Menu principal

Menu principal

Taremɣa n ubrid: Tamehla n Tɣellist Taɣelnawt tger-d tiɣri i uheyyi n uɣawas amellil n uḥezzeb

Yeffeɣ-d ass n : Asinas, 07 Yulyu 2020 17:30   Ɣran-t : 2 n tikkal
Taremɣa n ubrid: Tamehla n Tɣellist Taɣelnawt tger-d tiɣri i uheyyi n uɣawas amellil n uḥezzeb

LEZZAYER TAMANEƔT – Iger-d tiɣri unemhal amatu n tɣellist taɣelnawt, Khelifa Ounissi, ass n uynas deg Lezzayer Tamaneɣt, i yikataren n tɣellist tanagdudt akken ad d-heyyin aɣawas amellil n uḥezzeb ara yettwaferqen ɣef yimetwiyen n tɣellist deg tmurt allen ma tella i lmend n uḥbas n « tremɣa n ubrid ».

Mi yefka lameṛ i ubeddu n yiwet n tḥemla taɣelnawt n usefrey ɣef tɣellist tabridant deg Uzumbi Awlal (taɣiwant n Muḥemmadeyya), iwekked-d unemhal n tɣellist taɣelnawt dakken imeẓla n tɣellist tanagdudt yessefk ad d-afen tifratin deg unrar yernu ad zerwen ssebbat n « tremɣa n ubrid » d tmerniwt war abdad n umḍan n wid yettmettaten deg yisehwa n ubrid.

Ula ma awanak yefka aṭas n wammaken i tɣellist taɣelnawt d teɣbula tilsanin, agmuḍ mazal ixuṣṣ deg unrar-a, ɣef wakken ay d-yesḥassef, ladɣa imi, deffir 20 n yiseggasen n umahil, mazal irennu umḍan n teɣtas n yisehwa n ubrid.

« Tifrat ur teqqin ara kan ɣer tigawt n temsulta, wanag yessefk ad ttekkin daɣ yicriken am yiɣerbazen n tenhaṛt, imeẓla ay d-yelhan s tegnit n yibriden, uguren itwilanen n yimseddayen d tegnit n unehhaṛ », am wakken ay yessefk ad d-lhun daɣ s yimetwiyen n uzlay, ɣef wakken ay d-yerna.

Deg wayen yerzan taddadanin tiwalanin n yimeẓla n tɣellist tanagdudt, yenna-d dakken ikamyunen n umesni n yilzazen d tuccḍa n umdan d nitni ay d ssebbat timezwura akk n yisehwa n ubrid, yernu iwekked-d dakken imeẓla n tɣellist « yessefk ad selḍen ssebbat-a yernu ad d-lhun s usefqed n teṛmisin n umesni n yilzazen akken ad tḥeqqen dakken yettwaqader uzmam n tewtilin ara iḍemnen ama d taɣellist n unehhaṛ, ama d tin n umsebrid ».

 

 

Last modified on Akwas, 09 Yulyu 2020 11:33
Taremɣa n ubrid: Tamehla n Tɣellist Taɣelnawt tger-d tiɣri i uheyyi n uɣawas amellil n uḥezzeb
  Yeffeɣ-d ass n : Asinas, 07 Yulyu 2020 17:30     Taggayt : TIMETTI     Ɣran-t : 2 n tikkal   Bḍu