Menu principal

Menu principal

Tasemhuyt tanebdant 2020 : mmuten 71 n yimdanen s uɣrag deg uswir aɣelnaw

Yeffeɣ-d ass n : Asimwas, 09 Tubeṛ 2020 01:26   Ɣran-t : 0 n tikkal
Tasemhuyt tanebdant 2020 : mmuten 71 n yimdanen s uɣrag deg uswir aɣelnaw

LEZZAYER  TAMANEƔT – Skelsen samraw d yiwen (71) n tmettanin s uɣrag ideg llan 46 n yimdanen deg teftisin yettwagedlen i uɛummu deg 14 n yigezda i d-yezgan ɣef yiri n yillel deg twala yersen gar 15 yulyu akked 1 tuber 2020, i d-yenna ass n ukwas (lexmis) unemhal n teɣwalt akked usiḍen deg Tmehla tamatut n Umesten aɣarim (DGPC).

"D aɣrud n 71 yimdanen i yemmuten s uɣrag i yettwaskelsen deg twala yersen gar 15 yulyu akked 1 tuber 2020 deg 14 n yigezda i d-yezgan ɣef yiri n yillel, aya yeḍra-d seg yebda useddu n uɣtas n ulday afaran  n teftisin akked tellunin n usgunfu, almend n yiwen n unagraw  n urafeq akked uḥezzeb ideg llan wakaten idawsanen i umesten mgal azuzzer n Unfafad Bu Tesmert Covid-19", i d-yessegzi i Tnegga n Yisalan Lezzayer Achour Farouk.

Ɣef wakken i d-yenna umasay-nni, gar 25 n liḥalat n tmettant i d-yeḍran def teftisin ideg yettwasireg uɛummu, 10 n liḥalat skelsen-tent beṛṛa n yisragen n tɛessast n teftisin mgal 15 n liḥalat mi tella tɛessast.

Deg twala i d-nebder ufella, nessekles azal n 37 imelyan n wid yesnebdan deg 14 n yigezda-a yellan ɣef yiri n yillel, 27.525 n tigawin akked 19.429 iḍen n usukkes n yimdanen iɣerqen, rnu daɣen 6.916 n yimdanen i duwan din akked 1.255 n yimdanen i wwin s isegnafen, i yezzireg umasay.

Terza temsalt daɣen 12 n yimejraḥ i d-yekkan seg yisehwa n teflukin, ideg llan 5 deg ugezdu n Ṭṭaref. Ulac wanda skelsen liḥala n tmettant, i d-yenna.

D aɣrud n 13.00 n yimeggiyen akked yifesyanen i d-sgerwen i tɣellist n teftisin deg tettwaɛemmed uɛumu, amḍan n teftisin yewweḍ ar 384, aya akk deg 14 n yigezda i d-yezgan ɣef yiri n yillel, rnu-as tarusi n wakk isgalfen yessefken i umesten n wid akk yesnedan am wakken i yella deg unagraw n urafeq n uḥezzeb akked upruṭukul adawsan i wakken ad nqabel Anfafad Bu Tesmert Covid-19, i yerna yenna-d.

Tasemhuyt tanebdant 2020 : mmuten 71 n yimdanen s uɣrag deg uswir aɣelnaw
  Yeffeɣ-d ass n : Asimwas, 09 Tubeṛ 2020 01:26     Taggayt : TIMETTI     Ɣran-t : 0 n tikkal   Bḍu