Menu principal

Menu principal

Iweẓla isɣananen: Tamyaqqant i usejhed n tigawt tucrikt deg temsalt n umesten n yigerdan

Yeffeɣ-d ass n : Asimwas, 17 Yulyu 2020 13:07   Ɣran-t : 0 n tikkal
Iweẓla isɣananen: Tamyaqqant i usejhed n tigawt tucrikt deg temsalt n umesten n yigerdan

LEZZAYER TAMANEƔT – Yezmel uɣlif n yiweẓla isɣananen, ass n ukwas, tamyaqqant d Ugman Aɣelnaw n Umesten d Usmal n Tgerda i usejhed n tigawt tucrikt deg wayen yerzan amesten d usmal n yigerdan.

Tamyaqqant-a yezmel-itt uneɣlaf n yiweẓla isɣananen, Youcef Belmehdi, d tnesmigalt taɣelnawt i umesten n yigerdan, taselwayt n Ugman Aɣelnaw n Umesten d Usmal n Tgerda, Meriem Cherfi, yernu iswi-nnes d aheyyi n ukatar n unmireg d usemyuddes i tigawt tucrikt deg wayen yerzan amesten n yigerdan d usejhed n wussisen i uḥraz n twacult d uḍman n twennaḍt tuɣlist i lfayda n ugrud.

Tamyaqqant-a d tin daɣ ara d-yelhun s usileɣ i lmend n umesten n ugrud d tmunit n yigerdan deg ukatar n usaḍuf 15-12 n 15 Yulyu 2015 yeqqnen ɣer umesten n ugrud.

Deg ukatar n temyaqqant-a, ad d-ttwaheyyin wahilen n usileɣ i yimamen d temnirin tisɣananin, am wakken ara gen asileɣ n yimsilɣen i lmend n umesten n ugrud d usmal n yizerfan-nnes.

Taftart-a tessefray daɣ asuddes n tḥemliwin tucrikin n usefrey i uzraɛ n tmussni n yizerfan n ugrud d usebded n tsemsedda ay izemren ad ẓẓunt idles n umesten n tgerda deg tmetti.

 

Iweẓla isɣananen: Tamyaqqant i usejhed n tigawt tucrikt deg temsalt n umesten n yigerdan
  Yeffeɣ-d ass n : Asimwas, 17 Yulyu 2020 13:07     Taggayt : TIMETTI     Ɣran-t : 0 n tikkal   Bḍu