Menu principal

Menu principal

LEZZAYER TAMANEƔT – Tẓamraw d semmus (95) n yimdanen i yemmuten s uqbar n wurrig n ukarbun akked wugar n 2.000 nniḍen i d-ssukksen, seg yiwet n tmettant i ten-yerǧan, seg yennayer 2021 ar tura, yiferdisen n umesten aɣarim ; i d-yulsen ass n usinas (ttlata), deg yiwen n ulɣu, i tiɣri-is i yiɣermanen akken ad ttḥadaren ɣef yiman-nsen yerna ad ttqadaren iwellihen n tɣellist.
LEZZAYER TAMANEƔT – Mennaw n temzal i gant teyunin n Umesten aɣarim seg dermen kra n tnezduɣin akked useggex n wakal deg yigezda n Tlemmast n tmurt, i d-yegla unẓar i d-yeɣlin deg 24 n yisragen-a ineggura, war ma yella win yemmuten neɣ yejreḥ, i d-tenna ass n ukras (larebɛa) yiwet n tecrawt n Umesten aɣarim.
CLEF – Imazwaren yettekkan deg tefranin tidiganin n 27 unbir deg Clef sṭuqqaten amahil-nsen n tḥemla tafranant deg yiẓeḍwa inmettiyen, acku uɣalen yineggura-ya d anaḍ umḍin yerna la ttallen irmuden i d-iḍerrun deg unrar, ssaramen ad jebden akk taggayin n tmetti akked usmahel n wammaken n teɣwalt yellan.
LEZZAYER TAMANEƔT – Icar Umesten aɣarim, seg wass n usinas (ttlata) d afella, yiwet n tḥemla taɣelnawt n uḥezzeb akked usḥulfu ɣef yimihiten yeqqnen ɣer uqbar s wurrig n ukarbun, ddaw n usentel « Tagrest war isehwa n uqbar », ara yeqqimen alamma tekfa tegrest.
LEZZAYER TAMANAɣT - Ilmeẓyen inelmaden ifriqiyen yettilin di Lezzayer beggnen-d ass n lḥedd di Lezzayer tamanaɣt "tumert-nsen talqayant" akk d "tisnemmar-nsen" i Lezzayer, ladɣa aselway-nnes Abdelmadjid Tebboune imi yeqbel ad yesfugel ass n tmeḍṛit tifriqit, anda d-nnan belli Lezzayer tezga d afud almend n wesnegmu n tmeḍṛit tafriqit.
LEZZAYER TAMANEƔT – Tga Tmehla tamatut n tɣellist taɣelnawt yiwen n wahil afuglan abaɣur deg mennaw n yigezda n tmurt, almend n Wass aɣelnaw n yinig i uɣḍam n umulli wis 60 n tnegzart n 17 tuber 1961, ɣef wakken i d-yenna yiwen n ulɣu n Tmehla tamatut n tɣellist taɣelnawt.
LEZZAYER TAMANEƔT – Asfugel aseggas-a n Lmulud ad yili ass n Usinas (ttlata) 19 tuber 2021, i d-icar, ass n uynas (letniyen), uɣlif n Yiweẓla isɣananen deg yiwen n ulɣu deg yiwen n ulɣu.
LEZZAYER TAMANEƔT – Anmeqqen n Lezzayer deg wayen yerzan amennuɣ mgal n tekriḍt iḥuzan tameṭṭut, ladɣa allalen tizerfanin, zulen-t, ass n usinas (ttlata) deg Lezzayer tamaneɣt, yigensasen n tsuda tiwanakanin, s uzirreg ɣef « temlilt tameqqrant » i yuraren yimidyaten deg wayen yerzan asḥulfu mgal n waṭan-a.
WEHRAN – Aneɣlaf n Yiweẓla isɣananen, Youcef Belmehdi, iḥettet, ass n uynas (letniyen) deg Wehran, ɣef wakken yessefk ad nesmel inawen isɣananen akken ad nqabel icqirrwen imiranen akked yizernan mgal n Lezzayer.
ṬṬAREF – Taneɣlaft n Twennaḍt, Samia Moualfi, tenna-d ass n uynas (letniyen) seg ugelmim Tonga (35 km agmuḍ n Ṭṭaref), dakken « timetti taɣarimt d yiwet n tecrit tagejdant deg wayen yerzan amesten n twennaḍt akked useǧhed n umahil yemtawan akked twennaḍt ».