Print this page

Abbar n 16 n yiṭunen n lkif d tkukayint d-yekkan seg Meṛṛuk

Yeffeɣ-d ass n : Akras, 27 Yennayer 2021 11:59   Ɣran-t : 368 n tikkal
  • Bḍu
Abbar n 16 n yiṭunen n lkif d tkukayint d-yekkan seg Meṛṛuk

LEZZAYER TAMANEƔT – Ixebber-d unemhal n umḥaq n udɣal ɣer Tmehla Tamatut n Tedwant Tazzayrit, Arezki Hennad, ass n usinas deg Lezzayer Tamaneɣt, ɣef wabbar, deg 2020, n 16 n yiṭunen n lkif yettwasekkren d 1,5 d amelyun n tɛeqqacin n leɛqel d 18 n yikilugṛamen n tkukayint ay d-yekkan seg Meṛṛuk.

Deg tgermant-nnes deg Ṛṛadyu Tagraɣlant, yenna-d Mass Hennad dakken « imeẓla n tedwant bbren, deg 2020, 16 n yiṭunen n lkif yettwasekkren ɣer yidis n 1,5 d amelyun n tɛeqqacin n leɛqel d 18 n yikilugṛamen n tehyufin tiquranin (takukayint) ».

« Neẓra akk seg wansi ay d-ttekkent tehyufin-a: idis utrim n tmurt », ɣef wakken ay d-ixebber.

Yesmekti-d umasay-a dakken bbren, deg tallit-nni, 220.000 n tyunin n yifarisen yettwadeɣlen, amur ameqqran seg-sent yekka-d seg Meṛṛuk.

Ma d adunemhal n yimyenkafen deg Tmehla Tamatut n Tedwant, Abderrahmane Hamdi, yellan daɣ d inebgi deg tesgilt-nni, yenna-d dakken imeẓla n tedwant sekkren 17.286 n temsal deg 2020 yernu heyyan-d tifgurin s wazal n 156 n yimelyaṛen n yidinaṛen, am wakken ay bbren 456.620 n wuṛuten, 34.900 n yidulaṛen d 23 n yikilugṛamen n wureɣ.

 

 

Last modified on Akwas, 28 Yennayer 2021 10:28
Abbar n 16 n yiṭunen n lkif d tkukayint d-yekkan seg Meṛṛuk
  Yeffeɣ-d ass n : Akras, 27 Yennayer 2021 11:59     Taggayt : TIMETTI     Ɣran-t : 368 n tikkal   Bḍu