Menu principal

Menu principal

Isehwa n ubrid : mmuten 32 n yimdanen akked 1 462 iḍen d imejraḥ deg yiwen n yimalas

Yeffeɣ-d ass n : Asinas, 11 Ɣuct 2020 22:03   Ɣran-t : 1 n tikkal
Isehwa n ubrid : mmuten 32 n yimdanen akked 1 462 iḍen d imejraḥ deg yiwen n yimalas

LEZZAYER  TAMANEƔT – Kramraw d sin (32) n yimdanen i yemmuten akked 1 462 iḍen d imejraḥ deg 1 182 n yisehwa n ubrid i yettwaskelsen deg yiwet n twala i yeqqimen seg 2 ɣuct ar 8 ɣuct deg wakal akk aɣelnaw, ɣef wakken i d-yedda deg yiwet n tecrawt i d-ssuffɣen, ass usinas (ttlata), yimeẓla n Umesten aɣarim.

Tacrawt ẓẓayen ugar tettwasekles deg ugezdu n Ǧelfa, s tmettant n kraḍ n yimdanen akked kramraw-iḍen d imejraḥ seg d-ḍran mraw d tẓa n yisehwa n ubrid, i yezmel uɣbalu-nni.

Seg yidis-iḍen, tiyunin n Umesten aɣarim gant, deg yiwet n twala, 611 n temzal n usḥulfu yerzan aḥezzeb akked umennuɣ mgal n Unfafad Bu Tesmert (Covid-19) deg 48 n yigezda n tmurt.

Deg usḥulu-nni, smektin-d i yiɣermanen dakken yessefk ad qadren akman akked yilugan n usmecceq anmetti.

Tiyunin n Umesten aɣarim gant, deg yiwen n ukatar, 638 n temzal n usizdeg amatu deg 48 n yigezda n tmurt, yerzan akk timṣukin akked tsuda tinagdudin akked tusligin, igmamen akked yiɣladen, i d-tesseddi tecrawt, terna tenna-d dakken snat temzal-a sgerwent-d 2711 n yimeggiyen n Umesten aɣarim, 444 n tkeṛṛusin yettawin imejraḥ akked 337 n yikamyunen n usexsi n tmes.

Ɣef wakken i d-tenna tecrawt-nni, imeẓla n Umesten aɣarim skelsen 233 n tmessin, ideg llant 122 n tmessin n tẓegwa, 38 n tmessin yuɣen deg umadaɣ, 42 n tmessin yuɣen deg usaɣur, 31 n tmessin yuɣen deg lɣella, akka rɣan 2946 n yihikṭaren, deg-sen 4845 n yihikṭaren n usaɣur, 21180 n tegriẓin n walim, 1909 n tezdayin akked 6354 n yisekla n yigumma.

Isehwa n ubrid : mmuten 32 n yimdanen akked 1 462 iḍen d imejraḥ deg yiwen n yimalas
  Yeffeɣ-d ass n : Asinas, 11 Ɣuct 2020 22:03     Taggayt : TIMETTI     Ɣran-t : 1 n tikkal   Bḍu