Menu principal

Menu principal

Taḥemla i uḥareb ɣef twennaḍt : Ugar n 9.000 n yiṭunen n yiḍumman i d-jemɛen

Yeffeɣ-d ass n : Akras, 26 Yennayer 2022 15:52   Ɣran-t : 16 n tikkal
Taḥemla i uḥareb ɣef twennaḍt : Ugar n 9.000 n yiṭunen n yiḍumman i d-jemɛen

LEZZAYER  TAMANEƔT - Taḥemla taɣelnawt i uḥareb ɣef twennaḍt, i icar uɣlif n Twannaḍt ass n 10 yennayer yezrin, tegla-d, ar wass n ukras (larebɛa), s ujmaɛ n 9.240 n yiṭunen n yiḍumman akked usuddes n 41 n temzal n wuzu n yisekla, i d-nnan deg uɣlif i Tnegga n Yisalan n Lezzayer.

Tettwasuddes ddaw n usentel « tezdeg n temdinin, d tamasit-nneɣ akk », taḥemla-a terza tiɣram, tillunin tizegzawin akked wulzuzen deg 153 n tɣiwanin yuzzaren deg 38 n yigezda n tmurt, i d-yenna uɣlif.

211 n tḥemliwin n yiwiziwen n uzizdeg akked 169 n tigawin n usḥulfu i yettwasuddsen deg yiɣerbazen akked tmesgidiwin, tiɣram akked yimzenzen akked daɣen deg yiẓeḍwa, am wakken i d-yers deg wahil i tga tmehla n twennaḍt n yigezda akked yixxamen n twennaḍt yeqqnen ɣer Tsudut taɣelnawt n yisilɣen deg twennaḍt.

Tḥemliwin i mazal la teddunt ar tura, s uttekki n mennaw yigzumen, timsukin, tiṛmisin tidamsanin akked tuddsiwin n tmetti taɣarimt, tla iswi n usḥulfu n yiɣermanen s amahil yessefken akken ad yili uḥareb ɣef tezdeg akked twennaḍt.

Last modified on Akras, 02 Fuṛaṛ 2022 14:53
Taḥemla i uḥareb ɣef twennaḍt : Ugar n 9.000 n yiṭunen n yiḍumman i d-jemɛen
  Yeffeɣ-d ass n : Akras, 26 Yennayer 2022 15:52     Taggayt : TIMETTI     Ɣran-t : 16 n tikkal   Bḍu