Menu principal

Menu principal

Yules iwekked-d uselway Tebboune amirew-nnes akken ad yernu tilawiyin d tekfi n trebbawt

Yeffeɣ-d ass n : Aynas, 01 Ɣuct 2022 11:53   Ɣran-t : 1 n tikkal
Yules iwekked-d uselway Tebboune amirew-nnes akken ad yernu tilawiyin d tekfi n trebbawt

ZZAYER TAMANEƔT – Yules iwekked-d uselway n tegduda, Mass Abdelmadjid Tebboune, amirew-nnes akken ad yernu tilawiyin d tekfi n trebbawt ɣef lǧal n « tnudaf » n tmurt ay yernan s unerni n tdamsa taɣelnawt.

Deg umyager-nnes awalan d tɣemsa taɣelnawt ay d-iɛeddan ass n usamas deg tregwa n tliẓrit d ṛṛadyu tiɣelnawi d tusligin, yenna-d uselway Tebboune: « Ad mmirweɣ akken ad rnuɣ tilawiyin d tekfi n trebbawt, ladɣa imi tinudaf tidrimanin n tmurt rnant ».

Iwekked-d uselway n tegduda dakken awanak yekkat, imir-a, akken ad d-yerr agemmir i uɣerman yernu ad as-t-yeḥrez, am wakken ay d-yerna dakken iɣtasen-a llan-d deg ukatar n usaḍuf n tedrimt n 2023 aydeg terna tenqiḍt tanmatart akken ad taweḍ ɣer uswir meɛqulen.

I lmend n waya, ixebber-d daɣ dakken « timerniwt n tlawiyin ad ternu s yiwen kan n uɣtas niɣ cwiṭ, cwiṭ, s teɣzef n useggas », am wakken ay d-yerna dakken yessefk ad ttwaddmen wakaten d iseddiyen akken maci d asedger n umaduf ara d-yilin, imi aya yezmer ad d-yesseɣnew tuffut.

Yerna-d uselway n tegduda dakken iketturen ay tesɛa Zzayer ad tt-ǧǧen ad as-tessali, s wakat alemmas, azal-nnes i udinaṛ.

 

Last modified on Asinas, 02 Ɣuct 2022 10:39
Yules iwekked-d uselway Tebboune amirew-nnes akken ad yernu tilawiyin d tekfi n trebbawt
  Yeffeɣ-d ass n : Aynas, 01 Ɣuct 2022 11:53     Taggayt : TIMETTI     Ɣran-t : 1 n tikkal   Bḍu