Menu principal

Menu principal

Isehwa n ubri deg temdinin : mmuten 6 n yimdanen akked 142 nniḍen d imejraḥ deg yiwen n yimalas

Yeffeɣ-d ass n : Akwas, 09 Yebrir 2020 20:53   Ɣran-t : 0 n tikkal
Isehwa n ubri deg temdinin : mmuten 6 n yimdanen akked 142 nniḍen d imejraḥ deg yiwen n yimalas

LEZZAYER  TAMANEƔT – Mmuten Sḍis (6) n yimdanen akked 142 nniḍen d imejraḥ, deg yiwen n yimalas, deg yisehwa n ubrid i d-iḍerrun deg temdinin n tmurt-nneɣ, i d-tenna ass n ukaws (lexmis) Tmehla tamatut n Tɣellist taɣelnawt (DGSN).

"Imeẓla n Tɣellist taɣelnawt skelsen, ayen tekka twala yersen seg gar 31 meɣres ɣer 6 yebrir ideg nella, yiwen n uɣrud 120 n yisehwa n ubrid deg temdinin i d-yeglan s tmettant n 6 n yimdanen akked 142 nniḍen d imejraḥ", i yezmel yiwen n ulɣu n Tmehla tamatut n Tɣellist taɣelnawt (DGSN).

Tacrawt-a tennerna s wassaɣ ɣer yimalas i tt-yezwaren s 13 n yisehwa, 13 n yimejraḥ akked 03 n tmettanin, i d-yesseddi uɣbalu-nni.

D amdan i d ssebba tagejdant n yisehwa-a s yiwen n utug yekkan nnig n 92% acku ur ttqadaren ara ameccaq n tɣellist, tuggta n urured akked ɛeyyu n unehhar, rnu-d ssebbat yeqqnen ɣer tkeṛṛust akked twennaḍt.

Tmehla tamatut n Tɣellist taɣelnawt (DGSN) tules-d tiɣri-s i yinehharen n tkeṛṛusin i wakken ad ḥezzben ugar mi ara ssenharen, ad qadren angal n ubrid akked usenɣes n urured, tezzireg-d ɣef wakken yessefk ad nesɛeddi takeṛṛust-nneɣ deg usefqed atwilan awalan.

Tesmekti-d Tmehla tamatut n Tɣellist taɣelnawt (DGSN) dakken yella wuṭṭun azegzaw 1548 akked wuṭṭun n usukkes 17 i la iteddu 24h/24 yesragen.

Isehwa n ubri deg temdinin : mmuten 6 n yimdanen akked 142 nniḍen d imejraḥ deg yiwen n yimalas
  Yeffeɣ-d ass n : Akwas, 09 Yebrir 2020 20:53     Taggayt : TIMETTI     Ɣran-t : 0 n tikkal   Bḍu