Menu principal

Menu principal

Tabatent: Aseɣnew n snat n tẓegwa n umzel

Yeffeɣ-d ass n : Akwas, 11 Ɣuct 2022 15:16   Ɣran-t : 44 n tikkal
Tabatent: Aseɣnew n snat n tẓegwa n umzel

ZZAYER TAMANEƔT – Snat n tẓegwa n umzel ay d-yettwasɣenwen deg Tbatent deg 2022, ɣef wakken ay d-yenna, ass n usinas, umagaẓ n tẓegwa n twilayt-a, Abdelmoumene Boulezazene.

Aɣtas n ulesses n snat-a n tẓegwa yettwasmidden yernu fuken tisekkirin tiglugnanin deg wayen yerzan tiẓgi n Buyilef deg tɣiwant n Fesdis, am wakken ay yettunefk usireg n wammad i yiwen n yimsefti seg Tbatent. Deg wayen yerzan tiẓgi n Herkala, deg tɣiwant n Meṛwana, gren-d tiɣri i timmazwert i lmend n usefti deg teẓgi-a, ɣef wakken ay d-yenna Boulezazene i Tnegga n Yisalan n Zzayer.

Snat-a n tẓegwa ad asent-d-gen tallunin n ucali d umzel ara yesɛun akk isgulaf yernu ad sqedcen tinegwa ur yettḍurrun agama i lmend n waya.

Yerna-d umasay-a dakken fuken yikataren d yimeggiyen n tẓegwa tazrawt n usnegmu n teẓgi n umzel deg Tizɣiwin, deg tɣiwant n Taẓult yernu tettwaqbel tezrawt-a ɣer tmehla tamatut n tẓegwa am wakken ay tettwazen ɣer uɣlif n tmaḍirt.

Tiẓgi-a tesɛa tajumma n 41,5 n yiqeṭṭaren, gar-asen 13 n yiqeṭṭaren d aḥric seg usuddis n usedhu yeqqnen  ɣer ugzum n tillumẓa d waddal ay yettweṣken deg 1980, ɣef wakken ay d-yenna Mass Boulzazene.

Aɣawas n useqɛed d win aydeg ara tili tallunt tawaculant, ammas n yimeẓla, tallunt n umzel, anrar n usdar d yimecwaṛen addalanen, ɣef wakken ay d-ixebber.

 

Last modified on Asamas, 14 Ɣuct 2022 13:48
Tabatent: Aseɣnew n snat n tẓegwa n umzel
  Yeffeɣ-d ass n : Akwas, 11 Ɣuct 2022 15:16     Taggayt : TIMETTI     Ɣran-t : 44 n tikkal   Bḍu