Menu principal

Menu principal

Isehwa n ubrid : Mmuten 20 n yimdanen akked 1326 iḍen d imejraḥ deg yiwen n yimalas

Yeffeɣ-d ass n : Akwas, 09 Yulyu 2020 11:32   Ɣran-t : 2 n tikkal
Isehwa n ubrid : Mmuten 20 n yimdanen akked 1326 iḍen d imejraḥ deg yiwen n yimalas

 

LEZZAYER  TAMANEƔT – simraw (20) n yimdanen i yemmuten akked 1326 iḍen d imejraḥ deg 1154 n yisehwa n ubrid i d-yeḍran deg temnaḍin yemgarden n tmrut deg twala iqelɛen seg 28 yunyu ar 4 yulyu, ɣef wakken i d-yedda deg tecrawt i d-yettwaẓergen ass n ukras (larebɛa) i gan yimeẓla n Umesten aɣarim.

Tacrawt ẓẓayen skelsen-tt deg ugezdu n Sṭif, s tmettant n 3 n yimdanen akked 50 iḍen d imejraḥ deg 42 n yisehwa n ubrid.

Imsukksen n Umesten aɣarim gan daɣen tigawin n usensi n 2976 n yimeḍqan n tmessin ladɣa wid yettilin deg temdinin akked lluzinat i skelsen deg wakal akk n tmurt.

Seg yidis-iḍen, yiwen n uɣrud n 4663 n yimeggiyen n Umesten aɣarim, yesɛan isellunen yemgarden, akked 670 n tkeṛṛusin yettawin imejraḥ, akked 455 n yikamyunen n usexsi n tmess i d-sgerwen deg yiwet n twala i wakken ad gen timzal n usḥulfu n yiɣermanen akked ufraḍ amatu n yigmamen deg 48 n yigezda, deg ukatar n umennuɣ mgal n uzuzzer n Unfafad Buqacuc (Covid-19).

Ɣef wakken i d-yenna uɣbalu-nni, tiyunin n Umesten aɣarim gan, deg twala-nni, 896 n temzal n usḥulfu deg 48 n yigezda n tmurt i wakken ad smektin i yiɣermanen dakken yessefk ad nqader akman akked yilugan n  n usmecceq anmetti, akked 613 n temzal n ufraḍ akked uzizdeg iḥuzan "akk tidumṣukin, timṣukin tinagdudin akked tusligin, igmamen akked tzenqatin", i rnan nnan-d.

 

 

Isehwa n ubrid : Mmuten 20 n yimdanen akked 1326 iḍen d imejraḥ deg yiwen n yimalas
  Yeffeɣ-d ass n : Akwas, 09 Yulyu 2020 11:32     Taggayt : TIMETTI     Ɣran-t : 2 n tikkal   Bḍu