, d 2 di Berryan, d 1 di Tɣerdayt. Aren-as nezeh d imejraḥ. U deg yimir-a twella-d tsusmi ɣer tama-t-aya sdeffer n isenndah a yiga uselway n tugduda Abdelaziz Bouteflika seg-sent akellef n alqayd n tama taserdasit wis-ṛebɛa ɣef wesguri n srabes n iɣallen n laman d yebḍebbren imaḥelleyen d wefsar n lehna.
Dzayer – Azal n 331 muten d 2832 d imejraḥ, di wis 1617 n laksidat. Jerden-hent srabes n ijadarmeyen seg i yebda uyur, n remḍan deg weswir aɣelnaw ɣer wass-a. U ɣef leḥsab, n srabes n ijadarmeyen twellan-t sebbat n laksidat-a, ɣer wis 88 di % deg uɣir n yudan, seg tizzla iɛerrmen. Yellan tessiweḍ ɣer wis 741 d laksidat. Aren-as atmerdef di ddurat yuwɛren, d lqelt n uḥaḍi ɣef tikli n laman, d weǧǧay n leqwanen n wesguri, d tizzla menɣir taɛeqlit, d leḥwal n yebriden yercin. U s elmunasbet n alɛid ameẓẓyan, srabes n iɣallen n laman, semktayen icufuṛen s wenthelli deg imsebriden, d wesguri s ttawilat, n usrad amek ad ḥaḍan ɣef yiman-nnsen d yiman n yudan.
Dzayer – Deg wussan yegguren-d tanmuhalt n Kurya di Dzayer hil ad tterexa i temzagza tagraɣlant deg usenwi Akuri. Way di wis 16 n tmura n ddunit seg-sent Dzayer. Timzagz-aya, texdmi-t Kurya s almunasbet n tfeska yettxuṣan asmekti n weṣkay n wassaɣen tadiblumasit Tadzayrit-Takurit, amek yenna-d walɣu n tanmuhalt Takurit ass-a letnin. Alɣu ibeyned « tamzagz-aya tennufdek i yidzireyen s umata, yellan cehhlen asenwi, d yedles Akuri » ma yella d ammas n imuṛen yeṣṣawaḍe ɣer usurif aneggaru n temzagz-aya had mmugen di Dzayer. Ma yella d amur, n usurif aneggaru. Ad yemmug di Kurya tanzult. U s lexṣuṣ ya irebḥen di ttur n wammas yessawaḍen ɣer uneggaru . Ad ṛuḥen ad carken di ttur agraɣlan aneggaru had yili jar n 20 ɣer 28 ɣuct 2015 di Kurya tanzult. Wa amezwaru ad yerbeḥ wis 10.000 dular. .
Dzayer – Yettwader wazal n tuǧǧwa n Dzayer, seg i almwad n uṣeydel. Deg imer n xemsa n yarren imezwura n useggas-a yettazzalen, ɣer wis 626,06 melyun Dular. Deg wudem n 1,03 melyar Dular deg yict, n yimer n useggas 2014 s usader n 39 di lemya. Aren i twadrent almawad n uṣeydel. Mani tesɣa tamurt-nneɣ 9.691 ṭun d ddwawat, di xemsa n yarren imezwura, n useggas 2015. Deg wudem n 11.314 ṭun deg yict, n yimer n useggas 2014 s nnisbet (-14,34) di lemiya. Way ɣef leḥsab n welmus aɣelnaw n tɣamsa, d uɛuddi ideḍeffren tadiwant. Ma yella d almawad n uṣeydel a yellan i westahlek, n yudan. Tewweḍ ɣer 591,44 melyun dular. Deg wudem n 984,83 di 2014 S nnisbet (- 17 ) di lemiya. U ɣef yidi-s n almwad yellan ssexdamen-hent, i lbayṭara. Awḍent ɣer 11.66 melyun dular deg wudem n 13,22 melyun dular di 2014 s nnisbet (-11,76) d lemya. U sdat n say, yella wesɣay n tmurt-nneɣ, d ddwawat di 2014 yewweḍ 2,6 melyar dular. Ma yella nexdem tamezla id n useggas n 2013, ad t-naf alay s nnisbet yettawaḍ ɣer 10,44. U ɣef ljalt n usader n tfaṭurt, tiga tamnukla isuraf n wawaḍ ɣer lintaj aɣelnaw di ddwawat. Aren i tsehhel listitmar, deg weḥric n tamguri, s lexṣuṣ di lḥal-a amiran yellan tnan deg-s umedxul n tmurt, ɣer uksar seg temsalt n leswam n albitrul yehwan.
LEZZAYER TAMANEƔT– Mraw (10) yemdanen i yemmuten d 32 nniḍen d imejraḥ deg yisehwa n ubrid i d-yeḍran deg tmurt deg 48 tsaɛtin tineggura, ɣef wakken i d-yedda deg wumuɣ skelsen i d-ssufɣen ass n ssebt yimeẓla n umesten aɣarim. Umuɣ aɣezfan skelsent-id deg twilayt n Msila ideg tella tmettant n sin yemdanen d semmus nniḍen d imejraḥ seg mmiwaten ukamyun d tkeṛṛust tafessast i d-yeḍran deg ubrid aɣelnaw wis 8 deg tɣiwant Benzuh. Seg tama nniḍen, imsuksen n umesten aɣarim n twilayt n Bumerdas ssulin-d kraḍ n tfekkiwin yemmuten s weɣraq, yiwet deg teftist n Tici (Bgayet) tayeḍ deg Bumerdas. Amdan wis kraḍ yemmut daɣen s uɣraq deg yiwen wuggug deg tɣiwant n Wad Ccurfa, Tawilayt n Ɛin Defla, i d-tenna teɣbalut-nni. Iferdisen n umesten aɣarim xedmen tigawin nniḍen n usexsi n tmess deg sḍis imeḍqan, kra deg temdint kra deg imeḍqan imguranen n Nnɛama, Tabeskert, Taɣerdayt d Blida.
Dzayer– Tlaɣa tarbaɛt, n uɛareḍ d tuqqan, d weḍfar ɣef sersi n lehna. Imezdaɣen n Tɣerdayt amek ad uɛan, ɣer ucawer d tawmatt seg « leḥwal yuwɛren » di tama-nnsen. Awal-a yusi-d deg wlɣu i d-yergen sdeffer n timlilit, n terbaɛt-a ass n aljimuɛa. Aren tlaɣa i tbeddit, deg wudem n uɣrim n daxel niɣ n berra. Amek ur ttilin ikrusen di tnettit taɣelnawt, d ucal n Dzayer. Deg yict n ubrid texdem tarbaɛt-aya, tasmilt ad d tṛuḥ ɣer Tɣerdayt, ad d tsenned ɣer imezdaɣen s tawmatt d usrad, wad d tefser lehna. Tamawt belli tarbaɛt, n uɛareḍ d tuqqan, d weḍfar tlaɣa ɣef sersi n lehna. Tettlem udmawen n tsertit, d ineɣlafen yeṭṭfen zik, d imeɣnasen n izerfan n wemdan.