Menu principal

Menu principal

Tajrimt taliktṛunant deg tlemmast n tmurt: 1514 n yimdanen ay yettekkan deg tejrimin deg 2020

Yeffeɣ-d ass n : Lexmis, 14 Yennayer 2021 10:47   Ɣran-t : 864 n tikkal
Tajrimt taliktṛunant deg tlemmast n tmurt: 1514 n yimdanen ay yettekkan deg tejrimin deg 2020

LEZZAYER TAMANEƔT – Agim semmuset n tmaḍ mraw kuẓ (1514) n yimdanen ay yettekkan deg 2026 n tejrimin tiliktṛunanin deg temnaḍt talemmast n tmurt, deg 2020, ɣef leḥsab n tecrawt ay d-yefka, ass n ukras, umaswaḍ amnaḍan n temsulta n temnaḍt n tlemmast, Farid Zineddine Bencheikh.

Mi d-yessemned tacrawt n urmud aseggasan n temsulta n temnaḍt n tlemmast i useggas n 2020 yerzan 11 n twilayin, « ttwaḥesbent-d azal n 2026 n temsal n utɛeddi ɣef yinagrawen n usekker awurman n yisefka, d tid aydeg ttekkan 1514 n yimdanen, gar-asent 1264 n temsal ay yettwasekkren ».

Yenna-d uɣbalu-a dakken amḍan n tejrimin tiliktṛunanin yerna deg 2020 ɣef leḥsab n 2019, yernu yenna-d aya d agmuḍ n « usekmen deg uxxam ay d-yellan ɣef lǧal n tkaɣreft n unfafad bu uqacuc, yernu d aya ay yeǧǧan imdanen-a ad farṣen seg tallit-a akken ad gen igiten-nsen ijrimanen ».

Deg tallit ay d-yettwabedren sufella-a, ṭṭfen daɣ 1113 n yiklugṛamen n lkif, 1871 n yigṛamen n tiṛuyint, 1824 n yigṛamen n tkukayint, 603.477 n tɛeqqacin n leɛqel d 285 n tbeṭṭiwin n yisafaren n leɛqel.

« Ttwabẓen 29.444 n yimdanen yettekkan deg 25.815 n temsal yerzan tihyufin d tɛeqqacin n leɛqel », ɣef wakken ay d-ixebber Mass Bencheikh. 

 

Last modified on Lexmis, 14 Yennayer 2021 11:31
Tajrimt taliktṛunant deg tlemmast n tmurt: 1514 n yimdanen ay yettekkan deg tejrimin deg 2020
  Yeffeɣ-d ass n : Lexmis, 14 Yennayer 2021 10:47     Taggayt : TIMETTI     Ɣran-t : 864 n tikkal   Bḍu