Menu principal

Menu principal

ƐIN TIMUCENT – Snat n tmerwin d sa (27) n leṣnaf n yigḍaḍ imidrusen yettwaḥerzen d-yettwaḥesben, taggara-ya deg teɣsert n usizdeg n waman n Ḥasi Lɣella, d amkan ay izemren ad yettwaḥseb d asun urḍib deg twilayt n Ɛin Timucent, ɣef wakken i d-nettwaxebber ass n lḥedd sɣur yixef n lbiru n uḥuddu n yiɣersiwen d yimɣan deg uḥraz n tẓegwa. Kra seg yigḍaḍ-agi nitni d taɣaliyt tamellalt, abṛik azegzaw n yiri, tasninnayt, taẓaywalt d ubelbal, yerna teḥseb-iten-id teɣlamt yemmuzzgen (yetxeṣṣeṣen) n Ufrag aɣelnaw n Tlemsan, ɣef wakken ay d-yenna Hachemi Farid, deg yijifeṛ n usfugel n wass amaḍlan n yigḍaḍ iminigen. « Igḍaḍ iminigen yettwaḥerzen qqlen-d s lǧehd imi ugar n 1000 n yigḍaḍ d-teḥseb teɣlamt-a », ɣef wakken ay d-yenna, belli tawilayt n Ɛin Timucent tezga-d ɣef ubrid ay ttaɣen yigḍaḍ-a gar wayyuren n Ɣuct d Yennayer. Leḥsab amezwaru yella-d deg 2013, yerna d taɣlamt-a ay t-igan. Tikkelt-nni, ḥesben-d 18 n leṣnaf n yigḍaḍ yettwaḥerzen deg 4 n yimukan. Kra seg-sen d tikiẓit taberkant n yiri, irek ademdam, abṛik azegzaw n yiri, abellirej amellal, agḍiḍ n umnay d unekkat, ɣef wakken ay d-yenna Mass Hachemi. S ujemmal, 565 n yigḍaḍ iminigen seg 18 n leṣnaf yettwaḥerzen ay d-yettwaḥsben deg yimukan n uḥbas n waman n Wlad Kiḥal, taɣsert n ussizdeg n waman n Ḥasi Lɣella, d ubaman-nnes, d ugelmim-nnes amelḥan. « Llan yimukan ay d-yettwassumren akken ad ttwaṣennfen d asunen urḍiben ara yesɛun azal agraɣlan ɣef leḥsab n umtawa n Ramsar, yerna aql-aɣ nelha-d seg yimir-a s uheyyi n ukaramen i wanect-a », ɣef wakken ay d-yenna. Asfugel n wass amaḍlan n yigḍaḍ iminigen yella-d deg teɣsert n ussizdeg n waman n Ɛin Laṛebɛa, yerna llan-d, deg usfugel-a, yisaragen ɣef uḥuddu n yigḍaḍ, d wid aydeg ḥedṛen yibalmuden n uɣerbaz amenzu d uɣerbaz alemmas n temdint n Ɛin…
LEZZAYER – Sin yemdanen (2) i yemmuten d 40 nniḍen d imejraḥ deg yisehwa n ubrid i d-yeḍran deg 24 tsaɛtin yezrin deg tmurt, ɣef wakken i d-yeffeɣ, ass n lḥed, deg wumu yessekles Umesten n uɣarim. Umuɣ ɣezzifen yettwakles-d deg twilayt n Msila, deg-s yemmut yiwen umdan d mraw sin (12) nniḍen d imejraḥ deg sin isehwa n ubrid. Seg tama nniḍen, deg yiwen n ukud, mmuten kuẓ (4) yemdanen ɣerqen deg twilayt n Ṭṭaref, Mdiya d Ṣṭif. Akka, deg Ṭṭaref, yemmut yiwen n umdan s weɣraq deg yillel i d-yezgan deg teftist n Messida d yiwen nniḍen yemmut deg wasif, adeg i umi ttinin Ṛṛmila, ma deg twilayt n Mdiya, yemmut yiwen n umdan s uɣraq deg yiwen n umdun ameqran deg yiwen n udeg i umi ttinin Sidi Mḥiddin deg tɣiwant n Sidi Neɛman. Deg Sṭif, yemmut umdan nniḍen s uɣraq deg wasif i umi ttinin Lbared deg tɣiwant n Tizi n Beccar. Seg tama nniḍen, ssexsin yiɛeggalen n Umesten n uɣarim, deg sin yidgen d wiyaḍ, d times yellan deg temdint, i d-tenna teɣbalut-nni. (Tanegga) Agezdu n uwanak amarikani (aɣlif n tɣawsiwin n uzɣar) yessummel-d daɣ ṛṛay-a « yettxeyyiben » yerna yenna-d dakken « lebni n tnezduɣin i yimhuras deg Lquds Tagmuḍant ad d-yeglu s yixeṣṣaren ». Deg Meɣres n 2010, aneɣlaf isṛayili n tɣawsiwin n daxel yekcef-d yiwen n uɣawas n lebni n 1600 n tnezduɣin deg « Ramat Shlomo » anda ay zedɣen yimhuras imdeyynen imeḍḍurfa. Aya yella-d deg yiwet n terzi n unmazul n uselway amarikani Joe Biden, yerna d aya ay icewwlen acḥal n wayyuren assaɣen gar Isṛayil d Yiwanaken Yeddukklen.
LEZZAYER TAMANEƔT – Tin ay yenɣan tameṭṭut n uselway aqbur n JSM Bgayet, Boualem Tiab, teṭṭef-itt tegrawt n Temsulta taɣedmant n Bgayet s lemɛawna n temsulta tussnant, ɣef wakken ay d-yenna yiwen n ulɣu n Tmehla tamatut n tɣellist taɣelnawt. Ta d tameṭṭut yesɛan azal n snat n tmerwin (20) n yiseggasen yerna yelfa-d d taqeddact n tmeṛḥumt-nni. Tameṭṭut-a testeɛṛef s wayen tga, ɣef wakken d-tenna teɣbalut-a. « Tagrawt n temsulta taɣedmant n tɣellist n Bgayet, s lemɛawna n temsulta tussnant, tessaweḍ ad tefru tamsalt n tmenɣiwt d-yellan deg uxxam n uselway aqbur n JSM Bgayet (ay d-yezgan deg tlemmast n temdint n Bgayet), d tin deg temmut tmeṭṭut n uneggaru-a, d Tafṛensist n 71 n yiseggasen », ɣef wakken d-yenna ulɣu-a. Argaz n tmeṛḥumt yeɣra i temsulta ass n laṛebɛa ɣef tizi n 1s00 n tmeddit, dɣa imir-nni ay d-usan yifesyanen n temsulta taɣedmant d yimazzayen n tejrimin akken ad bdun aḥtac-nsen s uḥdaṛ n yimwekkel n tegduda n uxxam n ccṛeɛ n Bgayet. Tafekka n tmeṛḥumt ufan-tt tesred deg temda n yidammen, yerna tban-d am wakken yella win ay tt-yerkin yerna tettwet s tefrut deg yimukan yemgerraden. Leslaḥ n tmenɣiwt ufan-t din, ɣef leḥsab n teɣbalut-a. Dindin kan yella-d ccek deg tqeddact-nni. Dɣa ɣef waya ay iweṣṣa yimwekkel n tegduda akken ad ddun yimsestanen ass-nni ya kan ɣer uxxam n tqeddact-nni (ɣef 4s00 n tmeddit). Mi tt-ẓran, ufan tesɛa ixebbicen deg yifassen-nnes d uḍar-nnes azelmaḍ. Dɣa, mi as-d-qeddmen ttbut, testeɛṛef dindin. Taɣlamt n yimsulta ay yettekkan deg uḥtac-a ddan daɣ ɣer win yettekkan deg tmenɣiwt-a, yerna mi yettwabḥet, yesteɛṛef dakken yessaweḍ taqeddact-nni s tkeṛṛust-nnes. Mi d-qarren sin-a n yimdanen s wayen ay gan, wwin-ten ɣer wammas n temsulta akken ad kemmlen tisekkirin n lqanun yerna ad ten-sɛeddin deg ccṛeɛ.
TIZI WEZZU – Tamehla tamatut n tẓegwa la tessefray ad teqqel ad tesseqdac ikubṭiren deg usseɣsi n tmes n tẓegwa deg uqaleb n unagraw aɣelnaw n uḥezzeb d usseɣsi n tmes, ɣef wakken ay d-yenna ass n ttlata deg Tizi Wezzu yimḍebber amezwaru n tmehla-a, Mohamed Seghir Noual. Mass Noual ay yettekkan deg umyager agrakal wis 3 ɣef « ussefrek aduman n tẓegwa n yiggi d tɣara n yiferki », yenna-d dakken asseqdec n yikubṭiren i usseɣsi n tmes seg yigenni yezmer « ad d-yili aseggas-a neɣ ɣef zik lḥal », akken ad iɛawen waya wid ay yesseɣsayen times deg wakal, yerna ikubṭiren-a ad ssawaḍen ama d ixeddamen, ama d aman i lmend n usseɣsi n tmes deg yimukan aydeg ara d-tebdu. I lmend n waya, tamehla tamatut n uḥuddu aɣarim tuɣ-d yagi ikubṭiren, gar-asen sin neɣ kraḍ ad ttwasqedcen i usseɣsi n tmes n tẓegwa, yerna sin n yiseggasen aya seg wasmi ay d-tebda tmehla-a assileɣ i yinehhaṛen (gar-asen ula d tilawin) akken ad tteddun ad sseɣsin times deg yimukan ubɛiden neɣ wuɣur yewɛeṛ ad awḍen, am wakken ara ssawaḍen ixeddamen ɣer umkan n tmes, ad ssawaḍen imejraḥ ɣer yimukan n udawi neɣ ad d-ssukkusen medden seg yimukan imihawen. Ikubṭiren-a ad ɛawnen ttawilat ay tesɛa yagi tmurt i usseɣsi n tmes deg lqaɛa, d wid aydeg llant 500 n tegrawin n tgermant tuɛjilt d tiddukliwin n yimezdaɣen ixeddmen ɣef uḥezzeb ɣef tmes, ɣef wakken ay d-yerna Mass Noual. Asseqdec n yisafagen n usseɣsi n tmes, ɣef wakken ay d-yenna, yettwabṭel imi isafagen-a ḥwajen ad d-ɛemmṛen aman seg yimukan iwesɛanen aydeg llan waman. « Ma yella tawilayt n Tizi Wezzu tesɛa uggug n Teqṣebt ayseg zemren yisafagen-a ad d-ɛemmṛen aman, tiwilayin niḍen ur sɛint ara amkan am wa, ɣef waya, ad ttwasqedcen yikubṭiren ay izemren ad d-ɛemmṛen 600 n llitrat…
TIPAZA – Awanak (ddula) « ur yettɣimi ara d imfeṛṛej kan sdat wayen wuɣur tessaweḍ tekriḍt » deg tmetti, ɣef wakken ay d-yenna ass n letniyen deg Teqliɛt (deg twilayt n Tipaza) uneɣlaf n teɣdemt, Tayeb Louh. « Yessefk awanak ad yeḍmen taɣellist [laman] deg yizenqan yerna ad iḥudd imdanen uḍɛifen am yigerdan, tilawin, imɣaren d yimeɛdaṛ »,ɣef wakken ay d-yenna Mass Louh deg tinawt-nnes n uxtam n yiwet n tmeɣra ay d-yellan i lmend n ulday n yiwen n wammas n uḥuddu n ttawilat n yiselkimen ay yeqqnen ɣer uɣlif n teɣdemt. « Takriḍt tella deg tmetti yerna ur yessefk ara akk ad neṛju arma llant-d tejrimin akken ad neg ayen iwatan », ɣef wakken ay d-yenna uneɣlaf, am wakken ay yesḥassef ɣef « unḍerri ameqran » ay nḍerren medden seg uhjam deg yizenqan. Mi yessawel d yinezrafen d yimwekklen deg yiwen n usarag s tvidyut ay ḍefren akk yixxamen n ccṛeɛ deg tmurt, aneɣlaf yenna-d dakken taɣellist d nettat ay d ccerḍ amezwaru akk ara yejjen amdan ad yedder war uguren yerna ad yaf iman-nnes deg tmett. « Ur yessefk ara akk ad nejj azniq war taɣellist, aɣerman yeḥwaj talwit d tɣellist ama daxel tmurt, ama beṛṛa », ɣef wakken ay d-yenna s uḥettet. Dɣa deg temsalt-a, yenna-d uneɣlaf dakken isenfaren n lqanun ara iḥaṛben takriḍt « ddan ɣer sdat », am wakken ay d-yenna dakken kra seg yisenfaren-a n lqanun atni deg Tmarit tamatut n unabaḍ (lḥukuma), wiyaḍ atni deg Ugraw aɣerfan aɣelnaw, ma d wiyaḍ atni deg Useqqamu n uɣlan. Deg wayen yerzan lqanun n tsekkirin n uɛaqeb i uḥuddu n ugrud, ur yettɛeḍḍil ara ad yettunefk i Umni akken ad d-yessukk fell-as tiṭ, ɣef wakken ay d-yenna Mass Louh, yerna ifuṛes tagnit-a akken ad d-iḥettet ɣef dduṛ n tmetti taɣarimt deg uḥaṛeb n tekriḍt. « …
LEZZAYER TAMANEƔT – Ahil n 2015-2019 n usnerni n tmiwa n tmurt ad iḥaz 7 n yimelyunen seg medden ur yestenfɛen ara seg wahil n semmus n yiseggasen n usnerni n tmiwa n tmurt deg 2010-2014, ɣef wakken ay d-yessefra uɣlif n tfellaḥt d usnerni n tmurt ass n lḥedd. « Assefɛel n wahilen yemgerraden ad yettwassejhed akken ad d-iḥaz 7 n yimelyunen n yimezdaɣen, neɣ 1,2 d amelyun n yixxamen deg tmurt ur d-yesfaydin ara seg wahilen n 2010-2014 », ɣef leḥsab n yisefka n uɣlif deg tɣimit tis 22 n uqeyyem n ussejhed n wahilen n tfellaḥt d tmurt. Imezdaɣen-a ad d-sfaydin seg lecɣal ara yerzun ama d amdan s timmad-nnes neɣ d timetti, yerna ad yekcem akk waya deg yisenfaren ara d-yilin deg uqaleb n « Usenfar uqrib imnummed n usnerni n tmurt ». Ahil n usnerni n semmus n yiseggasen (2015-2019) d win ara yefken azal d ameqran i uḥraz n teɣbula tigamanin d uṣeggem n yimukan ay yessexṣer uneẓruf neɣ yeggez-iten, ɣef wakken ay d-yenna uneɣlaf. Anadi n yimukan n uḥuddu n teɣbula tigamanin ad d-yili, deg tazwara, deg 903 n tɣiwanin n tmurt, ladɣa tid ay yettwaḥesben d tigellilin neɣ d tuɛzilin. Ahil-a ad yettwassefɛel s yisenfaren ibennun, d wid umi ara banent tlisa yerna sɛan iswan ibanen, am wakken ara afen imezdaɣen n tmiwa-a axeddim deg-sen, imi d axeddim ay d ḍḍmana n urkad n yixxamen deg tmurt », ay d-rnan. Ɣef leḥsab n uneɣlaf, ahil n 2015-2019 d akemmel n wahil n semmus n yiseggasen n 2010-2014 aydeg ay tettunefk tuzwirt i usselhu n tudert akken ad zemren yimezdaɣen ad d-ttekkayen s tidet deg yisenfaren n usnerni d uḥuddu n teɣbula tigamanin. Tasertit n usnerni n tmiwa n tmurt ay iḥuzan akk timiwa n Ldzayer deg 2010-2014, yerna tḥukeṛ ladɣa imezdaɣen n…
LEZZAYER TAMANEƔT - Ṭam (tmanya) n medden ay yemmuten, 67 niḍen jerḥen deg yisehwa (laksidat) n ubrid ay d-yellan deg 48 n tsaɛtin tineggura deg wacḥal n twilayin n tmurt, ɣef leḥsab n tecrawt ay d-iga Uḥuddu aɣarim yerna yeffeɣ-d ass n ssebt. Tacrawt tameqrant akk d tin ay d-yellan deg twilayt n Lbuṛj Buɛṛiṛij aydeg yemmut yiwen n umdan yerna jerḥen 18 niḍen deg 3 n yisehwa n ubrid, ɣef wakken ay d-yenna Uḥuddu aɣarim. Seg tama niḍen, kraḍ (3) n yimdanen ay yemmuten, ɣerqen deg lxezna n waman ass-nni, ɣef wakken ay d-tebder teɣbalut-a. Yiwen seg-sen d ilemẓi n 19 n yiseggasen, yeɣreq deg yiwet n lxezna n waman deg Ben Seɛdun, deg tɣiwant n El Fayja (Tiheṛt), wis sin d yiwen n ugrud n 13 n yiseggasen, yeɣreq deg yiwet n lxezna n waman deg yiwen n umkan isem-nnes Djekamane, deg tɣiwant n Lhacimeyya (Tubiret), ma d wis kraḍ, d yiwen n yilemẓi n 20 n yiseggasen, yeɣreq deg yiwen n wuggur deg Ɛin Ddalya (Tubiret). Aḥuddu aɣarim n twilayt n Tizi Wezzu iger-d iman-nnes akken ad d-inadi imdanen ara yilin nḍerren mi tennfel yiwet n tkeṛṛust i ubrid yerna teɣli deg wuggur n Teqṣebt, deg umkan umi ttinin Ayt Lḥaj, deg tɣiwant n Ayt Meḥmud. Mazal la ttkemmilen yimenḍaben n Uḥuddu aɣarim anadi-nsen ddaw waman, ɣef wakken ay d-xebbren. Seg tama niḍen, ixeddamen n Uḥuddu aɣarim sseɣsin times deg 7 n yimukan deg temdinin, ama deg yimukan n uxeddim ama anda niḍen deg LEZZAYER Tamaneɣt, Qsenṭina, Msila, Ɛin Timucent, Illizi, Um Lebwaqi d Tɣerdayt. Deg yiwen seg yimukan-a aydeg tendeḥ tmes deg Lezzayer Tamaneɣt, 4 n medden ay yenḍerren seg wawwu, am wakken ay terɣa yiwet n tmeṭṭut timerɣiwt n tfesna tamezwarut deg Ɛin Timucent. Ma deg Um Lebwaqi, 2 n yimdanen ay yerɣan timerɣiwt n…
WAREGLA – Teḍḍef yiwet n tegrawt n Yigen aɣelnaw aɣerfan yeqqnen ɣer uḥric n temhal n Wad Suf (tama taserdasit tis 4 – Waregla) sḍis (6) n yiqenṭaren n lkif yettwaxedmen d semmus (5) n yimdanen deg twilayt n Wad Suf, ɣef wakken ay d-ixebber ass n ssebt yigen. Ɣef leḥsab n tmehla tawaẓit n teɣwalt, n usselɣu d uwehhi n tama taserdasit tis 4 n yigen, tamhelt-a tella-d ass n ljemɛa sdeffir ma nudan yiserdasen yiwen n ugaṛaj deg ugmam n Ezouari, deg tɣiwant n Robbah (Wad Suf), d anadi ay ten-yejjan ad d-afen daɣ snat n tkeṛṛusin, kraḍ (3) n yisawalen n ufus d sḍis (6) n tecfiṛin n usawal. Tenna-d teɣbalut-a dakken la yettkemmil uḥtac deg temsalt-a. Tamhelt-a tekcem deg uqaleb n ussefɛel n lewṣayat n unzaḍ unnig n Yigen aɣelnaw aɣerfan i lmend n ussugget n temhal, taɛessast n tlisa d uḥaṛeb n usserwel n sselɛa d tejrimt yuddsen, ɣef wakken ay d-nnan.
LEZZAYER TAMANEƔT – Ad tebdu seg wass n letniyen d asawen yiwet n tḥemla n usḥulfu i wenqas n tekriḍt deg teɣsar n tmacint i lmend n usselhu n laman deg yimukan-a, ɣef wakken ay d-yella yiwen n ulɣu n Tkebbanit taɣelnawt n umesni s ubrid n wuzzal (SNTF) ara d-yelhun s tedyant-a. Taḥemla-a ara yeqqimen arma ifuk useggas-a d tin ara iwten akken ad tḥaṛeb akk leṣnaf n tekriḍt deg twennaḍt n tmacint, yerna ad teḍmen akken ad sɛun medden laman def tɣara n ssrabes n ubrid n wuzzal, ama d imectura, ama d ixeddamen n tmacinin, ama d ṛṛay amatu. « Ad d-yili waya i lmend n ussenqes n lqella n leqder d tekriḍt d usselhu n tudet n yal ass n yemsiklen (imṣafren) s weḍman n lɛafya d laman deg yimukan n ubrid n wuzzal: ignennayen, tiɣsar d tmacinin… », ɣef wakken ay d-tenna tkebbanit n SNTF. Dɣa yettwaheyya-d i lmend n waya yiwen n wahil aydeg llant aṭas n tɣawsiwin yemgerraden, gar-asent asselɣu d wesḥulfu n medden s yinazalen, afraq n lekwaɣeḍ d wesɛeddi n yiznan deg teɣsar timeqranin n tmacint deg tmurt, am wakken ara d-yili waya deg tmacinin n yibriden yeqqnen gar temdinin timeqranin, timdinin timeẓyanin d yegmamen ay d-yezzin i temdinin. Ad d-yettwassuddes daɣ wass n « tewwura iledyen » ɣef laman deg ubrid n wuzzal d tḥemliwin n usḥulfu deg yiɣerbazen ay d-yezgan sdat yibriden n wuzzal. Takriḍt d lqella n laman deg tmacinin n Lezzayer teqqel tettban-d ladɣa s lqella n uqader n leqwanin n usseqdec n yimukan n ubrid n wuzzal, aḍurru n wayla d yemdanen d tikli n lqella n leqder. Tagnit-a tezmer ad tessiweḍ kra medden ad rewwlen ɣef yimukan-a, d ayen ara yessiwḍen SNTF ad tesṛuḥ imectura yerna ad texṣer idrimen. I ussejhed n laman deg yimukan…
Ɛennaba – Assefɛel n sserbis n uɛawen deg tudert ad d-yebdu « cwiṭ, cwiṭ » seg wass n 27 Yebrir d-yetteddun yerna, deg tazwara, ad d-yelhu s yemɣaren, ɣef wakken ay d-tenna ass n lexmis deg Ɛennaba taneɣlaf n temsetlelt taɣelnawt d twacult d tegnit n tmeṭṭut, Mounia Meslem. Sserbis-a amaynu « yekcem deg lmejhud n uwanak i lmend n tsertit tanmettit n tɣara,i lmend n webdad i yemɣaren ed yimeɛdaṛ akk d ussezgi n unagraw n temsetlelt taɣelnawt ed tlugan titrarin », ɣef wakken ay d-tenna tneɣlaft deg yiwen n usarag n tɣemsa ay tga deg Uɣerbaz n yiderɣalen ilemẓiyen. Tamhelt-a ad d-tebdu s yiwet n tegrawt n yemɛawnen n tudert, d tin deg ara yilin 70 n yimeggiyen yeɣran yerna mmuzzgen deg webdad i yemɣaren deg twaculin-nsen, ɣef wakken d-tenna Massa Meslem. Tenna-d daɣ dakken tasertit tanmettit i lmend n yimeɛdaṛ d tin ay yettḥakaṛen « assekcem-nsen deg tmetti d uxeddim akken ad ilin d imeggiyen urmiden, wejden i ttawilat n uɛawen d ussekcem ay asen-d-yefka uwanak ». Taneɣlaft tessefqed, deg terzi-nnes ɣef Ɛennaba, ammas asnajyan-asnegman n tɣiwant n Lḥejjaṛ, d win ara d-iwejden deg Ctembeṛ ay d-yetteddun, am wakken ay terza ɣef wexxam n yemɣaren ed wammas n webdad i yigerdan imeɛdaṛ deg « Wegni utrim ». Massa Meslem terza daɣ ɣef yiwet n temzikkent n yifarisen ay d-gan yimesfaydiyen n Tnegga taɣelnawt n ussefrek n wesmad ameẓyan ay d-iga uɣerbaz n yiderɣalen ilemẓiyen anda ay teḥdeṛ i yiwen n uneskin ɣef yermuden n Tneggan wesnerni anmetti (ADFS). Deg tegnit-a, Massa Meslem tḥettet-d ladɣa ɣef « ussejhed n tsenbiyin tuqribin » d « wesmal n ussekcem n yemdanen ixuṣṣen deg uxeddim ». Seg tama niḍen, tefka daɣ iɣtasen n tukci n yesmaden imeẓyanen i ussebded n tkebbaniyin timeẓyanin deg yeḥricen n lebni, ssrabes ed tenḍi, am wakken…