Menu principal

Menu principal

17.000 n yisehwa deg 2020: Tenqes-d tecrawt ɣef leḥsab n 2019

Yeffeɣ-d ass n : Lexmis, 28 Yennayer 2021 13:01   Ɣran-t : 657 n tikkal
17.000 n yisehwa deg 2020: Tenqes-d tecrawt ɣef leḥsab n 2019

ƐIN DDEFLA – S uɣrud, 17.778 n yisehwa n ubrid ay d-yellan deg 11 n wayyuren imezwura n 2020, yernu yella-d, s waya, unqas ɣef leḥsab n tallit-a deg 2020 aydeg d-ttwakelsen 21.109 n yisehwa deg 11 n wayyuren imezwura, ɣef wakken ay aɣ-d-txebber, ass n ukwas deg Tiberkanin (46 n yikilumitren deg utaram n Ɛin Ddefla), temkelleft s teɣwalt ɣer Tmahla Taɣelnawt i Tɣellist Tabridant.

« Azraɛ n tkaɣreft n unfafad bu uqacuc (aḍḍan n Covid-19) iḥuza azlay abridan d tḥemliwin n usefri deg usḍisyur wis sin n useggas yezrin yernu d aya ara d-yessegzun agmuḍ-a », ɣef wakken ay d-tenna Fatima Khellaf deg yijifeṛ n wass n usefri i lfayda n yinehhaṛen n yimseddayen imaẓayen ay ssuddsen deg unrar n usgunfu n Tiberkanin s usentel n « Deg tegrest, ttḥadaret snat n tikkal ugar ».

Anqas ay d-yellan deg tallit-a iḥuza daɣ amḍan n yimdanen yemmuten (yenqes-d s 391) d win n yimejraḥ (ay d-ineqsen s 4877), ɣef wakken ay d-tenna, am wakken ay d-terna dakken tacrawt-a d tasebɣast maca maci d tasedwatt.

Ɣef leḥsab-nnes, ula ma aql-aɣ nebɛed ɣef tecrawt n useggas n 2015 aydeg mmuten 4600 n yimdanen, ur yessefk ara akk ad yenqes usefri ladɣa imi tisnaddadin mazal keccfent-d dakken amur ameqqran seg yisehwa ssebba-nsen d amgi alsan.

« Amgi alsan d ssebba n 96,60% n yisehwa n ubrid ay d-yellan deg 11 n wayyuren imezwura n yilindi, sakkin, ad d-yas umgi n waddad n umsedday (2,01%) d win n tdumṣukt tabridant d tegnatin tisnigenwanin (1,39%), dɣa ɣef waya ay yessefk ad kemmlen wussisen n usefri i usenqes n twaɣit-a n ubrid », ɣef wakken ay d-tesfukel.

 

 

17.000 n yisehwa deg 2020: Tenqes-d tecrawt ɣef leḥsab n 2019
  Yeffeɣ-d ass n : Lexmis, 28 Yennayer 2021 13:01     Taggayt : TIMETTI     Ɣran-t : 657 n tikkal   Bḍu