Ɣef wakken i d-yenna uɣbalu-nni, tasestant-a taɣelnawt ɣef ma yella teɛǧeb-asen i yiɣermanen taɣara n umeẓlu anagdud n waman, ad telqeḍ tilɣa seg ɣur 550.000 n twaculin deg 1.541 n tɣiwanin yellan deg wakal akk n tmurt.

Seg ara d-skecmen 5.000 n yimezrawen isdawanen sakin ad ten-ssilɣen, tamzelt-a hrawen ara teg Tnegga taɣelnawt n usefrek imgensi n yiɣbula n waman (AGIRE), icar-itt s wudem unṣib uneɣlaf n Yiɣbula n Waman, Arezki Berraki, ass n 14 yennayer yezrin seg ugezdu n Blida, i d-yesseddi ulɣu.

Iswi n ugzum n yiɣbula n waman, ɣef wakken i d-tenna Tnegga taɣelnawt n usefrek imgensi n yiɣbula n waman (AGIRE), d aksab n wumuɣ n telɣa n tidet yerzan ṛṛay n wimsemrasen, asmagi akked sket n wayen i ttraǧun yimsemrasen rnu-as daɣen aseḍru n uɣawas n uselhu n yimeẓla.

« Ɣef waya ara d-nessegrew akk allalen deg yiwen n yiswi n usmagi n lexṣas akked tmussni n liḥala tilawt n tɣara n umeẓlu anagdud i wakken ad neg tigawin n uselhu tinicanin ara d-yemmezgen akked wayen i lattraǧun seg-neɣ yimsemrasen », i d-tesseddi Tnegga.