Menu principal

Menu principal

Mɛeskeṛ: Asfugel n tɛacuṛt deg yiswaɣ n temsetlelt

Yeffeɣ-d ass n : Asinas, 09 Ɣuct 2022 15:04   Ɣran-t : 2 n tikkal
Mɛeskeṛ: Asfugel n tɛacuṛt deg yiswaɣ n temsetlelt

MƐESKEṚ - Sfuglent twaculin n twilayt n Mɛeskeṛ taɛacuṛt deg yiswaɣ n temsetlelt d yinsayen isɣananen, yernu d aya ay d-yesskanayen azal ay ttafken i tmeɣra-a tasɣanant.

Taɛacuṛt tettgensis-d, ɣer waṭas n twaculin n twilayt-a, tagnit i ukrebbu d tuṭṭfa deg wazalen akked uṣeddeq. Medden ttemyagaren akken ad jewwden Leqran niɣ ad dekkren, am wakken ay ttgen timliliyin i usemsuɣal n wid yennuɣen gar-asen.

Imezdaɣen n Mɛeskeṛ ttgen daɣ iqiḍunen deg yiɣaramen akken ad ṣeddqen učči i yigellilen, imnemḍaren d yimsebriden, yernu aya yesskanay-d tamsetlelt d tegmat ɣer yimezdaɣen n temnaḍt-a.

I lmend n waya, yenna-d Mohamed, yiwen seg yimezdaɣen d-yeflalin deg Mɛeskeṛ, dakken asfugel n tɛacuṛt yesɛa « lbenna d tamaẓlayt », d tin aydeg tiwaculin ttbeddilent-d imensi, ttgent-d seksu d « uṛeggʷag » ay d-ttafkent i yiqiḍunen wuɣur d-ttemsegrawen wid yesrin akken ad ččen.

Daɣ, qeṭṭunt-d twaculin n Mɛeskeṛ aṭas n yifarisen n tuččit d uksum akken ad ten-ferqent ɣef yimdanen yesrin, ama deg umazir, ama deg temdinin.

 

Last modified on Akras, 10 Ɣuct 2022 15:16
Mɛeskeṛ: Asfugel n tɛacuṛt deg yiswaɣ n temsetlelt
  Yeffeɣ-d ass n : Asinas, 09 Ɣuct 2022 15:04     Taggayt : TIMETTI     Ɣran-t : 2 n tikkal   Bḍu