Menu principal

Menu principal

Wehran- Ɣef leḥsab n srabes n umestan aɣarim, ad yergen ass-a letnin. Hatayen awḍen isemmuras ad d yusin ɣer tiftisin n Wehran, azal n wis-16 n imelyan. Mani iweḍḍḥed Mass Muḥamed Ferruxi i twakla (Aps), belli aseggas-a rezfen-d ɣer tiftisin n Wehran, yettawaḍent wis-33. Di laḥqen wuṭṭun ɣer wis-16 395 000 seg i daxel d beṛṛa, n tmurt d isemmuras. Ma yella d srabes n umestan aɣarim, jerrden tafukkit seg i tmettant wis-540 d yudan seg weɣraq. 
Wehran : Azal n wis 500 n tmezduɣin n ujemli di Butlilis. Ad twawcent i yudan amek i d-yenna Lwali n twilayt n Wehran, ass-a lḥedd sdeffer n terzeft-nnes ɣer wadeg n weṣkay n usenfar-aya. Mass Ɛabd Alɣani Zaɛlan iweḍḍeḥ belli asurif-aya yettadaf di tmuksi n umezduɣ yellan yexs "ad irab". U deg yict n usentel, azal n wis-700 n twaculin ad zedɣent deg umezwaru n umber dg uɣalad atrar "Bir Aljir" di Tama n Belqayed . Aren i Mass Lwali ibedd s uḍar ɣef usenfar n useggem n uɣlad Ben Ɛarba. Yellan mmugin-as iṣurday ttawaḍen ɣer wis 349 Melyun santim. U yeẓra lecɣal mani awḍent deg yimukan heyiḍ-a. Mani yuc-asen isenddah d yelɣuten ad xedmen s ttawilt gedren.
GELMA - Llan-t ass-a wis-6 alaf n takaṛdat n ccifa, ɣer uṣenduq n ḍaman n ujamli i yixeddamen ayt bab n rrateb. Taṛajan ad d-asen ɣer-s ayt bab-nnesent ad d ahen-t-refden. Amek i nesla ass-a ssebt, sɣer unemhal n usenduq. Mass Abd Alkamel bousetta, iweḍḍḥed i twakla n l (Aps) belli srabes n usenduq igin ttawilat tiṣaḍufin ɛarrment deg weswir n twilayt, s lexṣuṣ deg yelmusen n usellek (Galma, Wad znati, Bucegguf ). Awelli ad d asen yudan-a ayt bab n Takaṛḍat, macan qli la yella. Ɣef uɣir-nnsen srabes n usenduq had xedmen aḥesses d ubeyyen i yudan asen-senɛten azal d lfaydet n takaṛḍa n ccifa.
ǦIǦEL - Tettawɣleq tiklinikt n udawi lxalat, s lmiz n wis-sen n iyyaren seg i temsalt " n uxalef n leqwanen". Way amek i d-henna ass-a lexmis tanmehla tezmert d imazdaɣ d useggem n ṣbitarat. Tanemhla-ay, twekked belli sen imaṣwaḍen ḍeffren-t. Ufin taḍbibt d timuxtaṣṣet d timustaxlfet txeddem di ṣbitar n uzayez, Majdub Saɛid di ṬAhir. Ma d asurif n unakef ɣef yudan yessiwḍen ɣer wekrus-a, d aɣlaq n tiklinikt-a, d useḥbes seg uxeddim-nnes taḍbibt-aya timustaxlfet.
Dzayer 20 ɣuct 2015 (Aps) - Twanɣen wis 11 d yudan d wejraḥ n wis 333. Way deg 278 n isehwa n yebriden, jar 11 ɣer 17 ɣuct yettazzalen. Ɣef leḥsab n tegzult n srabes n iɣallen n laman. Yella wekkden di tezrawt-nnsen, belli sebbet tamezwarut n isehwa tettased seg uɣir yudan s nnisbet 91.72 di lemya. U amek ad ttwadren-t laksidat n yebriden, tlaɣa tanmehla n iɣallen n laman taɣelnawt, yudan yessgurayen ad qadren leqwanen n wesguri. Wad kksen tizzla tameqqṛant yessawaḍen ɣer tmettant. Ma yella d ayt bab n uḍar tennay-asen, ur ttaɣṛen ibriden bɣir ad ḥadren.
LEZZAYER – Tewwet znezla yesɛan deg tezmert 3,6 tfesniwin ɣef usellum yeldin n Richter, skelsen agmuḍ-a ass n lǧemɛa ɣef 2h10 (tasaɛet tadigant) deg yillel n Buluɣin (Lezzayer), i d-yenna Ulemmas n unadi n Lezzayer (CRAAG). Timiḍt n uzlaz ufan-tt tezga-d deg 14 ikilumitren n ugafa n ugmuḍ n Buluɣin, i d-tenna teɣbalut-nni.
LEZZAYER - Tlaɣa taneɣlaft n ddaxileya, belli Tiwaklatin "Air Algérie" d "BNA" yuttilin adeg-nnsent di ṣanwber abeḥri. Had ilin-t nufdkent di tagara n imalas. Mani had weffren-t lxadamt i yudan yellan ad ḥiǧǧen deg usemhu n 2015. S lexṣuṣ yudan izedɣen di twilayin n wammas. Alɣu ibeyyned belli wa yellan yexs ad yeẓr umuɣ n ya yewwin viza-nnsen ad yadef site internet n tneɣlaft n daxel (www.interieur.gov.dz).
Dzayer - Yettwasel ass-a lirebɛa sɣer taneɣlaft n umahil d usecɣel d ḍaman n ujemli. Belli tikebbaneyin ixalfent leqwanen, wur jerriden yixeddamen-nnsen di ḍaman n ujemli. Atayen ɣersent imer ɣer ttiɛad, yellan sdat n 21 cetember. Anemhal amatu n ḍaman n ujemli, Mass Jawad Burkayeb. Iwekked i (Aps) belli "llan isuraf d itraren txuṣṣant aseggem, n waddaden n tkebbaneyin ixalfent aṣaḍuf yettazzalen. Mani had as-nernin imer (60) d ussan. U had yebda ttiɛad-aya, seg wass n tefsert n uṣaḍuf n almal yettkemlen (23 yulyu - 21 cetember 2015). "Amek ad seggmen addaden n yixeddamen. Yellan ur ttujerriden di ḍaman n ujemli". Wad yeqqim usurif-aya iswi seg-s, d afukki n imuqawlen d ayt bab n tkebbaneyin seg i lmaks d laɣramat.
BUMERDAS- Tewweḍ tasmilt n ukafeḥ n timenɣit tiliktrunit, deg wafdeg n srabes n iɣallen n laman n twilayt n Bumerdas. Ussan-a ineggura, ɣer wekcaf d useḥbes n lqaṣer (17 d iseggasen). Mani yettceffeṭ, yettenhudda s "facebook" .Amek i d-nnan srabes, n iɣallezn n laman ass-a tlati. Asestan yekcef belli lqaṣer-aya, yella yessexdam di tnettit s yisem n tmeṭṭut. Iswi-nnes d aceffeṭ d wenhuddi di texbalt n facebook. Ameččuk-a lqaṣer laɣin-as iɣallen n laman netta d bab-as. Mani yesstaɛref s ddhawi. Aren i had ibedd sdat n wuxxam n ccreɛ as-kemmalen as-asestan-nnes. Ad nesmekti belli tasmilt n ukafeḥ n timenɣit tiliktrunit, di srabes n iɣallen n laman n twilayt n Bumerdas tɛalej wis 11 n temsalin seg i yebda useggas n 2015. Txuṣṣant anhuddi d uceffeṭ, s usexdem n texbalt n internet, d wefsar n ttuṣayef blay acawer, d wentaḥel n tinettit d uqerṣen.
TLEMSAN – Iferdisen n tedbelt iteṭṭfen tabzert deg tlisa n Wlad Mimun ṭṭfen ɣur yiwen n usettay 300 tmerqam, akka i aɣ-d-nnan ass n ttlata deg tmehla tamnaḍant n tedwant n twilayt n tlemsan. Tawaksa teḍra-d, ass n ttlata, deg yiwen n wuggug yersen deg ubrid yettawin ɣer Sidi Sennusi, deg Bensekran, i d-yenna yiwen n ulɣu n tmehla-a. Igḍaḍ-a, kecmen-d seg Meṛṛuk ɣer tmurt n Lezzayer beṛṛa n yisuḍaf, ddan-d deg tkeṛṛust "Renault 25". Win tt-id-inehren sbedden-t sakin wwin-t ɣer teɣdemt, i d-tenna teɣbalut-nni. Azal n yegḍaḍ-nni yewweḍ ɣer 310.000 n Yidinaren ma yella d tabzert tewweḍ 3,1 n yimelyunen n Yidinaren, ɣef wakken i d-yenna ulɣu.