Mi d-terra ɣef yiwet n tuttra yerzan igurdan ur nesɛi ara tiwuaculin akked ukaram n lkafal deg temlilit n usqamu n Uɣlan i gan i tuttriwin timawiyin, tenna-d Massa Krikou dakken agzum la yettmahal i trusi n yiwen n ukatar n umciwer akked tallelt akked yigzumen terza temsalt i usekyed n yiberdan ara isisehlen tarusi deg twaculin n taggayt n yigurdan ur nesɛi ara tawacult s yiberdan inmettiyen akked yizerfanen ara iḍemnen lfayda n ugrud.

« Yeḍmen ugzum asteklef s yigurdan ur nesɛi ara tawacult s uẓeḍwu asudan n 53 n temṣukin yellan deg 40 n yigezda, i d-yettwaɣenwen s tanaḍt taslekmant 12-04 yerzan aẓayer-asekkan n temṣukin n yigruden yettwallen », i d-tesmekti.

Tezzireg-d tneɣlaft dakken timṣukin-a n yigruden yettwallen cudden s agzum-is d tallunt n urmas n yigruden ur nesɛi ara tawacult, i asen-iḍemnen yiwet n twennaḍt n twacult, s leɛḍil ad asen naf amḍiq anmeti-asaduran, terna tenna-d dakken amḍan n yigruden ur nesɛi ara tawacult yellan deg temṣukin-a wwḍen ar 1000.