Menu principal

Menu principal

Aciri n yiwen n wahil aɣelnaw mgal n usexṣer n waman

Yeffeɣ-d ass n : Aynas, 22 Meɣres 2021 23:55   Ɣran-t : 4 n tikkal
Aciri n yiwen n wahil aɣelnaw mgal n usexṣer n waman

LEZZAYER  TAMANEƔT - Tazzayrit n Waman (ADE), tcar-d ass n uynas (letniyen) dakken ad tcir yiwen n wahil aɣelnaw i wumi tsemma « Eco’Eau 2021 » deg yiwen n yiswi n umennuɣ mgal akk talɣiwin n usexṣer n waman s usegrew n yidisan idiganen terza temsalt, i aɣ-d-nnan deg teṛmist-a.

« Eco’Eau 2021 » d ahil aɣelnaw ilan iswi n umennuɣ mgal n wakk talɣiwin n usexṣer n waman, s usegrew n tiddukliwin, n tesquma n yigmamen, n Yimidyaten idiganen, iduba idiganen akked yicriken n Tazzayrit n Waman (ADE) », i d-sseddin i Tnegga n Yisalan n Lezzayer.

Ahil-a ad yemmideg « ɣer kraḍ igellusen i wakken ad neddu s tmellilt yerna ddukli mgal n usexṣer n waman, amezwar d azal adamsan ara yefken anamek i tigawt n teɣwalt, am wakken neẓra dakken yal mi ara ncuḥ i tmeqqiwt n waman d acuḥḥu i nčuḥ i yidrimen », i d-yezzireg uɣbalu-nni.

Igellusen-iḍen rzan izalen n uɣerman, am wakken teẓram d acu i d-aman, d ayla ucrik iɣef yessefk ad nḥareb fell-as i wakken ad iṣaḥ i wakk iɣermanen s tnecta yeḥwaǧ, rnu-as « azal adelsan » i d acrak n yidles n uḥareb n waman-a.

Last modified on Asinas, 23 Meɣres 2021 01:14
Aciri n yiwen n wahil aɣelnaw mgal n usexṣer n waman
  Yeffeɣ-d ass n : Aynas, 22 Meɣres 2021 23:55     Taggayt : TIMETTI     Ɣran-t : 4 n tikkal   Bḍu