Menu principal

Menu principal

Remḍan: Taɣellist n twilayt n Zzayer tcar-d taḥemla ɣef usefrey ɣef tɣellist tabridant

Yeffeɣ-d ass n : Asinas, 05 Yebrir 2022 11:44   Ɣran-t : 5 n tikkal
Remḍan: Taɣellist n twilayt n Zzayer tcar-d taḥemla ɣef usefrey ɣef tɣellist tabridant

ZZAYER TAMANEƔT – Caren-d yimeẓla n tɣellist n twilayt n Zzayer, ass n usinas, taḥemla n usefrey ɣef yisehwa n ubrid i ubaɣur n yinehhaṛen n yimseddayen yemgerraden deg ukatar n wakaten n usɣelles n yiɣermanen d wayla deg wayyur uqdis.

Tenna-d tɣellat n tebniqt n teɣwalt d wassaɣen inagduden n tɣellist n twilayt n Zzayer, tanesmilt n temsulta Amel Hachemi, dakken taḥemla-a caren-tt-id seg tlessist tadeblant n Bab Lwad yernu « tessuddes-itt Tmehla Tamatut n Tɣellist Taɣelnawt deg wayyur n Remḍan aydeg yettili uzlay d aneẓẓaw ladɣa deg wakuden n twadda d tuffɣa seg umahil aydeg kra n yinehhaṛen rekkḍen ilugan n tenhaṛt ».

Taḥemla-a iswi-nnes d « asaki n yiɣermanen yesɛan imseddayen s tukci n yisemtar ɣef tɣellist tabridant, gar-asen azrak n tazzalt yettwassargen d usinef i useqdec n usawal n temzit mi ara nehhṛen acku aya yettili-d d yiwet seg ssebbat tigejdanin n yisehwa n ubrid », ɣef wakken ay d-tenna.

Seg yidis-nnes, yenna-d uɣella n tlubayt n tɣellist tabridant deg tɣellist tanagdudt n twilayt n Zzayer, agenses n temsulta Djilali Selim, dakken taḥemla-a iswi-nnes d « aḥezzeb i yisehwa n ubrid, ladɣa deg wayyur uqdis n Remḍan anda daɣ medden ẓumen ».

Yerna-d daɣ dakken « ad ttunefken waɣaden d yisemtar i yinehhaṛen n yimseddayen yemgerraden yernu ad asen-d-nger tiɣri akken ad zerken asaḍuf n tenhaṛt yernu ad ssinfen i urkaḍ amaglay n usaḍuf am uɛeddi i tazzalt, tamuddut d uzwiri amihaw ».

 

Last modified on Asiḍyas, 09 Yebrir 2022 12:55
Remḍan: Taɣellist n twilayt n Zzayer tcar-d taḥemla ɣef usefrey ɣef tɣellist tabridant
  Yeffeɣ-d ass n : Asinas, 05 Yebrir 2022 11:44     Taggayt : TIMETTI     Ɣran-t : 5 n tikkal   Bḍu