Menu principal

Menu principal

Tafidiṛalit Tazzayrit i Talwit d Talsa tefka arrazen i yigerdann imsimanen uẓwiren

Yeffeɣ-d ass n : Asinas, 18 Yennayer 2022 11:56   Ɣran-t : 21 n tikkal
Tafidiṛalit Tazzayrit i Talwit d Talsa tefka arrazen i yigerdann imsimanen uẓwiren

ZZAYER TAMANEƔT – Terra Tafidiṛalit Tazzayrit i Talwit d Talsa yiwet n tfugla, ass n usamas tameddit deg Zzayer, s usemyuddes d Tiddukla n « El Nour » i Temsimant, d tin aydeg tefka arrazen i yigerdan imsimanen uẓwiren.

Tafugla-a tella-d s tẓugayt n « Akken ma nella neddukkel i lmend n yigerdan imsimanen », yernu d tin aydeg rran tajmilt i taggayt-a n yigerdan « yettwassimmwen cwiṭ », ɣef wakken ay d-yenna uselway n tfidiṛalit-a, Belkacem Chihaoua, ay d-yernan deg yiwet n tesguri i Tnegga n Yisalan n Zzayer, dakken tuddsa-nnes « teɣs ad tessen yernu ad tessebɣes igerdan uẓwiren deg taggayt-a akken ad d-flalin yal yiwen deg tɣult ay yesmenyaf ».

Tafugla-a tella-d deffir sḍis n wayyuren n umahil ay aɣ-yeǧǧan « ad nessen mennaw n wuẓwiren gar yigerdan-a deg mennaw n twilayin n tmurt », ɣef wakken ay d-yenna, am wakken ay d-yerna, deg temsalt-a, dakken taggayt-a n yigerdan yessefk ad as-fken azal d uzzig ladɣa imi ay llan deg-s wuẓwiren deg mennaw n tɣula.

Ɣef leḥsab n Mass Chihaoua, azal-a d win ara ireẓmen abrid i yigerdan yesɛan tamsimant akken ad nnummden deg tmetti yernu ad asen-yessifses tameddurt-nsen tayalast ladɣa deg yiɣerbazen d wammasen yemmuzzgen.

 

Last modified on Asinas, 18 Yennayer 2022 12:10
Tafidiṛalit Tazzayrit i Talwit d Talsa tefka arrazen i yigerdann imsimanen uẓwiren
  Yeffeɣ-d ass n : Asinas, 18 Yennayer 2022 11:56     Taggayt : TIMETTI     Ɣran-t : 21 n tikkal   Bḍu