Menu principal

Menu principal

Beldjoud: Yessefk useɛjel n useḍru n yisenfaren yerzan asunen n tili

Yeffeɣ-d ass n : Lḥedd, 10 Yennayer 2021 11:02   Ɣran-t : 889 n tikkal
Beldjoud: Yessefk useɛjel n useḍru n yisenfaren yerzan asunen n tili

LEZZAYER TAMANEƔT – Iger-d tiɣri uneɣlaf n ugensu, Kamel Beldjoud, ass n usiḍyas, i lmend n useɛjel n uwlelleɣ n useḍru n yisenfaren yerzan asunen n tili yernu ad ddmen akaten d utriben i tukksa n lexṣaṣ deg temnaḍin-a, ɣef wakken ay d-yenna yiwen n ulɣu n uɣlif.

Mass Beldjoud, ay yesselwin yiwet n temlilit s teẓrit d yiwaliyen d yiwaliyen inesmial, iger-d tiɣri i yiswiren unnigen akken ad sɛejlen awlelleɣ n useḍru n yisenfaren n wasunen n tili s usnas n lewṣayat n uselway n tegduda, Mass Abdelmadjid Tebboune.

Deg umyager-a ay d-yellan deg ukatar n temliliyin tiwalanin n usemyuddes, iwekked-d uneɣlaf n ugensu dakken yessefk ad ttwaddmen wakaten d utriben i tukksa n lexṣaṣ deg wasunen-a ladɣa deg wayen yerzan tagnit n tmeddurt deg tegrest, asiweḍ n waman n tissit d wurrig d urẓam n yibriden igezmen s udfel.

Deg wayen yerzan aḍfar n tegnit tasenbayyurant n waḍḍan n Covid-19, yenna-d Mass Beldjoud dakken yessefk ad yeqqim uswir d unnig n teɣḍeft yernu yessefk ad d-yili usemyuddes gar akk idisan ay terza temsalt i lmend n tukksa n tkaɣreft-a, am wakken ay d-yesmekti dakken yessefk ad ttwaddmen wakaten deg wakud iwatan deg temnaḍin ay terza temsalt i lmend n uqabel n tegnatin tirugminin.

Deg wayen yerzan tagnit n yibalmuden deg uɣerbaz, iger-d tiɣri uneɣlaf i ukemmel n wussisen i uselhu n wakk iɣerbazen deg wakk timnaḍin n tmurt, am wakken ay d-iwekked dakken yessefk ad tettunefk tuzwirt i umesni, acečči d useḥmu n yiɣerbazen.

 

 

Last modified on Lḥedd, 10 Yennayer 2021 11:04
Beldjoud: Yessefk useɛjel n useḍru n yisenfaren yerzan asunen n tili
  Yeffeɣ-d ass n : Lḥedd, 10 Yennayer 2021 11:02     Taggayt : TIMETTI     Ɣran-t : 889 n tikkal   Bḍu