Menu principal

Menu principal

Tamsalt n ukellex n yimezrawen izzayriyen deg uzɣar: Ttwabẓen wid yellan deffir-s

Yeffeɣ-d ass n : Aynas, 17 Yennayer 2022 12:43   Ɣran-t : 13 n tikkal
Tamsalt n ukellex n yimezrawen izzayriyen deg uzɣar: Ttwabẓen wid yellan deffir-s

ZZAYER TAMANEƔT – Ubẓen yimeẓla n tɣellist taɣelnawt imeckuken igejdanen deg temsalt n ukellex n yimezrawen izzayriyen. Tamsalt-a d tin aydeg tella yiwet n teṛmist d takellaxt ay ikellxen 75 n yimezrawen izzayriyen yeɣsen ad kemmlen tizrawin-nsen deg uzɣar, ɣef wakken ay d-yenna, ass n usiḍyas, yiwen n ulɣu n Tmehla Tamatut n Tɣellist Taɣelnawt.

Ɣef leḥsab n teftart-a, tasestant tinezwert d tin ay yeǧǧan imeẓla n tɣellist taɣelnawt ad sdermen aẓeḍwu anejrim yernu ad abẓen kraḍ (3) n yimeckuken igejdanen ay yellan deffir temsalt-a n ukellex aydeg ttekkan yidisan iwerdaniyen deg Ukṛanya, Ṭṭerk d Rrus, yernu llan sseqdacen iẓeḍwa inmettiyen akken ad d-jebden medden ɣer-sen. Tisɣimin n teṛmist-a takellaxt llant deg Zzayer, Ɛennaba, Wehṛan d uzɣar.  

Akken ad kellxen ugar n medden, sneflen yimaslaḍen n uẓeḍwu-a isem-nsen acḥal d tikkelt (INSIDE.COM, FUTURE GATE et SVIT-OSVITI).

Tamehla Tamatut n Tɣellist Taɣelnawt tettxebbir-d tannayt tanagdudt dakken imeẓla-nnes d uẓdiren yernu sɛan tizemmar akken ad nnaɣen mgal tejrimt yettwassuddsen. Tasestant-a tettwarẓem deg tlemmast n Dujembeṛ 2021 s usemyuddes d tmezzugin tiɣedmanin ay terza temsalt-a.

Deg temsalt-a, ttwakellxen 75 n yimezrawen izzayriyen mi ay ten-ɣurren ad ten-ssiggzen deg tesdawiyin tiwerdaniyin deg Ukṛanya, Ṭṭerk d Rrus.

 

Last modified on Aynas, 24 Yennayer 2022 11:44
Tamsalt n ukellex n yimezrawen izzayriyen deg uzɣar: Ttwabẓen wid yellan deffir-s
  Yeffeɣ-d ass n : Aynas, 17 Yennayer 2022 12:43     Taggayt : TIMETTI     Ɣran-t : 13 n tikkal   Bḍu