Ass amezwaru n ulday n yidgen n usgunfu i yimdsanen, 9.738 n yimdanen i ikecmen ɣer Turtit n Warram n Ḥamma anda i merḥen sgunfan deg tebriḍin rnan rzan tibḥirt tasnimɣant deg uqader n uneggaf adawsan yersen deg ukatar n umennuɣ mgal n uzuzzer n waṭan n Unfafad Bu Tesmert (Covid-19), i d-yesseɣret i Tnegga n Yisalan n Lezzayer Mass Boulahia.

Wwḍen 2.700 n yinerza deg tnezzayt sakin deffir n yimekli kecmen-d 7.000 n yimdanen, yettwali dakken akcam-a ameqqran, deg wass amezwaru n ulday n yidgen n usgunfu, « yemmal-d dakken Turtit n Warram n Ḥamma d yiwen udeg usgunfu i ḥemmlent twaculin tizzayriyin i la d-yettasen seg wakk igezda n tmurt, ladɣ mi nella deg twala n yimuras iɣurbizen ».

Deg ukatar n usnas n wakaten n uɣella n ugezdu n Lezzayer, d tagnit i nfaṛes akken ad neldi Turtit n Warram n Ḥamma, seg zrin wugar n sin n wayyuren n umdal, yeḍmen-d dakken yers yiwen n upruṭukul adawsan, akka i d-yenna Mass Boulahia.