Menu principal

Menu principal

Aṭerḍeq n wurrig : Truḥ yiwet n tmagla taɣlifant ɣer Lberǧ Bu Ɛririǧ akken ad teḥder deg tenṭelt n teɣtas

Yeffeɣ-d ass n : Asiḍyas, 09 Yebrir 2022 11:48   Ɣran-t : 2 n tikkal
Aṭerḍeq n wurrig : Truḥ yiwet n tmagla taɣlifant ɣer Lberǧ Bu Ɛririǧ akken ad teḥder deg tenṭelt n teɣtas

ZZAYER  TAMANEƔT – Yuzen uselway n Tegduda, Mass Abdelmadjid Tebboune, yiwet n tmagla taɣlifant ɣer Lberǧ Bu Ɛririǧ, ass n usimwas (lǧemɛa), akken ad ɛezzin yerna ad ḥedren i tenṭelt n teɣtas n uṭerḍeq n wurrig i d-yeglan, ass n ukwas (lexmis), s udram n yiwen n uzaduɣ deg tlemmast n temdint.

Yedda deg tmagla-nni uneɣlaf n Ugensu, Tinbaziyin tidiganin akked useqɛed n Wakal, Kamal Beldjoud, aneɣlaf n tdawsa, Abderrahmane Benbouzid akked tneɣlaft n Temsetlelt taɣelnawt, n Twacult akked Liḥala n tmeṭṭut, Kaouter Krikou.

Ad teḥder tmagla i unṭal n teɣtas ara d-yeḍrun, ass n usimwas (lǧemɛa) deffir n tẓallit n lɛeṣr, deg tenṭelt Sidi Betka. Ad terzu daɣen ɣer udeg ideg d-yeḍra uṭerḍeq akken ad walin ayen i yis-s d-yegla usehwu-a akesnan ideg mmuten 10 n yimdanen, ɣef wakken i d-tenna tecrawt taneggarut n Umesten aɣarim.

Tacrewt n uṭerḍeq n wurrig, i d-yeglan, ass n ukwas (lexmis), s uhuddu n yiwen n uxxam deg tiɣremt 5 Yulyu deg tlemmast n temdint n Lberǧ Bu Ɛririǧ yennerna uzwil-is ar 10 n tmettanin seg d-ufan yiwet n tfekka-iḍen, i aɣ-d-tenna ass n usimwas (lǧemɛa) Tmehla tadigant n Umesten aɣarim.

Last modified on Asinas, 12 Yebrir 2022 15:34
Aṭerḍeq n wurrig : Truḥ yiwet n tmagla taɣlifant ɣer Lberǧ Bu Ɛririǧ akken ad teḥder deg tenṭelt n teɣtas
  Yeffeɣ-d ass n : Asiḍyas, 09 Yebrir 2022 11:48     Taggayt : TIMETTI     Ɣran-t : 2 n tikkal   Bḍu