Menu principal

Menu principal

Inig arusḍif: Qeddmen-d tamyadast tazzayrit

Yeffeɣ-d ass n : Asinas, 14 Yulyu 2020 16:41   Ɣran-t : 0 n tikkal
Inig arusḍif: Qeddmen-d tamyadast tazzayrit

LEZZAYER TAMANEƔT – Iqeddem-d uneɣlaf n ugensu, Kamel Beldjoud, ass n uynas, deg yiwen n umyager s teẓrit d kra n yineɣlafen n ugensu n Tdukli Tuṛufit, tamyadast tazzayrit deg usekker n yinig arusḍif d yidis-nnes amdanan.

Timlilit-a derwen deg-s yigensasen n Ṭṭalyan, Fṛansa, Malṭa d Lalman yernu tella-d i usekyed n yinig arusḍif d wamek ara nnaɣent tmura-a mgal-nnes, ɣef wakken ay d-yenna ulɣu n uɣlif.

Deg tinawt-nnes, iwekked-d Mass Beldjoud ɣef tixxutert n umyager-a ay izemren ad yessejhed anmireg gar yidisan ay terza temsalt ama deg uswir amnaḍan, ama deg uswir agraɣlan i lmend n umennuɣ mgal yiẓeḍwan n wid yesɛeddayen iminigen irusḍifen.

Iwekked-d daɣ uneɣlaf ɣef tḍullit n unadi n tefratin tikmamin i lmend n uferru n wugur-a.

Nnig waya, yebder-d uneɣlaf idis amdanan ay yefka Lezzayer i temyadast-nnes akken ad tefru taluft-a, am wakken ay d-iwekked dakken iduba inagduden heyyan-d  ammaken d teɣbula timeqranin akken ad d-lhun s yiminigen irusḍifen.

Aneɣlaf yules iwekked-d, deg tlemmiẓt-a, dakken Lezzayer tezga tewjed akken ad tessejhed assaɣen-nnes n unmireg d yicriken-nnes i lmend n uḥkam n yinig arusḍif.

 

Last modified on Asinas, 14 Yulyu 2020 16:42
Inig arusḍif: Qeddmen-d tamyadast tazzayrit
  Yeffeɣ-d ass n : Asinas, 14 Yulyu 2020 16:41     Taggayt : TIMETTI     Ɣran-t : 0 n tikkal   Bḍu