Menu principal

Menu principal

Tezlez s 3.0 n tfesniwin deg Bgayet

Asiḍyas, 18 Yennayer 2020 13:26

LEZZAYER  TAMANEƔT - Tezlez s 3.0 n tfesniwin ɣef teskala yeldin n Richter i skelsen ass n usimwas (lǧemɛa) ɣef usrag wis 18h53 deg ugezdu n Bgayet, i d-yenna Wammas n Tegmi deg Tesnallunt akked tussna n yizunyuren (CRAAG), deg yiwen n ulɣu.

Published in TIMNAḌIN

BGAYET – D anaẓur ilemẓi Kessai Athmani n yiɣrem n Tala n Ḥemza (Bgayet) ay d-irebḥen amsazwar amnaḍan n tezlit n uceɛbi ay ifuken ass n ukras (laṛebɛa) tameddit deffir 4 n wussan n tyaka aydeg ttekkan azal n 30 n yinmezgayen seg 6 n twilayin n tlemmast tagmuḍant.

Published in IDLES

LEZZAYER  TAMANEƔT – Tamezgunt "Axerdus", d taddist n tmuggit s uẓwan i d-igelmen uguren n umdan iqublen anfa anmetti, sɛeddan-tt-id ass n usiḍyas (ssebt) deg Lezzayer tamaneɣt, deg ukatar n teẓrigt Tamezwarut n Wussan iɣelnawen n Umezgun amaziɣ.

Published in IDLES

BGAYET – Asaru "The vice of hope" (Taɣennant n usirem) n tṭalyanit Edouardo de Angelis, yemsaka deg ugdil n usalay n ssinima n Bgayet ass n usinas (ttlata) tameddit, isuɣ-d amzun d tizlit i tmeddurt am win ibedden mgal n leḥzen akked facal.

Published in IDLES

LEZZAYER TAMANEƔT – Ad d-taweḍ tfekka n Djamel Allam, yiwen seg yimeqranen n ccna aqbayli atrar, ass n usinas (ttlata), yernu ad tettwamḍel deg tmeqbert n Sidi Mḥemmed Ameqran deg Bgayet, tamdint aydeg d-ilul unaẓur-a yewwḍen leɛfu n Yuc ɣer 71 n yiseggasen deffic acḥal n yiseggasen n waḍḍan, ɣef wakken ay d-xebbren yiqriben-nnes.

Published in IDLES

BGAYET – Yebda-d, ass n usinas (ttlata) deg Bgayet, yiwen n usarag agraɣlan ɣef tmeddurt, taṣekka d umecwaṛ n Lounes Matoub yellan d udem ameqran deg ccna aqbayli. Asarag-a la d-yettili deg tesdawit n Bgayet yernu iswi-nnes d asskan n tixxutert n tgemmi tarangant ay d-yeǧǧa unaẓur-a ameqran ama seg yidis n ccna d tmedyezt, ama seg yidis n tẓuri, tafelsuft d tesnafsit.

Published in IDLES

BGAYET – Sdermen ass n ttlaa, ma ulac, 54 n tḥuna deg wemkan umi ttinin « Quatre Chemins » (Kuẓ n Yebriden), deg tuffɣa tagmuḍant n temdint n Bgayet ay d-yusan ddaw ucanṭi ay d-yellan i lmend n tmeṣkiwt n yiwen n ubeddal, yernu yella-d waya s weqbal n yimawlan-nsent.

Published in TIMNAḌIN

BGAYET TAMANEƔT, 22 Fuṛaṛ 2018 – Isali n wemḍal n wemjahed Hamou Amirouche azekka n ljemɛa, ay yuwḍen leɛfu n Ṛebbi seg melmi kan ɣer 81 n yiseggasen deg San Diego (Iwanaken Yeddukklen), d ayen ay yesḥeznen Bgayet, ama aytmaten-nnes n yimenɣi deg tallit n Tegrawla n Ldzayer, ama d isdawanen.  

Ama d imjahden, ama d isdawanen, cerken deg sin deg wergaz-a ay d-yefrurin deg yimenɣi i lmend n weslelli n tmurt, yernu yefruri-d daɣ deg tesdawit s ussedles d ussaki n medden, imi ay yeqqel d apṛufisur yernu d amnadi deg Yiwanaken Yeddukklen.

« Hamou Amirouche d argaz iɛewwlen, d amdan yettwasqenɛen yernu acemma ur yezmir as-yerẓ ifadden », ɣef wakken ay d-yenna umeddakel-nnes n yimenɣi, Djoudi Attoumi, d afesyan aqbur n Tredsa n Weslelli Aɣelnaw wukud ay yesɛedda aseggas seg temẓi-nnes deg Ukeffadu, ɣer yidis n Weknaner Amirouche Ait Hamouda.

« Yuweḍ-d ɣer wensa n wenzaḍ n Twilayt Tis 3 Tamezruyant netta meẓẓiy, maca yella yettwasseqneɛ s tukci ara yefk iman-nnes d asfel. Yella d argaz ay d-yettwameslen deg uqaleb n teẓraɣlant », ɣef wakken ay d-yenna Mass Attoumi ay ibanen yeḥzen aṭas s tmettant n umeddakel-nnes yernu ur yeḥbis ara akk seg weckaṛ-nnes, am wakken ay d-yerna dakken ameṛḥum yella daɣ « yeffud tamussni », dɣa d aya ay t-yuwyen, naqal, ɣer Tunes, mi yella wemgaru werɛad ifuk, akken ad ikemmel tizrawin-nnes tisinanin, sakkin, akken kan ay tuwey Ldzayer azarug, yedda ɣer Colorado (Iwanaken Yeddukklen) anda ay d-yuwey turagt deg tdamsa tasertant sakkin yuwey-d agerdas n tezrawin yettwasensen deg tsenmetti, dɣa seg yimir-nni ay yebda tizzelt n usselmed d unadi deg San Diego.

Ilul Hamou deg 1937 deg Tezmalt (Bgayet), yernu yerra-d i teɣri n Terni n Weslelli Aɣelnaw asmi ay werɛad ur yeqfil ara 19 n yiseggasen, am wakken ay iḥettet imezrawen ad alyen ɣer wedrar deg 1956.

« Sakkin, dindin kan, yeqqel d ameggi yesɛan azal yernu yudef ɣer yiɣallen n Tredsa n Weslelli Aɣelnaw war ma yesɛedda akayad anuman ay yettwacraḍen i yimazwaren ara yalyen ɣer wedrar », ɣef wakken ay d-yenna Attoumi ay d-yernan dakken yettunefk-as wezref i Hamou ad yerfed amrig, yernu tṣaḥ-it-id tmiṭrayat talmanit n PM 42 imi ay yella iḥar ad yennaɣ yernu walan-t zemren ad gen deg-s laman. Mi as-gren tamawt deg wenzaḍ n Twilayt Tis 3, yeqqel, i tallit n useggas (gar 1957 d 1958) d amaru uzzig n Amirouche yernu, akken ad t-iǧazi, yuzen-it ɣer Tunes akken ad yessegrer amɣiwan n yimezrawen ay yellan din yernu ad ikemmel tizrawin-nnes.

D acu kan, ula ma yettekka deg yimenɣi i uzarug n tmurt yernu yuweḍ ɣer yeswiren unnigen n tesdawit, yella dima d amdan arqaq, ur yessemɣaren ara iman-nnes. Yella iḥemmel ad d-yales tanebdurt ay d-yeǧǧa Mohamed Lamine Debaghnine, asaḍ niḍen n Tegrawla, yellan yettini-d: “Nekkni ur ngi acemma yernu ttbut n waya d tameddurt ay aɣ-mazal nedder. »

 

Published in TIMETTI

 

 

 

BGAYET – Iḥettet-d uneɣlaf n teɣbula n waman, Hocine Necib, ass n lḥedd deg Bgayet, dakken yessefk ad yettwasseɛjel ussekki n ussefrek n waman seg tɣiwanin ɣer teṛmist n Tdzayrit n Waman i usselhu n wefraq n waman d usseṛced yelhan ugar.

Published in TIMNAḌIN

 

 

 

BGAYET – Iḥettet-d uneɣlaf n teɣbula n waman, Hocine Necib, ass n lḥedd deg Bgayet, dakken yessefk ad yettwasseɛjel ussekki n ussefrek n waman seg tɣiwanin ɣer teṛmist n Tdzayrit n Waman i usselhu n wefraq n waman d usseṛced yelhan ugar.

Published in TIMNAḌIN