« Eco’Eau 2021 » d ahil aɣelnaw ilan iswi n umennuɣ mgal n wakk talɣiwin n usexṣer n waman, s usegrew n tiddukliwin, n tesquma n yigmamen, n Yimidyaten idiganen, iduba idiganen akked yicriken n Tazzayrit n Waman (ADE) », i d-sseddin i Tnegga n Yisalan n Lezzayer.

Ahil-a ad yemmideg « ɣer kraḍ igellusen i wakken ad neddu s tmellilt yerna ddukli mgal n usexṣer n waman, amezwar d azal adamsan ara yefken anamek i tigawt n teɣwalt, am wakken neẓra dakken yal mi ara ncuḥ i tmeqqiwt n waman d acuḥḥu i nčuḥ i yidrimen », i d-yezzireg uɣbalu-nni.

Igellusen-iḍen rzan izalen n uɣerman, am wakken teẓram d acu i d-aman, d ayla ucrik iɣef yessefk ad nḥareb fell-as i wakken ad iṣaḥ i wakk iɣermanen s tnecta yeḥwaǧ, rnu-as « azal adelsan » i d acrak n yidles n uḥareb n waman-a.