Menu principal

Menu principal

Urrig n Ukarbun : mmuten 95 n yimdanen seg-mi yebda useggas

Yeffeɣ-d ass n : Asinas, 30 Wamber 2021 14:26   Ɣran-t : 0 n tikkal
Urrig n Ukarbun : mmuten 95 n yimdanen seg-mi yebda useggas

LEZZAYER  TAMANEƔT – Tẓamraw d semmus (95) n yimdanen i yemmuten s uqbar n wurrig n ukarbun akked wugar n 2.000 nniḍen i d-ssukksen, seg yiwet n tmettant i ten-yerǧan, seg yennayer 2021 ar tura, yiferdisen n umesten aɣarim ; i d-yulsen ass n usinas (ttlata), deg yiwen n ulɣu, i tiɣri-is i yiɣermanen akken ad ttḥadaren ɣef yiman-nsen yerna ad ttqadaren iwellihen n tɣellist.

Yesmekti-d Umesten aɣarim dakken urrig n ukarbun, « d urrig amihaw, ur tettwali ara tiṭ yerna ur yettraḥ ara », la d-igellu « s uqbar tikwal ineqqen, mi ara ur nesmahel ara akken yessefk timacinin n useḥmu akked mi ara ulac anseg ara d-yekk umeḥri deg yixxamen, tinezduɣin akked tḥuna ».

« Aḥezzeb d allal igerrzen i wakken ad nessenɣes imihiten yeqqnen ɣer tsekka-ya n yisehwa n uxxam », i d-yezzireg umasay-nni, yesnebgi-d iɣermanen i wakken « ad qadren iwellihen n tɣellist i wakken ad ḥarben ɣef tmeddurt-nsen ».

Yessuṭṭen-d iwellihen-a, yeɣra-d Umesten aɣarim daɣen i wakken ur d-yettili ara urgal n yiṭuṭac n texxamin iseg d-itekk uzwu, asbuḥru n uxxam, anda ma ulac (mraw (10) n tmikiyin i wass, mi ara nesmahel timacinin n useḥmu, ur yessek ara ad nesmaḥel timacinin-a deg texxamin iɣef ur ikeccem ara uzwu.

Last modified on Asinas, 07 Dujembeṛ 2021 17:00
Urrig n Ukarbun : mmuten 95 n yimdanen seg-mi yebda useggas
  Yeffeɣ-d ass n : Asinas, 30 Wamber 2021 14:26     Taggayt : TIMETTI     Ɣran-t : 0 n tikkal   Bḍu